永和海鮮酒家

半斤叉燒 其實都已經買幾次真係太耐無食過好好味嘅叉燒半肥瘦一定係最好嘅👍🏻入口係鬆軟 加上熱辣辣 真係回味無窮無添加色素 原汁原味 半斤叉燒+白飯 呢個配搭簡直係絕配職員態度亦好好 夠親民 …さらに見る

同屋企人黎西貢 Staycation, 因為長輩鍾意食海鮮，所以想搵間好食又唔太貴嘅餐廳。偶然行過永和海鮮酒家，上OpenRice check一check，見評價都正面，一於就食呢一間。自己買咗條魚、蝦同扇貝，另外就嗌多兩個小菜同一個老火湯。上菜非常迅速：條魚蒸得啱啱好，扇貝夠味，蝦就白灼冇乜嘢好講；小菜炒得幾有鑊氣；送嘅綠豆沙有加臭草煲，連長輩都讚好👍另外值得一提嘅係，呢度啲員工非常有禮貌，會主動幫手，唔似得海鮮街嗰邊某啲舖頭咁黑口爛面。我哋食到咁上下，出面傾盆大雨，員工叫我哋慢慢食唔使急，可以坐幾耐都得。埋單4個人唔駛$800，加埋$380海鮮錢，西貢物價算係咁。順帶一提，見到隔籬枱嗌團餐，龍蝦伊麵超大碟，條魚都好似好大好新鮮咁，唔想自己買海鮮嘅都可以試吓佢。…さらに見る

都係朋友推介今次入去西貢就試吓呢間充滿傳統風味嘅茶樓，其中一個賣點就唔太常見嘅雞球大包大包份量真係好足一個已經夠一個小朋友自己都食唔晒另外所有點心都熱辣辣去開西貢都係一個好選擇…さらに見る

作為一個不時會來西貢尋找美食的饕客，西貢永和海鮮酒家早已成為我的心頭好🫶這間位於西貢的傳統港式酒家，雖然藏身小巷，卻憑著真材實料的菜式和親切的氛圍，成為我每次入西貢的首選👍今次帶了新鮮海鮮請酒家加工，同時點了幾道招牌小菜，結果一如既往地令人滿足🤗店員接過我們從海鮮檔買的蟶子、大蝦、扇貝和生蠔，熟稔討論着「薑蔥炒定豉椒？」「粉絲底定米粉底？」，像鄰里寒暄般自然🤝**海鮮加工見真章** 肥美蟶子用豉椒快炒，鑊氣逼出海洋鮮甜，墊底的米粉吸盡蟶子的精華及豉椒汁，微辣中帶著濃香，吃得停不下來🥢豉油王大蝦香氣四溢，蝦肉彈牙鮮甜，豉油調味濃而不膩，讓人忍不住連指尖都要吮得乾乾淨淨，簡單卻極具功力🦐蒜蓉蒸扇貝更是驚艷，扇貝鮮味被蒜蓉提升得淋漓盡致，令人回味。加工水準之高，讓人感受到食材被充分尊重🌟薑蔥生蠔煲上枱時還在啫啫作響⚡️肥蠔裹着焦香薑片，蠔汁混着熱砂煲的焦香，是街坊酒家才有的粗獷鮮美💫**鎮店小菜不遑多讓** 蜜糖山楂骨堪稱神級開胃菜，酸甜可口，排骨外層酥脆，內裡多汁，蜜糖與山楂的搭配恰到好處，開胃又解膩💕燒鵝每日現烤，脆皮咬下時能聽見「咔嚓」聲，皮脆肉嫩，油香撲鼻，蘸點醬汁更是絕妙，難怪成為店內招牌🦤小炒王炒功了得，食材新鮮，火候掌握精準，味道濃淡適中，令人回味🍽️即使不帶海鮮，永和的小菜質素依然有保證，份量足、用料實在，性價比極高🎁酒家環境帶著舊式酒家的懷舊風情，乾淨舒適，適合一家大小或朋友聚餐🍻雖然位置靠近天后廟的小巷內，不算顯眼，但對我來說，這正是西貢的隱世美食瑰寶🎊總括來說，永和海鮮酒家無論是加工海鮮還是自家菜式，都展現了傳統港式廚藝的精髓🎈每次入西貢吃晚飯，這裡總能帶來滿足的滋味，下次我還會再來，繼續探索更多美味🎉…さらに見る

我真係唔記得左幾耐冇去過西貢了。以前去西貢都係食海鮮，今次太耐冇去西貢，所以揾返啲舊朋友。大概早上10:00到左西貢，咁佢就話去飲茶，咁就隨便揾咗間茶樓。食下點心，味道係正常的😄…さらに見る

