影片
更多
2018-12-27
189 浏览
我同老公仔有食開omankase 既隱,其實一路既心願都係想試晒香港唔同地方既omankase! 之前早有聽過"鮨文"大名,不過係新界太遠,所以一直都揾唔到機會入去食! 不過朋友仔話佢地係黃埔新天地開左新分店! yeah,又點可以唔去食呢?老公仔話等x'mas食餐好野慶祝!,所以book左2位去食! 黃埔相對我地少去,唔算熟落,而且鮨文既店名相對比較隱閉,係走簡樸又高格調既傳統風格! 拉開趟門,路過玄關,向下走幾級就見到店面! 只見一張長bar台,大概可以坐到10個人左右,由2個師傅主理!果然係傳統既日式格調,而且聽到師傅係穿木屐架,突然有種肅然起敬既感覺,感覺好緊張!點解會緊張?可能因為"第一次"係香港食咁傳統既omankase掛?師傅Eason問我地食過omankase未?我地話食過,但感覺呢度氣氛好唔同,哈! 師傅話: "食過omankase就好,我最鐘意識品賞既客人,咁樣廚師先會整得開心,因為有人識欣賞！" 呵...睇來今晚除左食之外,都係一個好好既日本文化體驗!講返呢餐,既然食就當然食過最貴-$1850/each果隻! 除左有茶碗蒸,仲有5點sashimi + 8貫sushi
黃埔相對我地少去,唔算熟落,而且鮨文既店名相對比較隱閉,係走簡樸又高格調既傳統風格! 拉開趟門,路過玄關,向下走幾級就見到店面!
只見一張長bar台,大概可以坐到10個人左右,由2個師傅主理!
果然係傳統既日式格調,而且聽到師傅係穿木屐架,突然有種肅然起敬既感覺,感覺好緊張!
點解會緊張?可能因為"第一次"係香港食咁傳統既omankase掛?師傅Eason問我地食過omankase未?我地話食過,但感覺呢度氣氛好唔同,哈! 師傅話: "食過omankase就好,我最鐘意識品賞既客人,咁樣廚師先會整得開心,因為有人識欣賞！" 呵...睇來今晚除左食之外,都係一個好好既日本文化體驗!
講返呢餐,既然食就當然食過最貴-$1850/each果隻! 除左有茶碗蒸,仲有5點sashimi + 8貫sushi,而且仲有雲丹盛 & 手卷 ,湯同果物! 正啊...
茶碗蒸 - 三文魚子蒸蛋
先黎係暖胃既茶碗蒸,每次我都好鐘意食,因為食到蛋既香滑,又食到三文魚子既鮮味,真係好好味! 本身好清既蒸蛋,配上三文魚子鹹鹹地既鮮味,入面又有帶子,直頭張鮮味提左1個level, 最特別既係師傅放左少少wasabi係上面,闢左少少三文魚子既腥味,令到個味更加鮮甜!
茶碗蒸過後,師傅送上幾款漬物,比我地伴下壽司食!
咪睇以為係普通漬物呀,我就知傳統既omankase對每一個細節都好講究!果然佢地對漬物都好講究! 有煙薰蘿蔔 (真係無食過,煙薰味好香) /淮山 (唔普通,有wasabi味,食落好脆) /千鳥漬 (都係蘿蔔) /酸薑 (自家醃,好爽甜)! 真係好食得黎又特別!
sashimi 五點
一點 - 冰封赤穗蠔
師傅話兵庫縣既赤穗蠔好靚,雖則唔係太大隻,但厚身,肉質緊緻,冰封過後蠔身更加修身,爽滑! 師傅係上面配左酸汁同柚子鹽,望落去好靚!食入口果種冰涼口感好難忘,蠔肉好結實,好甜好肥味,酸汁同柚子鹽更能帶出蠔既鮮味!
兩點 - 神奈川水八抓魚
來自神奈川縣既水八抓魚,師傅拿出一大條觸鬚出來果陣,真係有d嚇親!但見到師傅慢慢切開小片後,再係每片上畫左幾刀,令食入口更加易嚼,但又食到八抓魚既清甜,好特別,尤其個吸盤位更加煙韌,好好食!
三點 - 鱈魚白子 (酸汁+魚子醬)
哈,師傅其實開頭有問我地有無乜野唔食,我地話無!估計係講緊呢樣! 鱈魚白子,我都係omankase食過一次,其實即係鱈魚既精!唔乖得食落咁似雞子,好棉好粉既口感,fully of protein!
廚師話好有營養架,最啱男人食(heheeeee),而且配上酸汁,上面加左鱈魚子,所以唔會腥,好好食呢!
四點 - 香湘蟹
香湘蟹我都食過一次,不過上次係熱食,蟹肉蟹膏蟹子蒸完一次過食! 但今次師傅整既香湘蟹做法更special! 佢話今次係凍食,蟹肉蟹膏蟹子釀左落蟹蓋入面, 而最特別既係張蟹湯做成湯凍,再將啫喱狀既湯凍洒係上面! 絕對係蟹肉蟹膏蟹子蟹湯,4合為1! 真係好蟹啊,呢都真正叫原汁原味,無得彈!
