丸目背脂煮干

营业中

休息中

見附近兩間拉面都要等位，諗住快食，行過見到咁啱有位，睇下comment話過江龍又剩，就諗住試下佢嗌咗個丸目二郎拉面，諗住佢夠大碗，食得飽。168蚊碗就唔算平架嘞點知上到黎係卡係大碗，成座山咁，但裡面大部分都係芽菜，算好彩架嘞，因為個面好難食，勁油，但無味個面底勁粗但一d都唔煙韌，衰過上海粗炒，但係講緊呢間係拉面鋪，仲要有人話係過江龍。完全唔合格，搞不掂。未試過食拉面食到一半要放棄豚肉就還算正常，係鞋咗d，請不要用日本拉面自居錯哂都唔知食緊咩唔使等位係有原因既

原來東京過江龍拉麵店來了旺角！丸目背脂煮干是來自東京都東久留米市的拉麵名店，主打香港較少吃得到的「燕三条系拉麵」。「燕三条」是新潟縣燕市與三条市的合稱，因為當地氣候寒冷，為了令拉麵不易冷卻，湯頭上會覆蓋著濃厚的豬背脂油，味道濃厚，更成為燕三条拉麵獨有特色！今次試的就是它的招牌拉麵濃厚背脂煮干拉麵，真的得好吃！以後去旺角又多一個日本正宗拉麵選擇了！📍 丸目背脂煮干 (旺角)旺角通菜街74號地舖

2025.3.30前兩日係IG見到，有份幾特別既清湯系列既限定拉麵做埋今個星期日就完啦！所以放假就出黎試。我點左份海幸貝出汁拉麵既套餐有餃子+可樂。湯底飲落有蜆肉嘅鮮甜味，鹹味適中，但對我黎講油份偏高😗加入檸檬汁後味道變得非常清新😃瞬間減低湯底嘅油膩感，有鮮明嘅對比😃麵身係長型扁身太麵，食落順滑而且煙韌，不過對我黎偏軟身少少😃套餐餃子係用油炸而唔係煎，有少少可惜😗表面脆卜卜，內里肉質鮮甜，鹹味適中。叉燒有五花腩+梅頭各一塊梅頭用低溫慢煮方式，肉質軟滑而且彈牙。五花腩卷成圓形 煮熟之後切片再用火槍燒咗表面，腩肉做既叉燒肥肉唔算太多，表面燒出黎既焦香味帶出肉既鮮味，感覺同啤酒好夾😃蜆肉有四只，肉質彈牙，味道鮮甜，冇沙石殘留，而且唔腥，事前處理非常好😃價錢方面，哩款拉麵+餃子+可樂一共先係$88！我覺得好抵食🤗🤗🤗今次我係第二次黎啦，清湯系列既拉麵雖然我好少會揀，但哩款麵真係好好味🤗🤗唯一缺點係，因為哩度係街鋪，外面就係有名既女人街，有好多檔鋪，啲人就係正拉麵店外面吸煙，然後吹曬入店內😟明白到係唔關拉麵店事，店員仲同我講唔好意思，如果負責人可以同外面檔鋪傾下，可否行遠少少先吸煙，大家就一就，

背脂煮干拉麵食得出由多種海鮮製成既湯底，口感比較有層次，加上麵條粗身，咬落彈牙，麵質可以選擇軟身、標準及硬身，如果食得慢又鍾意有咬口嘅話，可以揀硬身，你會覺得越食越好食。限定款豬骨濃湯拉麵，湯底濃厚，唔算好掛汁，表現標準發揮，雞蛋係好香煙熏味嘅流心蛋。最後店長推薦咗炸雞$28/5件，炸粉唔厚，雞肉多汁，墊底嘅椰菜絲好新鮮配上類似他他醬+蛋黃醬，好開胃🤤店長好好人，俾咗樽S C罐裝黑椒粉我哋加落去，睇嚟似係限定😂

