影片
更多
2023-06-13
90 浏览
香港近年愈開愈多omakase，但保持到高水準兼且係日籍主廚主理嘅就唔多。Yashima嘅高橋師傅本身已少有名氣，開業年多已經眾多本地名人名星光臨品嘗師傅嘅手勢。的確今次食到Yashima 嘅晚市omakase，每一道菜都充滿巧思，材料都非常新鮮、高質素，不時不食。$2680 嘅套餐絕對物有所值，有驚喜！餐廳位於九如坊，喺老式酒家蓮香樓附近。餐廳外觀以竹林禪院為靈感，十分有日式氣派。入到入面，樓底甚高，配上木質竹林嘅用餐環境，感覺恬靜；坐位非常寬敞，燈光好有氣氛同情調，令每位食客都可以欣賞師傅造菜，即席面前面交流。全晚師傅都好專業有禮介紹菜式，配合非常有善嘅侍應翻譯，令用餐體驗更加豐富難忘。侍應介紹，師傅鍾意採用當造食材，全部特意從日本訂返嚟，每次份量都唔多，只為食客打造不時不食嘅最佳美食體驗。開始第一道前菜，係由輕輕燒過嘅呑拿魚赤身刺身，配上自家製蛋黃醋同魚子醬。既有燻香嘅魚油香，又有微酸蛋黃醋解膩，非常不錯嘅開始！下一道係芝士焗伊勢海老，配北海道馬糞海膽同鮮磨wasabi。 龍蝦鮮味十足，熟度肉質剛剛好，係我食過最多汁、肉質鮮嫩嘅焗龍蝦。 再加上creamy嘅海膽，雙重口感加上海膽
Yashima嘅高橋師傅本身已少有名氣，開業年多已經眾多本地名人名星光臨品嘗師傅嘅手勢。的確今次食到Yashima 嘅晚市omakase，
每一道菜都充滿巧思，材料都非常新鮮、高質素，不時不食。$2680 嘅套餐絕對物有所值，有驚喜！
餐廳位於九如坊，喺老式酒家蓮香樓附近。餐廳外觀以竹林禪院為靈感，十分有日式氣派。
入到入面，樓底甚高，配上木質竹林嘅用餐環境，感覺恬靜；坐位非常寬敞，燈光好有氣氛同情調，令每位食客都可以欣賞師傅造菜，即席面前面交流。
全晚師傅都好專業有禮介紹菜式，配合非常有善嘅侍應翻譯，令用餐體驗更加豐富難忘。侍應介紹，師傅鍾意採用當造食材，全部特意從日本訂返嚟，每次份量都唔多，只為食客打造不時不食嘅最佳美食體驗。
開始第一道前菜，係由輕輕燒過嘅呑拿魚赤身刺身，配上自家製蛋黃醋同魚子醬。既有燻香嘅魚油香，又有微酸蛋黃醋解膩，非常不錯嘅開始！
下一道係芝士焗伊勢海老，配北海道馬糞海膽同鮮磨wasabi。 龍蝦鮮味十足，熟度肉質剛剛好，係我食過最多汁、肉質鮮嫩嘅焗龍蝦。 再加上creamy嘅海膽，雙重口感加上海膽嘅鮮甜，以及鮮磨wasabi嘅獨有辛香味，令整道菜式更加完美。
第一道刺身係昆布漬宫埼左口魚配酸汁啫喱。用荷葉奉上，視覺上已經非常吸引；左口魚經過醃製，充滿鹹鮮香味，但並冇蓋過魚肉本身嘅鮮味。 肉質彈牙，較實身，啖啖肉嘅滋味！再加上酸汁啫喱豐富味覺層次，非常開胃！
下一道刺身係原隻北寄貝配日本酢橘同鮮磨柚皮。 北寄貝由師傅即場處理，除左可以欣賞師傅利落嘅刀功，亦可以想像新鮮程度絕對一流。再加上師傅上菜前滴上嘅日本空運酢橘同柚子，為菜式添上左橘皮嘅清香，但完全唔酸，唔會蓋過北寄貝嘅鮮味。不但冇任何違和感，反而令鮮味升華。
