Asobu Bistro (已結業)

有個 friend 好中意食蛋包飯所以大家就跟佢 o黎紅磡 asobu bistro 試下依度其實好細個人多都會有 d 難等位呢~我揀 o左漢堡扒 ge 蛋包飯漢堡應該係自家製, 唔似雪藏貨 個蛋真係好滑 ar, 非常好食連 d 茄汁都好新鮮, 食到少少蕃茄蓉 ga個鰻魚蛋包飯都幾好, 個汁都幾好食唔會整到好咸 o甘不過個鰻魚就唔係好大塊依個唔記得係咪炸豬扒蛋包飯炸得老 o左少少, 但就大塊 d咖哩汁都唔錯果汁好大杯, 好抵, haha味道有 dd 太酸…查看更多

係吾同媒體都見到佢咁特別，所以我地今日經過去就諗住試下，但間舖比較細所以有室內和室內，但都要等差不多大半小時才可入座，講真坐得吾太舒服比較迫，所以見好多人係食完就即走。我地見到佢有吾同的晚餐選擇，我地今次吾太餓就叫左個晚餐加飲品和小食！～大約差不多$200，價錢和質素只屬普通吾難食，但一次就夠。加$22沙律和小食脆餅三重奏 係蟹籽，煙三文魚，香醋小蕃茄配意大利香草餅…佢寫到咁當然好期待啦，點知黎到嚇親，咁細要比$22，果片餅得2節手指咁闊，一口食晒仲要係冇咩香草味，唯一係煙三文魚味道吾錯。而半價換飲品…份量都大杯味道正常啦，係橙汁一杯而已。小食炒菜都好快黎到…菜和菇份量可以接受啦，味道正常。 吉列豬扒熔岩蛋包飯伴日式咖喱汁 $92黎到見到肥嘟嘟咁震住的蛋出場好期待哦！～切蛋之時好似流心咁流左D蛋漿出黎真的不錯，食落去係香滑好味道，但豬扒應該未必係即炸，所以係豬扒和皮有少少分離而咖喱汁堅一般（濃味但咖喱吾太重咁），所以絕對係為左個蛋而來。…查看更多

之前係facebook見到係香港有流心蛋飯就即刻book mark咗終於今晚黎食舖頭好細間，座位大概得十幾個左右所以等咗好耐下一入座二話不說揀咗人氣最高嘅鰻魚流心蛋飯朋友就揀咗手打漢堡排流心蛋飯，但改咗咖喱汁所有飯可以加$22轉套餐，套餐包括小小Salad以及三塊大概長2cm寬1.5cm嘅餅乾，上面有d toppings原本朋友都想轉套餐嘅，但見到隔離個三塊細到不得了又唔吸引嘅餅乾仔就放棄咗如果加嘢飲就大概$3x，除非你加咗$22轉套餐，就可以享用半價嘢飲優惠見嘢飲無咩特別，所以無加到淨係要咗兩個蛋包飯:)朋友嘅飯先黎漢堡排唔算大，但望上去好厚實輕輕地切開蛋之後，蛋汁包圍住個飯望上去好吸引呀我試咗一啖朋友的漢堡排，肉質好實，中間有d筋咖喱汁味道亦都偏普通終於我嘅鰻魚飯都黎咗將鰻魚移開，我都嘗試切開蛋皮yeah！成功終於可以試下佢嘅蛋包飯啦中間嘅飯係白飯中間撈咗小小煙肉碎、青豆、紅蘿蔔粒，食上去不算太寡，但亦都唔吸引如果可以炒一炒d飯或者換成茄汁飯都會覺得有誠意d蛋好滑，但味道有d不足，唔知係因為蛋唔夠靚定係調味過頭，硬係覺得有d咸咸地，好少食蛋包飯最後會嫌太多鰻魚燒得幾好，係成碟飯唯一可取嘅地方總括而言，可能期望太高，搞到最後失望越大，餐廳還有很多可改善嘅地方，$100食個飯水準應該高d…查看更多

這家少少隱世蛋包飯小店就在家樓下，其實都食過幾次但一直無介紹，因為姐對蛋真心沒有很大喜好⋯・只不過，切開的流心溶岩蛋包飯確是吸引既～而且佢煎得超幼滑，上面塊鰻魚雖然沒有去到入口即溶但不過不失，配上定番鰻魚汁，大滿足～・另一個蕃茄汁配漢堡扒蛋包飯，漢堡扒略為硬，一定又沒加麵包糠吧？香港的漢堡扒真心10間有9間都硬⋯但硬的漢堡扒真係好難處理，也會成為餐廳的污點呀⋯不過個蛋的確唔易整得靚，所以打平，而且我覺得我會因為呢個蛋再來的，下次吃其他不就好了～・店很小，記得早點來排除。…查看更多

