影片
更多
2017-10-13
1349 浏览
（內文有點餐攻略）喵，我係BUNNYMEOW九十後少女食神。最近同認識左20年嘅閨蜜，一齊到加州大廈晚膳。中環甲級商廈，高級，高貴，寧靜； 我們由四粒燒賣廿蚊都唔捨得食，到大家高考入咗香港最高嘅學府，揀咗最令人紙醉金迷嘅學系，錢，變得容易搵。由一對波鞋要着三四年，到而家整個鞋櫃都可以充斥着Jimmy choo，我們倆，對金錢嘅價值觀，從走入porterhouse 紅屋，已經完完全全被中環的銅臭味，洗滌得一塵不染。 今晚來加州大廈porterhouse hk食飯，八九成都係因為面子問題，女人仔唔想食得太差，不想和充斥着所謂中國人嘅地方用膳，入到porterHouse無論係店長，去到廚師，去到樓面嘅，都係歐亞裔，雖然不是不折不扣嘅外國人，但總算為餐廳增添左啲異國風情，亦都令到你比幾張金牛去食一餐晚飯 ，感覺順氣D，一句到尾，俾錢外國人賺，感覺點都好過比一啲所謂「表面殷勤，內裏X哂鬼」嘅本地香港中國人服侍，極可能 ，你會更加順氣俾多少少貼士。 特別一提，porterhouse hk樓底好高好高，我好鍾意啲餐廳有咁高嘅樓底，坦白講啦，好多五星級嘅酒店扒房（我講緊嘅就係
（內文有點餐攻略）喵，我係BUNNYMEOW九十後少女食神。最近同認識左20年嘅閨蜜，一齊到加州大廈晚膳。中環甲級商廈，高級，高貴，寧靜； 我們由四粒燒賣廿蚊都唔捨得食，到大家高考入咗香港最高嘅學府，揀咗最令人紙醉金迷嘅學系，錢，變得容易搵。由一對波鞋要着三四年，到而家整個鞋櫃都可以充斥着Jimmy choo，我們倆，對金錢嘅價值觀，從走入porterhouse 紅屋，已經完完全全被中環的銅臭味，洗滌得一塵不染。 
今晚來加州大廈porterhouse hk食飯，八九成都係因為面子問題，女人仔唔想食得太差，不想和充斥着所謂中國人嘅地方用膳，入到porterHouse無論係店長，去到廚師，去到樓面嘅，都係歐亞裔，雖然不是不折不扣嘅外國人，但總算為餐廳增添左啲異國風情，亦都令到你比幾張金牛去食一餐晚飯 ，感覺順氣D，一句到尾，俾錢外國人賺，感覺點都好過比一啲所謂「表面殷勤，內裏X哂鬼」嘅本地香港中國人服侍，極可能 ，你會更加順氣俾多少少貼士。
特別一提，porterhouse hk樓底好高好高，我好鍾意啲餐廳有咁高嘅樓底，坦白講啦，好多五星級嘅酒店扒房（我講緊嘅就係洲際酒店扒房），都無porterhouse hk咁高嘅樓底，亦未必有富麗堂皇的水晶吊燈，呢度絕對無懸念地，俾到我心曠神怡嘅感覺，無錯。 
餐廳燈光運用 ，都令到我覺得好舒服，入到黎佢， 好靚嘅酒櫃配合着水晶燈，絕。WAITER用唔太流利既英文，問我需唔需要wine pair ， 其實以前我哋真係好奢侈，前菜，主菜，甜品，都要配合唔同嘅白酒，紅酒，甜品酒，汽酒，香檳，但係而家上咗年紀，九十後少女食神都變左中女，最鍾情飲紅酒，red wine shiraz PLEASE 。
今次同閨蜜兩小口，叫左前菜，名字叫WAGYU CHEESE （hkd 210)，上面有一啲好新鮮嘅沙律菜，同埋有巴馬臣芝士。調味食落去係好滑溜同埋好鮮甜，不過我自己就唔係太過鍾意生和牛牛肉。我覺得有少少似越南湯河上邊果一舊完全唔熟嘅生牛肉。又有少少去澳門熊貓餐廳食到嘅葡式生牛肉凍盤，我覺得滑潺潺嘅感覺好討厭，所以畀晒我嘅朋友食。
嚟到呢度食牛扒呢有個好重要好重要好重要（重要的事要講N次），重點大家要記住，就係因為佢嘅牛扒係要即刻燒烤，所以係要等足足40分鐘，其實真係覺得等左好耐，但係嗰舊T骨扒，一上菜，我覺得係好好好好好好好值得。
GRILL STEAK方面，牛肉分類真係非常之仔細，餐牌寫好decent and detail，可惜我冇影相！