食完幾道鮮食，師傅下一道係燒得剛剛好嘅A4和牛，配上岩鹽、蒜片、鮮磨wasabi同日本酢橘。 食完2道生食，一道肉食剛好轉換一下口味。和牛烤岀完美嘅medium rare，外層焦香，入面肉汁豐盈，仲有幾款口味配搭。個人十分喜歡少許wasabi同日本酢橘，可以中和和牛嘅油膩感。呢道菜全部由烹調功架同食材定奪，整體非常滿意。
煮物係赤斑同太刀魚配昆布高湯。兩種魚類都經過醬煮，風味濃厚；師傅介紹赤斑係較為少用嘅今材，多數係日本師傅較為常用。肉質較太刀魚厚實，有啖啖肉嘅感覺。相比之下，太刀魚較為滑溜，魚油味更濃。加上鮮味十足嘅昆布湯底，一厚一薄嘅口味配搭令菜式十分平衡。
油物係炸太刀魚紫蘇卷絕對係非常令人為之驚艷嘅菜色！ 魚肉熱辣辣，肉質鬆軟又嫩滑，炸粉非常輕薄，又可以帶岀紫蘇葉嘅清香！ 油炸嘅做法將魚肉嘅水份保存，仿如蒸魚嘅效果，一點油膩感都冇，係每晚最好嘅菜式之一。
師傅喺上壽司之前，為我提供左3款債物清清味蕾。其中最有趣嘅一定係山藥wasabi漬，師傅用左2個月醃製，味道清新之餘，最後有一陣wasabi 嘅香味，但完全唔辣。
師傅正式開始準備壽司， 每一樣都食岀超級新鮮！
🤍長埼赤身肉質厚實、彈牙，肉質鮮紅，非常新鮮。
🤍鯖魚配上薑蓉，完全唔腥，薑蓉嘅香味同鯖魚非常配搭。
🤍西班牙紅蝦配魚子醬，紅蝦大大隻，鮮味十足，再加上魚子醬嘅鹹香，非常出色！
🤍梭子魚經過炙燒，帶出魚油香味，肉質滑嫩，再加上師傅嘅調味同紫蘇花，係其中一道難忘嘅壽司。
🤍灸燒鯛魚配黑松露片，一上菜已經感覺非常名貴，入口食得出鯛魚嘅鮮甜，配搭非一般嘅黑松露香味，層次更上一層樓！
🤍師傅一啲都唔吝嗇海膽份量，一啖入口鮮味十足，非常甜同creamy！
最後一道壽司係拖羅兩食🤍 灸燒過嘅拖羅被迫岀油香，瞬間喺口中溶化；配搭面層嘅拖羅蓉，綿滑香溢，同一時間享受2種口感同味道！
結尾有江戶前玉子燒🥚係日本omakase 嘅經典菜式，烹調難度都係眾所周知，一不小心就會過熟或者糕體塌陷。 加入左唔同海鮮製作嘅玉子燒同雞蛋香味融為一體，入口鬆軟，一呡即化，完全食得出師傅嘅功夫同心機。
睇落平平無奇嘅味噌湯，味道令人驚艷！食得出加入左多種海鮮同魚殻熬製，甘甜濃郁，將所有海鮮精華融入其中，係非常完美嘅句號！
食到最後嘅甜品環節🤍，師傅一啲都唔馬虎，全部標榜自家製！除咗清甜嘅夕張蜜瓜🍈，仲有自家製抹茶紅豆豆乳布甸同焦糖燉蛋🍮。由蜜瓜開始，品嚐到唔同嘅甜味，布甸非常滑溜，有抹茶嘅甘香，唔會過甜；焦糖燉蛋奶味香濃，3款甜品之中最濃郁，令人非常滿足！
整餐飯俾人感覺五星級嘅享受，除咗食物非常高質素，侍應服務都非常殷勤周到，上菜之間不忘清理上菜嘅碟，又會幫手翻譯主廚說話，令人客有賓至如歸嘅感覺。至於洗手間亦採用日本免治馬桶，以及提供多樣衞生用品，感受到餐廳為客人提供無微不至嘅用餐體驗而花咗大量心思。
呢餐飯絕對物有所值，值得一試再試！
张贴
