更多
2023-10-12
95 浏览
到我啦! 到我啦!系社交平台见人食得多,今次终于到我食!我去左佐敦分店,餐厅比我想像中大,而系装修得好靓,好有香港特色。野食方面我地叫左个美颜花胶鸡锅~个汤底有成半只鸡,而且花胶份量都唔少,饮落去都清甜,所以我都饮左两碗先打边炉🙊肉类方面叫左个太极两仪,卖相真系整到太极挂咁,一边红一边白。 红色系红酒安格斯牛,白色系黑松露牛乳猪颈肉片。 两款肉都腌得够入味,但红酒个款真心值得推介! 佢个红酒味真系好出,渌完就咁食唔点酱都好好味!火锅配料仲叫左:一帆风顺,七色丸,皮蛋虾滑,花花绿绿同埋天伦锅心。一帆风顺个卖相整到一只帆船仔咁,佢系用秋葵酿左蟹籽墨鱼滑,蟹籽粒粒都好爽口,墨鱼滑都好弹,好食!皮蛋虾滑都值得试,上菜个阵有半只皮蛋比你自己搞匀落虾滑到,估唔到皮蛋同虾嘅味道完来咁夹~天伦锅心就系d 酒楼点心,有虾饺烧卖同埋d奶皇水晶包咁。好少将呢d用黎打边炉,但我觉得个奶皇包又几好味 🤣最后仲叫左两杯饮品:奇幻历险同花月豪庭。两杯卖相都好靓,我饮个杯系花月豪庭,饮品面头仲有个焦糖烧蛋糕卷,饮落就饮淡淡地蓝莓乳酪~
系社交平台见人食得多,今次终于到我食!
我去左佐敦分店,餐厅比我想像中大,而系装修得好靓,好有香港特色。
野食方面我地叫左个美颜花胶鸡锅~个汤底有成半只鸡,而且花胶份量都唔少,饮落去都清甜,所以我都饮左两碗先打边炉🙊
肉类方面叫左个太极两仪,卖相真系整到太极挂咁,一边红一边白。 红色系红酒安格斯牛,白色系黑松露牛乳猪颈肉片。 两款肉都腌得够入味,但红酒个款真心值得推介! 佢个红酒味真系好出,渌完就咁食唔点酱都好好味!
火锅配料仲叫左:一帆风顺,七色丸,皮蛋虾滑,花花绿绿同埋天伦锅心。
一帆风顺个卖相整到一只帆船仔咁,佢系用秋葵酿左蟹籽墨鱼滑,蟹籽粒粒都好爽口,墨鱼滑都好弹,好食!
皮蛋虾滑都值得试,上菜个阵有半只皮蛋比你自己搞匀落虾滑到,估唔到皮蛋同虾嘅味道完来咁夹~
天伦锅心就系d 酒楼点心,有虾饺烧卖同埋d奶皇水晶包咁。好少将呢d用黎打边炉,但我觉得个奶皇包又几好味 🤣
最后仲叫左两杯饮品:奇幻历险同花月豪庭。两杯卖相都好靓,我饮个杯系花月豪庭,饮品面头仲有个焦糖烧蛋糕卷,饮落就饮淡淡地蓝莓乳酪~
张贴