話晒西貢都係一個旅遊點，估唔到一間酒樓可以咁參差。去完海灘，食個午飯，去咗呢間酒樓。叫咗十幾個點心，食、香、味，淨係個樣已經好肉酸。除咗遊客，都唔知佢點樣生存到…さらに見る

早前，大夥兒到西貢晚飯，朋友介紹永和，買了些海鮮加工，見做法便知用心製作，加上味道，真的不錯，感受廚子的用心；特別喜歡椒鹽鮑魚（嚼頭剛好）、清蒸星班（火喉剛好）；還有店家小菜，燒鹅、小炒王、椒鹽豆腐…… 都不錯、不錯；還有要讚是服務只姐姐🍀現今香港少見的服務態度👍🏼👍🏼👍🏼👍🏼👍🏼👍🏼👍🏼🫰🏻…さらに見る

永和唔係只有賣情懷，就算係賣都係街坊價，上下四層都係原居民、街坊同附近做野嘅人。閒日只係8蚊一位茶，頂點只係33蚊，重有48蚊午市特價粉麵飯。時菜雞柳炒麵上檯時重飄係水蒸氣，師傅係正正宗宗傳傳統統嘅鄉村粵菜手勢，可能我年紀大左，真係覺得好食，係由細食到大嘅好味，不過最好味嘅味菜炒麵，今次叫特價嘅。每次我都叫鯪魚球，已經唔記得响幾時响邊度，重可以見到有西洋菜墊底嘅蒸鯪魚球，味道唔算好濃，好似海棉一像軟軟哋。鄉村酒樓人情味好濃，阿姐冇排斥外人，雖然唔係殷勤式嘅服務，但係有傾有講，介紹你食特價嘢， 親切有禮，快手快腳。兩個人清清淨淨坐咗2粒鐘，一碟炒麵，2個中點，一共$125，泊車泊遠少少露天停車場，$16一個鐘，除左冇豪華裝修，比北上清淨舒服。…さらに見る

天后誕前夕，入嚟逛吓順便飲個茶。見佢啲侍應好似換咗一批，唔知酒樓有冇轉到手。但係食物方面真係同之前有少少分別。水準依舊嘅就係個麻蓉包，菜遠牛腩炒麵，芋角，爽肚，牛肚都係咁好食。最失望係個鯪魚球，之前鍾意你呢度就因為佢個鯪魚球又陳皮同埋蝦米嘅香味，但今次食嘅時候呢兩種味道已經感覺唔到，同埋一咬落去啲魚肉完全唔彈牙，咬即刻散開，灰到一個點。灰開有條路，食埋個燒腩包，佢個南乳醬應該唔記得落糖中和番，鹹到好似成磚南乳擺落口咁食。呢個包其實都係必點㗎，但係今次真係十分崩潰。個沙律蝦角個皮又淋又厚，雖然裏便蝦肉脹卜卜，但係都係扣咗唔少印象分。好彩琳美個桂花糕有椰汁底，清甜又好食，挽回番d分數。最後忍唔住走嘅時候喺收銀問姐姐係咪轉咗師傅，佢話冇轉，咁希望之後再嚟嘅時候可以食返以前嘅水準。如果唔係，都唔知入西貢仲可以去邊度飲茶？…さらに見る

- [ ] 永和海鮮酒家一間好傳統local嘅酒樓。門面細細，地下嗰層得七，八張枱。原來樓上仲有二，三，四樓三層。全部人前前後後都係講廣東話好親切。星期六日工作假期都有特價嘅粥粉麵飯。煎腸粉非常出色，佢嘅蝦米同埋蔥都好多，個面煎到燶燶地。有啲似以前細個推車仔嗰啲煎腸粉。蝦餃燒賣都係傳統做法。蝦餃個皮好薄啲蝦好大隻。燒賣就係冬菇燒賣嚟，大大粒。鳳爪同埋咖喱牛筋質素都係中上之作。牛筋個底剩係得一粒薯仔，性價比超高。…さらに見る

