丸目背脂煮干

营业中

休息中

今次嚟係想食另一款嘅拉麵”丸目BLACK” 係一碗黑胡椒湯拉麵。都係用醬油豚骨底，加咗大量黑椒入湯，湯呈現深黑色，胡椒味濃。有薄五花肉片、芽菜、韮菜做配料。加上佢彎彎曲曲，全部入晒味嘅彈牙麵條，非常之惹味。另一款就叫咗(特盛)特製煮干沾麵，以醬油基底，以豚骨、豬背脂、大量沙丁魚乾熬出的「煮干」湯頭上覆蓋著濃厚的豬背脂油，再加上魚介口味再配上柚子平衡油膩感，入面仲有一塊塊軟糯的五花肉粒，再沾上極太麵(可選冷、熱)，附有兩件，薄的是鹽味慢煮豚肩叉燒；厚的則是炙燒醬油豚腩叉燒。仲有紫菜、椰菜同溏心蛋。