皇朝明珠

营业中

休息中

今日天氣好好帶狗狗入大埔三門仔放電，意外邂逅兩位朋友，那就一行四人到附近食個晚飯聚聚，由於帶着小狗，就揀了這家「皇朝明珠」粵菜酒家。店員安排我們坐在戶外雅座，讓我們一面用餐，一面飽覽三門仔漁村美景，實在令人心曠神怡😊以下是我們點的菜式，每樣都好味，全部清晒碟👍令日燉湯是⭐️螺頭羊肚菌竹笙燉雞，湯色清澈卻滋味濃郁，滋陰潤燥。再叫咗兩份⭐️鮑參翅肚羹，湯羹濃稠適中，奢華卻不張揚。⭐️招牌明爐燒脆皮乳豬剛燒好出爐，乳豬皮卜卜脆不膩口，肉香嫩滑加上豐富的油香，好食到停唔到口。⭐️紅燒乳鴿，剛剛炸好即上枱，香氣撲鼻而來，外脆內嫩好Juicy，夠晒入味好食。⭐️法式紅酒燴牛尾牛尾燉煮至軟爛，帶少許紅酒香甜，蕃茄醬汁醇厚，特別香濃。⭐️魚鰾浸勝瓜魚肚鮮美順滑吸飽湯汁配埋勝瓜清甜，整個菜清爽消暑又好食。⭐️櫻花蝦蝦膏海鮮菜粒炒飯鮮味發揮到極致，炒飯粒粒分明，蝦仁及帶子爽口彈牙，大家都讚口不絕。最後食埋甜品及糖水，⭐️十勝紅豆桂花糕，軟糯香甜，帶着淡淡的桂花清香，⭐️椰汁紫米露，甜度適中，好滋潤。這餐超級滿意滿足，這間粵菜餐廳，環境靚食物質素高，一定會再回訪⭐️⭐️⭐️⭐️⭐️

尋日去左一間好靚環境地方食飯，因有朋友外國來皇朝明珠，無論室內室外都裝修好舒適，一進入室內，就比一張好大枱面吸引🤩原來可以坐到20人，全店都採用雲石枱面，感覺好高級😍真好適合三五知己或者一家大細好地方來一壺靚普洱茶🫖介紹我們食物先招牌明爐燒脆皮乳豬🐖皮脆到卜卜聲，皮燒得好脆又鬆化，一層皮一層肉，師傅放掩料剛好，肉唔會咸，又唔肥，食幾塊完全唔覺得油膩。 聽服務員介紹，乳猪豬义燒都係師傅每日返嚟自己掩制自己燒，日日都係新鮮出爐。時令靚湯及鮑參翅肚羹時令燉湯（羊肚菌竹生燉雞湯）湯🥣色澤清澈，味道清甜，羊肚菌營養價值好高👍鮑參翅肚羹🥣每盅都有明火加熱，好細心湯好濃郁，每匙都食到鮑魚海參瑤柱香，好足料👍紅燒乳鴿鴿肉質好juicy,咬落有汁，唔會炸到皮干肉好嚡，而且肉掩料唔會太多搶味，好食😋法式紅酒燴牛尾紅酒加入大量蕃茄洋蔥去炆牛尾吸收汁，好好食，汁酸酸甜甜，餸白飯一流😋上湯浸魚鰾勝瓜勝瓜時令，所以特別甜，加入魚鰾肉碎，湯清甜，魚鰾爽口，好合時菜👍蝦仁櫻花蝦蝦籽蝦醬炒飯本身就好鈡意蝦醬，配合櫻花蝦蝦籽去炒，飯炒粒粒金黃，材料豐富口感非常滿足😂甜品：十勝紅豆桂花糕🫘芋頭西米露一層桂花、一層紅豆，手工

假日行完大佛就去大埔，同屋企人提早慶祝母親節。皇朝明珠位置自成一角，好多泊車位，裏面有個花園，有室外位，直望海邊，所以感覺好舒服好有度假feel。餐廳入邊都好大，10幾人枱，包房都有。🍀招牌明爐燒脆皮乳豬超級薄脆乳豬，燒得均勻，脆皮非常靚。🍀鮑參翅肚羹一人一盅鮑參翅肚羹，有鮑魚絲，魚翅，海參，瑤柱，好香同濃郁嘅海鮮味。仲有火暖住，可以慢慢食。🍀 紅燒乳鴿脆皮乳鴿，外皮薄脆，內裏非常多汁，充滿肉香。🍀 法式紅酒燴牛尾非常好食，牛尾炆得腍滑，有紅酒嘅果香，食完介紹原來除咗紅酒之外，仲落咗白蘭地收汁，所以牛尾味道香濃帶甜味。🍀上湯浸魚鰾勝瓜勝瓜清熱甜香，魚鰾索晒上湯汁同埋勝瓜嘅味道，推薦。🍀 蝦仁，櫻花蝦，蝦籽蝦醬炒飯本身已經好鍾意食蝦醬炒飯，呢碟簡直係所有蝦嘅精髓， 一上菜香味撲鼻！食到停唔到口。🍀 十勝紅豆桂花糕食到好飽，點個糕點滿足吓甜品嘅胃口。甜品最高嘅評價係唔太甜，帶有淡淡桂花清香。非常推薦同屋企人或者情侶拍拖過嚟飲茶或者食晚餐，環境靚，食物高質素。

