影片
更多
2024-06-09
241 浏览
《四季椰林海南椰子雞 - 旺角》國內人氣嘅品牌四季椰林海南椰子雞而家喺香港都食到啦😍其實我第一次接觸椰子雞係以前讀書轉宿舍嗰陣時，其中一個室友用椰子水煮雞再打邊爐，試過之後覺得好似飲咗一碗用椰子水煲嘅雞湯咁，自此就好鍾意呢一個配搭啦🥰曾經喺國內工作過，呢個品牌我都成日幫襯㗎☺️啲嘢出咗名大件夾抵食，兩個人一般叫一個椰子雞鍋再加個臘味飯就已經足夠啦🤓而家香港都有得食正宗嘅海南椰子雞，仲要係喺MOKO咁近我添😌所以今次就趁住放工再回味一下呢個味道🫶🏻香港分店方面，佢都係貫徹一般嘅裝修主題，微微帶有熱帶風，啲餐具同擺設好多都係用返品牌嘅傳統顏色綠油油的，而入面都好多係卡座，坐得舒適👍🏻 so far店員嘅服務態度都係好有熱誠同埋好主動去幫我哋落單😎雖然話任何品牌落到香港價錢都會貴咗好多，但係睇過呢度嘅Menu之後又唔覺得唔合理喎，雖然價格比內地會高少少，但係個人覺得其實同我平時喺出邊小店打邊爐嘅價錢差唔多💁🏻♀️原味椰子雞半隻 $208最傳統嘅食法就梗係食佢哋嘅椰子雞，半隻其實夠晒兩個人食，先等椰子水煲滾咗再落雞煮5分鐘就食得，識食梗係試咗個湯先，甜甜嘅椰子水滲透住陣陣嘅雞油香，而佢地既雞係比
國內人氣嘅品牌四季椰林海南椰子雞而家喺香港都食到啦😍其實我第一次接觸椰子雞係以前讀書轉宿舍嗰陣時，其中一個室友用椰子水煮雞再打邊爐，試過之後覺得好似飲咗一碗用椰子水煲嘅雞湯咁，自此就好鍾意呢一個配搭啦🥰曾經喺國內工作過，呢個品牌我都成日幫襯㗎☺️啲嘢出咗名大件夾抵食，兩個人一般叫一個椰子雞鍋再加個臘味飯就已經足夠啦🤓而家香港都有得食正宗嘅海南椰子雞，仲要係喺MOKO咁近我添😌所以今次就趁住放工再回味一下呢個味道🫶🏻
香港分店方面，佢都係貫徹一般嘅裝修主題，微微帶有熱帶風，啲餐具同擺設好多都係用返品牌嘅傳統顏色綠油油的，而入面都好多係卡座，坐得舒適👍🏻 so far店員嘅服務態度都係好有熱誠同埋好主動去幫我哋落單😎雖然話任何品牌落到香港價錢都會貴咗好多，但係睇過呢度嘅Menu之後又唔覺得唔合理喎，雖然價格比內地會高少少，但係個人覺得其實同我平時喺出邊小店打邊爐嘅價錢差唔多💁🏻♀️原味椰子雞半隻 $208
最傳統嘅食法就梗係食佢哋嘅椰子雞，半隻其實夠晒兩個人食，先等椰子水煲滾咗再落雞煮5分鐘就食得，識食梗係試咗個湯先，甜甜嘅椰子水滲透住陣陣嘅雞油香，而佢地既雞係比較有雞味但係肉質又好軟滑，經過椰子水煮完之後雞肉個甜味更出，就算煮耐咗個肉質都唔會變嚡👍🏻必點💁🏻♀️中山脆肉鯇鯇魚片 $58
我自己私心想叫嘅東西，本來就鍾意食脆肉鯇，佢嘅價錢比我想像中平，因為平時喺屋企整脆肉鯇要去細骨其實好煩，$58嚟講份量冇得挑剔😎同樣肉質爽口彈牙，最鍾意就係食邊邊嘅位置，輕輕煮10零秒就食得💁🏻♀️火山肥牛 $98
打邊爐又點可以冇肥牛呢？先講個擺盤，上枱嘅時候都真係俾佢嚇一嚇㗎🤓用咗大量冰製成嘅山冰鎮住肥牛牛肉，同樣地煮十秒就食得，口感軟滑而且充滿著滿滿嘅油脂，呢一個份量好抵食😉💁🏻♀️鮮珍山菌拼盤 $78
我就一向鍾意食菇類嘅，呢一個拼盤就啱晒我啦，入面有四款不同嘅菇菌，當中最鍾意嘅一定要數牛肝菌同埋雪耳😘煮完之後嗦咗湯汁特別入味，而且個湯底都會混合咗菇菌嘅香氣，一煮嘅時候已經聞到陣陣嘅清香，喜歡食菇菌嘅朋友一定會鍾意呢個拼盤💁🏻♀️嫩雞毛菜 $28
平時一般都係食生菜，但係呢個雞毛菜又好似好得意咁，個質地有少少似冰菜，啲葉上面會有啲絨毛咁嘅東西，聽講對於排便好有幫助🤫食落嘅口感有少少似菜苗，容易咬開，啱晒唔鍾意食菜有渣嘅人
💁🏻♀️椰林心型粉 $48
最後嘅煮食揀咗呢一個心形粉，其實有啲似係用椰汁椰水製作嘅薯粉，睇落肥嘟嘟，咬落煙煙韌韌好彈牙的，最特別係佢每條粉都充滿着椰子香，啱晒我呢個煙韌控呀
张贴