係星期五夜晚見到呢間坐滿人嘅熔岩蛋包飯就想試一試，由於店舖好細所以一開始安排坐係出面嘅枱然後因為有人嘅關係又被調去入面嘅枱坐叫咗兩個蛋包飯一個係雞扒蛋包飯另一個係自家製漢堡扒蛋包飯，個蕃茄汁幾開胃應該係用酸甜汁加蕃茄汁整成嘅，冇叫到嘢飲但係連杯水都冇埋單嘅時候原來有加一服務費嘅雖然知道紅磡嘅租應該好貴但係下次可以比多杯水收服務費都有道理啲，個人應為呢個蛋包飯呢比較普通性價比低咗啲…查看更多

在紅磡上堂，黃埔都很多食店已經都吃過了有一天早了下課，就走遠一點點去吃蛋包飯時間尚早，12點多，人不多不用等位就已經可以入座之前我已經吃過晚餐，那一次沒有寫下那次點了咖哩蛋包飯跟雞翼今次我真的覺得應該記錄一下蕃茄醬汁是亮點！之前晚餐我要了咖哩，沒有覺得特別好吃蕃茄是店家新鮮打做！超級好吃，微酸，很開胃，配上滑滑的開花蛋！手打漢堡扒還好，沒大特別來看一下影片看清楚怎樣開花！所以誠意推介選蕃茄醬汁比咖哩汁好！…查看更多

在紅磡的大街小巷中，最容易的就是找尋不同的美食小店。今天則找到了一間吃蛋包飯的專門店，門口排了不少的人，可是店卻很小，等了差不多一小時才可以內進。而且餐廳較為迫。Set dinner中有不少是以蛋包飯為主的菜式，而我就選了B餐的吉列豬排熔岩蛋包飯。上菜了。選了日式咖喱味道。豬排炸的脆脆，炸粉不多，而肉質非常軟淋。唯一美中不足的就是豬排較為薄身，吃不夠啊。蛋煎得水汪汪的，一刀切下去，蛋漿就立刻留了出來，果然是名乎其實的熔岩蛋。加了買了一杯生果特飲，個人而言有點過酸，要是再加點點糖漿就更好。…查看更多

剛剛吃完此蛋包飯，看見評語還有些信心，於是點了一客日式豚肉及一客吉列豬扒蛋包飯作午餐，店內基本只有兩位女士招呼，其中一位沒有眼鏡的中年女士態度惡劣不得了，對每枱客戶都一副不耐煩面孔及語氣，我們來吃飯不是來受氣的！兩個便當都可以將其中一個落錯漢堡扒，還好意思問我介不介意...算吧！如果食物可以就當今天倒霉吧，但是連這個願望也落空，當那個日式豚肉飯來到時，整碟飯只得兩塊小肉，不是誇張，只得兩塊，這真的是什麼餐廳整人不免太誇張吧😡，太座看到我面色越來越難看只好快快把這兩碟飯吃完結賬離開，剛離開時讓我聽到原來那日式豚肉買完了，怪不得我那碟只有小肉兩塊原來不夠分配給之前order! 這間餐廳可以終身blacklist, 不論營商態度及食物都是九流，各位去前之三思！…查看更多

我本人從來都沒有吃過這店子，剛好見到岩蛋飯就試下，價錢亦偏貴，或者好味! 叫咗個饅魚岩蛋飯，點知.....一入口啲岩蛋就如鹹蛋一樣咁鹹，饅魚又有魚骨又鹹，再加埋啲飯汁! 簡直系三重鹹味飯!! 成碟飯就得一個"鹹"字! 根本無味道可言! 碟飯已經要過百蚊，重要加一服務費，又唔包飲品，呢個價錢同質量我完全接受唔到，唔可以再去…查看更多

之前其實都食過一次喇，不過就忘記左寫食評，今次再食就一定要推介！今次我就叫左鰻魚蛋包飯，佢嘅蛋包飯係即叫即整嘅，所以等嘅時間會比較耐。個蛋拎到出嚟仲會彈下彈下咁，好搞笑！食嘅時候開蛋中間啲蛋漿就會流落嚟包住啲飯，食落口蛋漿同啲飯溶為一體，正！我好中意佢個蛋漿好滑入面有少少洋蔥，冇青豆同蘿蔔粒。至於佢個鰻魚味道唔錯但略嫌太多骨，好易會嗆到，但係鰻魚汁撈埋落蛋漿到加埋啲飯一齊食好有層次。上次就食左個咖喱豬扒有埋咖喱汁撈埋落蛋漿到加埋啲飯一齊食都唔錯呀，絕對係食辣人士之選！蛋包飯嘅份量都幾多，女仔食可能會食剩少少嘅。佢舖頭唔係太大，好多時都要等位，所以最好早啲去等位，唔係就會餓死😂…查看更多