一年一度公司晚宴，同事話想食海鮮，食得海鮮最唔想遇到嘅事就係俾人鋸到一頸血，最後一行12人去永和食，幾十年西貢老店充滿傳統特色。預先幾日搵店長預留一間房，等大家唔怕嘈到其他人。一直以來都知永和嘅燒鵝同叉燒好食，但由於之後有海鮮做主角，怕食得太飽所以第一道菜揀左脆皮乳鴿食完頭盤就迫不及待叫主角出場【象拔蚌刺身】新鮮象拔蚌刺身相信無人不愛爽口又鮮甜，令人食極都唔夠喉師傅仲好有心機咁砌左朵玫瑰花出嚟依道菜100分象拔蚌個膽由於味道比較濃，所以唔係人人都鍾意生食，拎去椒鹽炸完全解決左依個問題，好似食緊炸蠔咁但又無炸蠔咁膩【椒鹽象拔蚌膽潤】之後就到惹味之王【豉油王大蝦】依個豉油王大蝦好似叫鬼蝦（唔肯定）同一般蝦有d唔一樣，除左個頭扁身d外個殼仲好軟身，食嗰陣可以連殼食所以道菜超惹味，仲唔洗整污糟手講到食海鮮點可以漏左佢【豉椒炒大蟶子皇】一大串肥美嘅蟶子，爽口彈牙又惹味唯一可惜係有少少沙，漏左DD分講左咁耐，終於到Final Boss【巨型椒鹽瀨尿蝦皇】依道菜唔洗介紹，見到樣都知無得頂由於唔知點形容隻蝦嘅大細最後決定用把鉸剪係用嚟做對照（依個size嘅瀨尿蝦喺街市買都差唔多成400-500蚊一斤）食到依道已經有d飽竟然唔聽記得影低條【清蒸大海東星班】最後仲有個菠蘿咕嚕肉同姜汁糕食完一堆海鮮，食個姜汁糕中和就啱曬同事們都非常滿足+滿意唯一要挑剔嘅就係依度食無海照景睇，但食高質海鮮唔洗比人劏已好難得…さらに見る

喺西貢請食點心🥧除咗可以揀近碼頭嘅西貢全記之外仲可以揀一間和記飲茶🫖我喺平日嘅晏晝飲茶🫖見到好多住西貢嘅當地人🥳都喺度飲茶呢度飲茶有兩層聲浪比較大但係點心嘅質素真係高😍件件大件夾抵食例如金錢肚同埋鳳爪嘅色素就比較唔同平時我哋用嘅比較好可能用嘅色素不同但係感覺色素冇咁勁😯😯😯另外牛肉球真係平時牛肉球嘅雙倍份量版🥹🥹🥹大家睇相就會知道點心份量嘅大細～多人飲茶仲可以叫飯叫面相當抵食…さらに見る

平時我媽咪經常道永和海鮮酒家飲早茶🥢🥰，她很喜歡這裏的點心， 今次帶朋友嚟試下，位於西貢普通道14號A地下。 我們三人點了八款點心和叉燒燒肉飯。 點心即叫即做， 我最喜歡食芋角， 香酥美味， 而家唔係好多茶樓有得食了。 另外燒味亦做得不錯， 叉燒肥瘦適中又夠軟腍。 每份點心都大大份， 真材實料， 值得推介🙌🏻。🏷️溫馨提示～ 整個用餐體驗均屬個人分享意見， 只作參考😊。     永和海鮮酒家地址: 西貢普通道14號A地下…さらに見る

去西貢梗係食海鮮啦，自來海鮮加工，呢間舊式酒樓煮得唔錯。我地自己去西貢街市買了一條斑(好似係老虎斑)再加兩隻龍蝦，澳洲嘅，兩樣野都游水架，夾埋$600，拎去呢間酒樓加工，條魚就清蒸，龍蝦就薑蔥再加伊麵底。條斑蒸得剛剛好，好鮮嫩，龍蝦薑蔥伊麵底都係第一次咁樣食，因為通常都係芝士焗伊麵底，不過薑蔥煮都幾好食，起碼無芝士咁滯。我地另外再叫多個椒鹽鮮魷，好香口好好食。最後仲有薑汁紅棗榚送，真係又好食又抵食。…さらに見る

朋友介紹要試吓呢一間嘅燒鵝，於是打電話訂位嘅時候訂埋，另外問吓仲有乜野要預訂，佢叫我試埋乳豬，仲建議我訂半隻，因為費事食唔晒會浪費。隻燒鵝真係唔錯，真係可以燒到皮脆肉滑，有少量肉汁仲留喺D鵝肉入面。隻鵝偏瘦，所以幾乎係無乜皮下脂肪，唔洗一路食一路咬走D肥膏。佢層皮既薄且微脆，唔食皮嘅我都忍唔住要食少少，果然係名不虛傳。半隻乳豬專登留半個頭比你都真係好有誠意，皮燒得夠脆，肉身比較厚，脂肪層算少，另外佢嘅豬腳仔唔會燒到燶晒黑媽媽食唔到。除咗燒鵝同乳豬之外，我地仲叫咗個菜，豆腐蒸菜膽，呢個餸就比較一般D。…さらに見る