經過見到幾吸引，又未食過背脂拉麵就嚟試試佢🤓 🎏環境 鋪頭比想像中大🤏🏼有吧枱位置，又有適合傾計嘅卡位紅色.黑色.木色為主題，有日本達摩feel🇯🇵🤩牆身貼咗好多圖片連價錢嘅menu📖方便易睇👍🏼🥢食物 🍜 特製背脂煮干拉麵 ($88) 雖然湯底係用豚骨，豚背脂🐖，醬油等熬製可惜整體嘅層次唔分明🤔背脂味同醬油味比較濃但就無豚骨味，而背脂係油膩嘅味道，唔係脂肪帶嚟嘅油香😣麵質煙靭，有咬口！但個人而言比較鍾意食幼身小小嘅拉麵🤏🏼糖心蛋就做得啱啱好，夠入味🥚！豚肉醃得啱啱好👍🏼😋 後續來了，事關比較少食咁油膩嘅嘢🥺食完呢碗拉麵大約5個鐘後，啲油益味谷返上嚟作嘔咗成晚，好濟…🤢仲油膩到夜晚肚屙🤕好唔舒服，不過係我體質問題！ ✨推薦分數 : 3.5 / 10

經開旺角通菜街，見到有間過日本東京人氣過江龍丸目背脂煮干拉麵🍜，熱愛食拉麵嘅我一於入去幫襯下。 餐廳細細間，裝修都好和式，令人感覺舒服😌。 海老辛醬背脂煮干拉麵🍜：湯底呈橙紅色，用咗日本蝦頭🦐同埋海老辛醬熬製而成，湯底辛辣中帶鮮甜，表面有一層背脂油、洋葱粒、葱絲和木耳絲🧅。拉麵煙韌有嚼勁，掛湯力足夠。溏心蛋黃好靚，做得好流心😍，最欣賞火炙叉燒，大大塊又稔滑，肥瘦適中。 除咗拉麵之外，呢度仲有沾麵，呢款海老辛醬背脂煮干沾麵其實同個拉麵湯都差不多，不過就比拉麵再濃味多少少，同埋每條麵條沾滿晒湯汁，更加品嚐到湯頭嘅味道😋。 另外叫咗2款日本直送嘅飲品🍹，信州蘋果梳打同埋山梨，味道都唔錯，食完偏油少少嘅拉麵湯，飲啖可以解膩。

2025.1.30某日見到同事睇有關美食既youtube 頻道，見到有一碗好似粥既物體，後來先知個啲係背脂，多到嚇死人！但好奇心驅使之下，今日放假做完健身就走來試下啦。我點左特制背脂煮干拉麵🍜🍜🍜麵形見到有啲粗，睇落似自制曲麵，食落煙韌彈牙，因為唔知麵身係哩種，揀左硬麵我覺得食普通硬度既會好食啲。🍲🍲🍲湯底係小魚干制成既湯底，有干物鮮味+醬油味，背脂睇落係比其他店多啲，所以油分會偏多。但飲落鮮甜，鹹度適中，我自己幾鐘意。🍥🍥🍥配菜有叉燒+味玉+木茸+京蔥+紫菜+紫洋蔥粒。叉燒分別係梅頭+腩肉，梅頭肉質彈牙有肉味，腩肉表面有燒過，食落有焦香，有肉既鮮甜味。味玉有淡淡既醬油香，味道鹹香適中，蛋黃半熟，口感柔軟，蛋黃係口腔中漫漫溶化，加上醬油香真係好好味☺☺木茸非常爽口，京蔥切得好細，食落清甜冇辛辣味，夾埋麵+木茸+京蔥一齊食真係絕啦☺👍店內係長形店，大細目測約300尺，裝潢以淺色系為主， 光線充足，枱面乾淨，枱櫈以木材為主，枱面除左飲用水同餐具外，仲有調味料，餐紙，仲有搓手液，好細心😊😊店內仲有平面電視播住流行日系歌呢，客人偏向年輕人較多，氣氛唔錯😊😊😊💸💸💸價錢方面，我點哩碗麵加一只係$