听讲好有特色，香港好少有呢种留心蛋包饭，专登山长水远走去食，点知大失所望！入去我地落单，落完之後老板态度都比较好咁提醒我地晚餐人均低消80（真心讲凭咩要80），我地点嘅未够，然後我地话好，咁先落单呢几样，跟住再睇其他。过左阵我地就补点几样，点知我地张台系最迟上嘅，一齐入离坐低嘅客人嘅都已经埋单了！我地先知道老板根本冇帮我地叫厨房做前面点个几样嘢，而系等到我地落够人均80先落单入厨房！有冇搞错！？咁系米即系发现如果我地冇补点个话就要赶我地出去？问个服务员摞几杯白滚水面无表情好似差佢几百万咁。仲要每次！系每次行过我隔离都一定会撞到我只手！从来冇say sorry！重点！流心蛋系做的5错，但系冇鸡蛋香，柠檬茶超难饮，自制牛肉饼好老又散，味道好一般。我地点薯角送上来薯格一句解释都冇。真系超普通，可能期待值太高，而食肆一般又冇服务态度可言！…查看更多

7點去到好多人排隊好彩撞正一批人食完，好快有得入座店面好細，冒住個身有啲油煙味都要坐入面因為坐街既啲人企正你隔離望住你等位叫左咖哩吉列朱扒奄列飯個奄列係一切就流心視覺享受滿分但咖哩汁得好小由於本人中意汁飯諗住問下佢多少少汁點知係要加錢咁算啦食住先一食就知咁小汁既原因啲汁勁咸又勁濃，完全蓋過蛋既味豬扒又over fried 位置係筋同肥既合體好油整體個蛋係特別但其他都麻麻要排長龍食就免喇…查看更多

想來食好耐啦，終於來到！叫左手打漢堡排蛋包飯同埋咖哩豬排蛋包飯。個蛋真係好正，滑到呢！又香！好大份，下次可以叫小飯 手打漢堡扒麻麻地，乾左少少。不過番茄汁好好味，好開胃！ $78 lunch包飲品！扺食，不過要早去，我11:45去等，都未食出面已經排隊等 會再來！…查看更多

Asobu Bistro的熔岩蛋包飯一直享負盛名，切開熔岩蛋包飯令人垂涎三尺的影片曾經在網上社交平台一連串式瘋狂洗版。雖然開業時間已經不短，但是熱潮仍未減退，晚飯時間六時半剛開始營業，已經有不少人在門外等候，店內空間較少，座位不多，進餐期間更有更多客人先後抵達需要取籌等位。晚餐餐牌前後兩頁，圖文並茂。除了晚餐餐牌外，更有單點餐牌，焗飯、全日早餐、咖哩飯等一應俱全，然而相信絕大部分的客人亦是衝著招牌熔岩蛋包飯而來。沙律及小食 ($12+10%)晚市套餐只需另加$12便可加配沙律及小食，沙律菜淋上胡麻沙律醬，而旁邊三件小巧玲瓏的脆餅三重奏分別為：煙三文魚、香醋小番茄，以及蟹籽口味，配上意大利香草脆餅。燒鰻魚熔岩蛋包飯 ($118+10%)服務員姨姨小心翼翼地送上蛋包飯，搖搖欲墜的熔岩蛋不斷晃動，吸引力大增。燒鰻魚安份守己地躺在熔岩蛋床上，體型不小，肉質毫不糜爛，頗為香軟，略帶少許細骨。移開鰻魚，輕輕刺破熔岩蛋外層薄皮，一切、一撥，蛋漿名副其實地如熔岩般哇啦哇啦地流下，四方八面地向碟子周圍亂竄，瞬間將飯包圍覆蓋。滑溜無比的雞蛋蛋汁豐沛，放進口中不費吹灰之力便直直滑進喉嚨裡。飯底亦盡見心思，加入日式照燒汁，令白飯不會寡淡乏味，鹹度濕度都掌握得恰到好處。在香港，可以吃到熔岩蛋包飯的地方不多，但是，為著這個大大滿足視覺和味覺享受的熔岩蛋包飯而一訪再訪紅磡，絕對是值得的。…查看更多

為左個蛋包飯黎 佢間舖好細 大約坐到16個人左右 兩個人去好大機會要搭枱 去到大約7點，等左4張大約半個鐘到 除左蛋包飯好似仲有d burger 咁我地都係叫蛋包飯啦 叫左個咖哩吉列豬 同埋一個鰻魚 個蛋包飯真係好正 一刀𠝹落去就會分開鋪滿成個飯 份量都幾大 食晒成個真係好飽 加外我地有個加左餐 話有沙律同三件小食 不過就覺得有d 伏 …查看更多