十下火鍋

依間打邊爐出名懷舊，地點係美食街登龍街，一入到去就見到大排檔咁嘅樣，連紙巾盒都係行懷舊風格，有種去咗八十年代嘅感覺。我哋今日點咗二人套餐食😼內容都幾豐富，有陳皮魚蛋依啲香港特色小食淥，亦都有火鍋良伴貢丸同粟米丸。嗌咗豆乳鍋同麻辣鍋，兩個鍋本書都有豆腐喺入面，麻辣鍋仲有鴨血添。菜盤嘅蔬菜都好新鮮，有粟米同冬菇，仲有打邊爐最甜嘅旺牙白。手切牛肉新鮮，嫩口之餘又唔油，份量又唔少，響鈴入麻辣鍋索哂啲麻辣湯好正。除咗魚滑之外，仲有特別啲嘅牛肉滑😋鯪魚滑加咗蝦米同陳皮，又有魚味，出色鴨血同寬冬粉都係麻辣湯嘅好朋友。鳳城水餃唔止足料，大大隻又薄皮，鮮味十足。醉雞件好嬾滑，啖啖肉好味道😋加咗15蚊飲洛神花茶，清清淡淡又酸瞇瞇。喺依個地方打邊爐特別有風味😹啲碟都襯埋，打卡好去處📸