星期五晚都要OT嘅兩個🧟‍♀️🧟‍♀️相約於拉麵店，好在拉麵店收得晏。🐤南蠻炸雞炸雞即叫即炸，唔會話炸到好乾身，入邊仲好Juicy。用炸雞上面嘅他他醬撈炸雞下面嘅生菜絲好味👍🏻🍜特盛背脂煮干沾麵空虛嘅心靈需要被肉肉填滿，所以我叫咗特盛，除咗本身沾麵湯已經有嘅叉燒角之外，仲多咗慢煮豚肩同炙燒豚腩，一碗麵有三款肉。最鍾意炙燒豚腩，部分脂肪入口即溶。最開心係拉麵嘅糖心蛋🥚竟然係兩個半邊！湯底都偏鹹，所以冇飲晒成碗湯🤣不過用嚟點菜食就一流🍜特製背脂煮干拉麵朋友話佢個湯底唔會太鹹，下次再嚟嘅時候我應該會試拉麵是周工作以一杯啤酒同滿滿嘅卡路里作為句號

🍗 チキン自家製南蛮炸雞（$28）炸雞即叫即整，上到枱熱辣辣，大大嚿之餘炸到外脆內juicy，食落去完全唔油膩唔嚡口，加埋滿滿嘅他他醬一齊食就更惹味🍜 特製背脂煮干-湯拉麵（$88）湯底係用左大量特選豚骨，豬背脂同沙丁魚乾同指定日本醬油熬足3日而成，湯頭鋪滿背脂油，有助鎖住拉麵嘅溫度，所以食到尾仲係暖笠笠，雖然表面鋪滿背脂油但湯底入口好鮮味而不油膩；麵條用上極太麵，帶有小麥香味，彈牙有嚼勁又掛汁，而且配料豐富，有溏心蛋、木耳、紫菜、生洋蔥，慢煮豚肩同炙燒豚腩，豚肩肉質鮮嫩脂肪分布平均，豚腩肉味香濃，口感肥美柔嫩🌶️ 海老辛醬背脂煮干-沾麵（$98）除左背脂，有蛋、叉燒角、紫菜、蔥，生洋蔥同筍，仲加左海老辛醬，湯底香濃醇厚；辣度方面有小辣，標準同大辣可以選擇，今次我地揀左小辣，欣賞佢嘅辣係香得嚟有層次，筍同叉燒索哂湯汁，非常好味，而且叉燒好腍同入味，麵條帶有小麥香味，彈牙有嚼勁又掛汁💛 富士山柚子梳打（$24）一開蓋已經聞到好香嘅柚子味，而且好夠氣，飲落口好冰爽💚 靜崗綠茶可樂（$24）綠茶味道唔算好突出，相比普通可樂亦無咁甜但好解膩

聽過這間拉麵、沾麵店在旺角區頗人氣，開業的那段時間往往需要排隊等位，現開業一年了想起這店終於來一試。在QR code餐牌裡見到這裡的食物琳瑯滿目，讓人不知道該怎麼選擇。留意到餐廳推出了每天特惠的麵食，是日星期六剛巧特價的是她們的招牌背脂煮，第一次來就要試一試。(特盛)特質背脂煮干沾麵($78)樣子幾吸引，碗不大放得滿滿的，食物的色澤也讓人很想一嚐。我把熱麵沾到醬汁裡，醬汁果然非常濃郁，單吃太鹹但是掛在麵上味道剛好。醬汁裡面都有不少叉燒角粒，個人特別欣賞店家在這碗比一般吃到的沾麵汁多了一層背脂醬汁裡加入柚子絲，有效地減低醬汁的油膩感並為此增添一股清新的味道 薄叉燒方面有慢煮豚肩和炙燒豚腩各一片，前者軟嫰，後者有炙燒的焦香，各有各好吃，而蛋方面則普通。雖然沾麵汁的表面明顯有層油脂，但裡面的柚子卻發揮著不少的作用啊。這裡的食物水準不錯，環境光猛乾淨，店員態度亦有禮友善，相信很快又會再來嚐嚐其他食物

唔值，有種做水魚既感覺特製背脂煮干湯拉麵個湯簡直係無層次一上桌見到水汪汪已經心知不妙試完味到我對眼水汪汪😭重醬油味，無油香，無豬骨味好彩加左$9 麻辣肉碎叫做係咁易加返啲色水同味道豚肉唔好食，醃得唔夠味而且調味麻麻，隱約有陣似南乳既味海老辛醬背脂煮干拉麵簡單嚟講，一鑊杰湯底係濃稠，但無質感無密度，令人感覺似生粉水薯粉水，總之就唔似係湯頭煲到濃，真係寧願佢落多啲蝦殼粉加味最後扣分位係個侍應問都唔問你用完調味料未就收走碗嘢又唔夠味雖然接近收工時間但都唔係咁做嘢眼見另一台客都自己出去拎返嚟用我已經懶得拎返嚟用 因為無所謂了一句到尾，大伏無下次

