Asobu Bistro (已結業)

聽講呢度嘅蛋包飯好正，為食豬就去會一會佢。照燒雞扒熔岩蛋包飯: 等左大約4個字先有得食。一上枱就見個蛋整得好靚，彈下彈下咁。急不及待切開佢，果然係有熔岩架!個蛋外面熟裏面好滑，加上茄蓉好夾。燒雞扒份量唔算多，對比起個蛋，質素一般。雞扒煎得唔夠香，但都尚算滑。茄蓉似係一般罐頭茄蓉，有點太甜，唔係好夠蕃茄味。吉列豬扒咖哩熔岩蛋包飯: 同上面個蛋包飯一樣，賣相好靚，切開都係好吸引嘅流心蛋漿，十分香滑。咖哩汁亦似係現成嘅，味道冇咩大驚喜。吉列豬扒份量較雞扒多，炸得都幾香脆，但豬扒好薄冇咩肉汁，而且個炸衣好容易分離。為食豬認為小店蛋包飯嘅蛋做得好好，但感覺比較忽略醬汁同主菜嘅表現。所以即使個蛋令人滿意，食完都感覺心靈有點空虛。