皇朝明珠

营业中

休息中

今日勁好天終於冇落雨，即刻同屋企人入咗去大埔飲茶。天氣涼涼哋，所以我哋坐咗喺出面，仲可以望到海景。上湯金魚餃配水晶球賣相滿分，靚到唔捨得食，餡料結實，水晶球有好多種不同嘅食材，口感好豐富。魚翅羊肚菌灌湯餃個湯底好清甜，好足料，對得住個價錢。黑毛豬北菇燒賣完全冇豬肉嘅膻味，北菇好香。皇朝蝦餃皇皮薄餡靚，蟹肉好彈牙。三式蒸腸粉分別係蝦，叉燒同牛肉，一碟可以食到三種味道，值得一試。蘿蔔千絲穌賣相又係好靚，食落去好香脆。蜂巢荔茸盒好少地方食到呢款傳統點心，好大粒，而且入面仲有蝦肉，必點！金磚豆腐即點即炸，外脆內軟，份量啱啱好。招牌脆皮乳豬估唔到例牌會係咁大份，乳豬係即點即燒的，好有heart，皮脆肉嫩！松茸老雞燉花膠湯點咗呢個好滋補嘅湯，餐牌上面仲有好多不同湯羹選擇。雪山流沙包有啲似甜品，入面嘅餡料好creamy，每一口都是滿足。