餐廳主打以大量特選豚骨、豬背脂及沙丁魚乾熬出煮干湯底，每口都有濃滑脂香和甘香魚鮮味，湯底表面因覆蓋著濃厚的背脂，故能保持拉麵的熱度，即使寒冷天氣下吃，拉麵也不易冷卻。背脂煮干味道比一般拉麵濃厚，「背脂增量」更有2至4倍選擇，以切合個人對濃厚湯底的喜好。麵條選用手製粗身麵，不但彈牙有嚼勁，掛湯也是一流。特製背脂煮干湯-拉麺入口不算太油膩，湯底香口，材料亦非常豐富，有溏心蛋、紫菜、木耳絲等，當然也有豚肉2塊，肉與脂肪比例平均。海老辛醬背脂煮干-沾麺湯頭加入蝦頭及海老辛醬，蝦味突出，味道又甜又辣，非常重口味。富士山柚子梳打味道清香帶微微柚子的苦澀香氣。完熟桃子梳打味道甜美而清新，帶有濃鬱的桃子香氣。

• 特製背脂煮干拉麵• 特製背脂煮干沾麵特盛• 口福餃子 HKD28• 南蠻炸雞 HKD28天氣轉凍就好想食碗熱辣辣嘅拉麵，係旺角鬧市中搵到間來自東京嘅過江龍，專門食背脂煮干嘅拉麵小店🍜「背脂煮干」湯底係由豬背脂同沙丁魚乾熬出的「煮干」加上大量豚骨同日本醬油調製而成，非常濃郁。湯頭覆蓋住濃厚嘅豬背脂油，可以保住拉麵溫度，食到最後仲係熱🔥 碗邊雖然油脂超多，但入口唔會太油膩。另外麵底係用左燕三条系嘅手製粗身麵，入口煙韌有口感，掛湯一流。個人比較鍾意沾麵，湯底會更有濃滑脂香同甘香魚鮮味🐟除左拉麵，仲點左兩款小食，質素都有驚喜，推介口福餃子，$28有6隻。餡料豐富，焦香外皮咬落去足滿肉汁！🥟

食過一次覺得哩間拉麵幾正湯底好濃厚, 係通菜街唔太起眼但晚飯時候都幾多人, 店面唔大乾淨企理, 仲有一排面壁既坐位~特製背脂煮干湯拉麺哩個就係佢既signature湯底, 真係好rich油香滿滿入口感覺係會好滿足。麵條彈牙仲有隻溏心蛋入味又流心!海老辛醬背脂煮干沾麺無辣不歡的我好中意哩個, 辣勁充足得黎豚骨味重, 麵條輕易沾滿湯汁, 仲有好多豚肉粒係入面, 口感又腍又厚身仲好入味添。佢地仲有D特別D既日本產soda, 日本信州蘋果梳打同埋山梨紅葡萄梳打又靚又好飲~

去左旺角搵朋友，佢推薦去通菜街覓食，在那橫街小巷中發現不少大廈都外牆裝修，就連朋友大推的【丸目背脂煮干拉麵】都搭上棚架。不過都無阻我飲飲食食的心❤。  ⦁特製背脂煮干湯拉麺 $88⦁丸め油麺（拌麵）$98兩款麵質煙韌彈牙，口感不錯！湯麵🍜的湯底醬油味濃，而不粘稠。而拌油麵配料很多就連泡菜、竹筍、菠菜等，有種韓國拌飯的感覺，整體味道帶點辣🌶，非常惹味！肉量大滿足$180g🥩，只需加$5，而且肉質香嫩，油脂分布不錯。  ⦁晴王麝香葡萄梳打 $24⦁富士山柚子梳打 $24兩款梳打都有濃濃的果香🍇，個人覺得柚子味道為清新，有種解膩感，好岩搭配拌麵。