五點 - 鮟鱇魚肝
到最後一點啦,師傅話呢個以前係天皇先有得食架咋,呢家佢整比我地食!呢個就係鮟鱇魚肝! wooo,雖則都食過1次,但只係食過好細塊,但今次師傅"厚切"左2片比我地!真係好梳肝啊! 鮟鱇魚肝口感好似鵝肝,但唔臊,有好濃既魚味!配上酸汁同辣蘿蔔蓉,中和少許內臟既味道,令整體更balance!sushi七貫
一貫 - 熊本縣橘鰤魚
一聽到個名就覺得好特別,鰤魚唔係第一次食,但橘鰤真係第一次聽,究竟有咩名堂?原來師傅話橘鰤好特別,鰤魚用柑橘皮去喂,所以無咁腥又會帶有陣陣柑橘香味! 口感更清爽而魚肉更有光澤! 絕對係熊本特產,我諗都唔係好多地方有得食!
二貫 - 金目鯛
omankase不能少既一定係金目鯛!撞正秋冬時節,魚肉一定更加美肥,魚油香濃,果然無錯!而且師傅話呢件係魚腩位,最肥美,一條魚得4片架咋! 所以食落口更加肥美,而且上面加左釀sake既酒糟,所以帶有淡淡米香,中和左魚油既肥膩感,好特別!三貫 - 九州赤海老
呢個真係不得之了!師傅話九州赤海老係日本3大名蝦之一,其餘2種係牡丹蝦 & 稿蝦! 隻蝦真係超生猛,上台後仲係咁跳! 師傅拆殼後仲見到蝦肉跳動,真係新鮮到呢...蝦肉清甜又彈牙,而且見到蝦尾好似彩紅咁,好靚!
初先以為蝦頭拆開左,無得食膏!誰知司師傅話蝦頭會炸天婦羅!wa...不得了啊! 炸出黎真係又脆又香,仲食到好多蝦膏, 食隻蝦由頭到尾都可以食,真係無得頂!好好食啊!四貫 - 金華鯖魚
鯖魚食得多,生食真係第一次! 師傅話呢隻係金華鯖,係宮成金華山既真鯖,秋冬時令先有既關名物! (我都係上網睇返先知唔係隻隻鯖魚都可以生食,但金華鯖係關東第一真鯖,所以先得)! 師傅話鯖魚味濃,所以加薑蔥令腥味闢走!魚肉係好靚既紅色，鐵質好豐富,食落非常甘香!一絕!
五貫 - 燒銀鱈魚BB
銀鱈魚刺身我食過一次,記得肉質肥美鮮嫩,好勁魚油,但有點over! 師傅讚我識食,佢話所以選擇左銀鱈魚bb,燒左佢令到魚身更香,而銀鱈魚BB比普通銀鱈魚無咁肥美,但一樣咁嫩滑,所以做sushi更適合,唔會太肥膩!
六貫 - 文蛤
呢個絕對係第一次,文蛤好大隻,但師傅整得好薄身,包住d飯,再係上面搽左醬油! 好有貝類既鮮甜口感!而且呢隻係江戶時既食法,所以係老派日本菜,所以唔係個個識整!七貫 - 中拖羅
呵...拖羅係我最愛,好在最後都有得食je! 師傅話今次會用d醃半年既白蒜汁搽上拖羅上面,等我地try另一種食法! 又真係幾特別喎,拖羅既甘香配香蒜既味道,好特別!
食完sashimi & sushi,都有d飽飽地啦! 不過師傅話好野唔好比佢停,問我地食唔食得落! 我地當然話okay! 佢即係整左個雲丹盛比我地食! 咩係雲丹盛?可能睇英文易明d - Cup of Uni!即係海膽杯! 雖則係"杯",但絕對係重份量,師傅用左3份1板
馬糞海膽杯黎整啊! 個衰佬見到興奮到啊...! 三份一板喎...馬糞海膽喎! 真係聽到都價值不菲,仲要係時令食,海膽真係好creamy好甜,食完佢已經唔識講野,一個enjoy樣(呵) 坐係度!
不過興奮既野未停,師傅係我地面刮緊d魚肉出黎,又挑緊骨,之仲用火槍燒塊魚板,見到d魚油係咁滴落d魚肉度，真係未見識過!
原來師傅話係度整緊拖羅魚油手卷! 好邪惡啊,但又好正! 師傅用既係靚紫菜 -佐賀丸山紫菜,貴過平時n倍架! 不過真係一分錢一分貨! 紫菜厚身香脆,咬落去索索聲,配埋拖羅魚肉&魚油油一齊食,真係大滿足啊!
今次omankase終於去到尾聲, 初先睇menu見有soup,以為只係麵豉湯,誰不知師傅話係魚湯!
仲要話個湯好"簡單",只係用油/鹽/蔥/魚/糖煲! 一見到個湯奶白色,就明白有幾"簡單"!個湯好清但又好香濃! 好矛盾咁...但其實香濃係因為師傅用左好多魚頭魚骨煎香晒,再煲足一日! 話佢清,原來師傅話隔渣起碼隔3-4次,點會唔清呀! 果然好"簡單"!
最後既果物係靜江蜜瓜+長琦士多啤梨! 不過最特別既係, 店員係上面噴左whiskey! 好特別喎...師傅話甜度高既生果,可以噴whiskey架,食起上來別有一番味道,長知識啦!
今餐真係好正,好傳統既一餐omankase,在我黎講鮨文既級數真係"香港一"!
张贴
