影片
更多
2021-03-03
468 浏览
在香港有三間分店的 Burger Joys 除了被喻為全港第一，更是全球50大漢堡店之一，每個漢堡都以精選食材細心製作，咬下去就發現連個包都特別講究，唔怪得咁多人鍾意啦！這天來到中環分店，向窗位置夠晒度假感，素漢堡都好有水準添！Burger Joys 中環店位於士丹利街，由地鐵站D出口行上去10分鐘以內，不用爬很多山路，都幾容易搵到。漢堡品牌來自美國 L.A.，2015年在香港開設首間分店，中環這間是去年開的最新店，紅色店面夠晒搶眼！店內大概可以坐到二十人，自行到櫃台點餐付款，餐點即叫即製，店員很快就會送上，免收加一服務費。漢堡款式不算多，就一副很專門的職人感覺，當中最驚喜當然係有一個素食雜菌蘑菇芝士漢堡。另外兩牌Menu分別係唔同味道的炸薯條、小食和飲品，店內的奶昔似乎也很出名，就是美國肥仔最愛的高卡路里美食。雜菌蘑菇芝士漢堡(素食) HK$89 / 雞肉漢堡 HK$89漢堡可以散叫也可以加 HK$41 升級套餐，我們就升級其中一個，套餐有附汽水/啤酒和原味薯條。我一直以為素食漢堡係用大啡菇，估唔到係蘑菇素漢堡扒，仲幾香口惹味。不過最驚喜和最值得讚賞的還是那個牛油漢堡包皮，它絕對不是
在香港有三間分店的 Burger Joys 除了被喻為全港第一，更是全球50大漢堡店之一，每個漢堡都以精選食材細心製作，咬下去就發現連個包都特別講究，唔怪得咁多人鍾意啦！這天來到中環分店，向窗位置夠晒度假感，素漢堡都好有水準添！
Burger Joys 中環店位於士丹利街，由地鐵站D出口行上去10分鐘以內，不用爬很多山路，都幾容易搵到。
漢堡品牌來自美國 L.A.，2015年在香港開設首間分店，中環這間是去年開的最新店，紅色店面夠晒搶眼！
店內大概可以坐到二十人，自行到櫃台點餐付款，餐點即叫即製，店員很快就會送上，免收加一服務費。
漢堡款式不算多，就一副很專門的職人感覺，當中最驚喜當然係有一個素食雜菌蘑菇芝士漢堡。
另外兩牌Menu分別係唔同味道的炸薯條、小食和飲品，店內的奶昔似乎也很出名，就是美國肥仔最愛的高卡路里美食。
雜菌蘑菇芝士漢堡(素食) HK$89 / 雞肉漢堡 HK$89
漢堡可以散叫也可以加 HK$41 升級套餐，我們就升級其中一個，套餐有附汽水/啤酒和原味薯條。我一直以為素食漢堡係用大啡菇，估唔到係蘑菇素漢堡扒，仲幾香口惹味。不過最驚喜和最值得讚賞的還是那個牛油漢堡包皮，它絕對不是一般頹廢麵包，而是米芝蓮大廚食譜的法式Brioche Bun。我一邊吃就一邊跟朋友解說這種麵包雞蛋和牛油成分較多，看起來帶點黃色，而且特別香軟美味，用來夾漢堡真係加倍有誠意。
這邊用的是幼身薯條，炸起來非常熱氣，食完即刻有喉嚨痛的感覺，好采我有飲鬼佬涼茶。
Burger Joys 如此有水準，沒吃過實在可惜，素食者也可以將這店收在口袋名單。來中環店坐在向街的位置吃漢堡特別寫意，仲可以影好有型的打卡相呢！
张贴
