北園酒家 (已結業)

從小就知道90%以上, 餸名好 "花巧", 味道都係中級或以下。例子：如果SET MENU 係以下兩款, 你會選邊款?一. 俄羅斯牛肉飯二. 黑椒時菜牛肉飯我就多數會選前者, 亦多數會 "頼"嘢!北園就係如此情況!!!坐响北園小菜廳, 點心名都唔同啲, 但價錢當然都貴好多!靚裝修 配 崩碗碟?!一坐低, 門面新裝修, 仲配晒餐巾環, 但一睇, 大碟、細碟都崩咗, 亦好多花㾗, 睇落都唔多衞生!鮑汁鳳爪鳳爪好淋, 但漿汁唔太特別, 亦無鮑魚味。鐵板野菌牛肋骨一上台, 蒸氣冒出, 亦嗅出濃濃黑椒味, 見到都想食。但咬落又無乜特別, 野菌太乾身, 好似乾冬菇咁。鮮蝦蛟蝦蛟內鮮蝦好多隻亦爽口，材料好靚，但師傅做出嚟只係一般蝦蛟。香茜叉燒腸條叉腸一啲都唔飽滿，好似未發育咁，有啲乾蒸FEEL。