其實掙扎左好耐，究竟係要食on the bone還是off the bone Barbeque STEAK，閨蜜又心思思想食light 少少既tenderloin， 但 sirloin 又係我的最愛。
我最後都係揀咗on the bone T-STEAK （hkd 880) ， on the bone T bone ,36oz , medium rare。 上菜嘅時候，係比我想像中要大，我覺得四個人都絕對食唔晒。 
一set俾咗六款唔同嘅礦物鹽同埋 自家精心炮製MUSTARD，俾你調味。我覺得都細心嘅嗰個安排，都係五星級扒房有嘅配套，不過對我來講，我覺得呢啲都係錦上添花，始終牛肉嘅質素同埋廚師嘅燒烤功架，先至係我覺得最重要嘅其他嘅嘢。 鹽？MUSTARD？都有啲多餘，distract 左我品嚐呢塊牛扒。
佢一上菜嗰下你係又好香好香嘅炭香味，因為佢係炭火燒烤啦，即烤即上，好熱好新鮮好HOT。 我覺得牛扒表層，炭火濃香，燶燶地不是太燶，而且香脆。牛肉因為ON THE BONE 連住燒，鎖住非常非常非常多肉汁，而且佢鎖緊左啲肉汁，冇用多餘嘅調味料，主要嘅味道都係一隻牛本身，原原本本，原汁原味呈現。然後，慢慢滲入你嘅味蕾，所以我覺得整個牛扒嘅進食過程，都係愉悅同埋滿足嘅，可以俾一百分。 
至於我嘅配菜呢就選擇左黑松露potato mash（hkd110) ，一份橙香煎鵝肝，同埋一份mac N cheese.....我嘅閨蜜話我痴線，中女之流，呢啲選擇完全係三高。哈哈，要做到咁嘅配搭真係非常之有勇氣去挑戰卡路里同埋膽固醇。 事實亦證明，中女閨蜜們一半都食唔晒既，CHEER！
最值得，最值得推介，同埋非常有驚喜，一定係黑松露薯蓉（hkd110) ，因為真係好誘惑，好香嘅忌廉味，但係佢亦都好重手落咗好多黑松露，所以食落去，成個感覺係飽足同埋口感好豐富。
至於香煎鵝肝（hkd200) 我覺得稍為有少少失手，因為太過燶，不過勝在真係抵食夾大件，非常之大份，絕對絕對冇偷工減料。不過我覺得太過油膩 ，如果可以加少少蘋果醋或者紅酒醋，中和返，我覺得會更加好食！不過佢係T骨扒嘅配菜！
最後講下芝士通心粉（hkd110) ，亦都係一如以往，非常香濃嘅牛奶味同埋有好綿密濃郁嘅Emmental cheese，我真係好鍾意食扒房嘅芝士通心粉，因為佢係乾身，爽口得來，芝士又唔知點解可以非常之深入通心粉裏面嘅小麥分子同分子之間，呢件事好CHEMISTRY ，RIGHT？
最後都想講下我揀咗嘅呢杯紅酒 Pala I Fiori Cannonau di Sardegna, Sardinia, Italy（hkd 100)，比我想像中容易入口，濃烈嘅熱帶果香，入喉唔會話完全係滑溜嘅，都有少少dry，但係好難得係，真係小小dry ONLY。 因為我覺得女孩子飲酒好難去接受太dry，雖然我對面位烈女不怕死，中意DRY到 HIHI 既RED WINE，咁所以，呢款紅酒，我自己好個人地認為，係唔錯嘅。
不過你知道啦，飲紅酒，就好似揀男人一樣，每個人都有佢自己嘅喜好，眼光，獨特味道，亦都未必完全類同。
咁所以係呢餐飯食到最後，我哋都講笑咁講，呢一杯紅酒，啱我飲，但係未必適合你飲。係咪想講我地一世唔會爭仔先，你話既，CHEER。
呢一張枱坐着對面嘅呢一位閨蜜，著住對Jimmy choo ，女人味總叫出少少，呢20年以來每次同佢食飯，佢，總係會有一啲驚喜嘅言論俾我。
可惜我唔擔保，如果我真係遇到真愛，友誼可能都會一筆勾銷？！
「在這世界上，有你的存在，我就是一個幸福的人； 我想做可以讓你快樂一輩子的那個人。」
呢餐飯，總的來說都拎到B PLUS。
* * *
Porterhouse
中環蘭桂坊德己立街30-32號加州大廈7樓
***
张贴