大埔 皇朝明珠 食評位於大埔的皇朝明珠餐廳，是一家結合了優質點心和寵物友善環境的粵菜館。這次來這裡用餐，不僅因為它出色的服務和美味的點心，更因為這裡獨特的寵物友好設施和美麗的草地環境。 服務從我們踏入餐廳的第一刻起，服務人員就展現出了極高的專業素養和熱情。他們非常細心地引導我們入座，並迅速了解了我們的需求。服務團隊始終保持微笑，隨時準備提供幫助，讓我們感受到了賓至如歸的待遇。無論是點餐還是其他需求，他們都能迅速響應並處理得井井有條。寵物友善環境皇朝明珠最令人印象深刻的地方之一就是它的寵物友好設施。餐廳外設有一片寬敞的草地，專門為帶寵物前來的顧客設計。這片草地不僅綠意盎然，還提供了足夠的空間讓寵物自由活動。此外，餐廳內也設有專門的寵物區域，這些區域既舒適又乾淨，並且與其他用餐區隔開，確保每個顧客都能享受愉快的用餐體驗。這種貼心的設計，對於喜歡帶著寵物一起外出用餐的朋友來說，無疑是一個巨大的吸引力。 點心質量雖然這次不打算具體描述每一道點心，但可以說的是，皇朝明珠的點心質量正常（但牛肉腸皮太厚)。總結總體來說，皇朝明珠無論是在服務、寵物友好環境還是點心質量方面，都表現得相當出色。特別是對於

講到茶樓嘅點心，真係每款都令人尖叫！首推上湯金魚餃，蒸籠打開嗰刻直接哇出聲 —— 透明嘅餃皮好似玻璃雕成咁，金魚造型栩栩如生，咬開後鮮甜彈牙嘅大蝦仁爆出嚟，再飲啖清甜上湯，鮮味直衝腦門！和牛酥  酥皮層層疊疊，輕輕一咬就「咔嚓」掉渣，做成迷你手袋造型，打卡一流！入面嘅和牛粒醬香濃郁，軟嫩多汁，鹹香同酥脆口感撞埋一齊，正到停唔到口！魚翅羊肚菌灌湯餃！睇落平平無奇嘅大餃子，用湯匙輕輕剪開，「嘩」一聲湯汁湧出嚟，肉眼可見嘅魚翅、鮑魚、鮮肉堆到滿瀉！湯頭濃郁鮮甜，每啖都係真材實料，完全係「隱藏王者」！除咗呢幾款必試，仲有超多特色點心值得一試！三式蒸腸粉一次過食齊鮮蝦、叉燒、牛肉三款口味，腸粉滑捋捋，餡料超足；黑松露帶子餃 黑松露香氣濃到撲鼻；鮮蝦菜苗餃爽口清甜；雜果鮮蝦手卷鹹甜交織，創意滿分！

今日約咗朋友喺三門仔碼頭出海釣魚，經過路口見到有間皇朝明珠酒家，，回程上岸就去試下，入到去環境及氣氛相當好，点了侍應推介的燒乳豬，燒乳鴿，主廚推介的法式紅酒炆牛尾，蝦乾銀魚鮮魷浸勝瓜，蝦仁櫻花蝦蝦醬炒飯，鮑參翅肚羹及燉湯。乳豬是即燒的，炆問侍應為什麼乳豬的皮那麼脆，原來要加熱石來燒，所以那麼脆，推介。紅酒炆牛尾也是一絕，連汁都飲埋。浸勝瓜清甜可口，櫻花蝦炒飯炒到粒粒分明乾身可口，要畀個讚，甜品係桂花紅豆糕及椰汁紫米露，甜度適中好味，食完黃昏日落景色仲靚打卡一流，會再來的。

昨日和從外國回來的朋友相約到皇朝明珠用餐，想避開商場的酒樓，找個舒適又特別的地方。這家餐廳環境令人驚艷，室內外裝潢典雅，雲石枱面散發高級感，尤其是那張可坐20人的大枱，一進門就吸引了我們的目光！店內氛圍溫馨又不失格調，非常適合朋友聚會或家庭聚餐。坐下來先點了一壺香醇普洱茶，暖胃又放鬆。菜式體驗我們點了幾道招牌菜，每一道都讓人驚喜，以下是詳細分享：招牌明爐燒脆皮乳豬這道乳豬是全場焦點！皮脆到入口有「卜卜」聲，酥脆鬆化，肉質嫩滑不柴，肥瘦均衡。師傅的醃料恰到好處，味道濃而不鹹，吃幾塊也不覺得膩。據服務員介紹，乳豬和燒味都是每天新鮮製作，難怪口感這麼出色！時令燉湯（羊肚菌竹笙燉雞湯）湯色清澈，入口清甜，羊肚菌的香氣突出，搭配竹笙和雞肉，營養豐富又養生。湯底完全不油膩，喝起來特別舒服，冬天來一碗超暖心。鮑參翅肚羹這道羹湯用明火加熱端上桌，細節滿分！湯頭濃郁，每一口都能嚐到鮑魚、海參和瑤柱的鮮香，食材份量十足，喝完讓人滿足感爆棚。紅燒乳鴿乳鴿肉質juicy，咬下去滿口肉汁，皮燒得香脆但不乾柴。醃料味道適中，沒有蓋過鴿肉的原味，口感令人回味。法式紅酒燴牛尾這道菜是驚喜之作！牛尾炆得軟嫩入味，紅酒搭

服務態度極差 唔憂無生意既一間中式餐廳黑面 比說話客人聽 收拾的時候好像要把火都撒在碗碟上但我們什麼都沒有做過12碟野 食左$1538    都好唔滿意 個經理超級趕客   - 酒樓空間大，設有圓桌和包廂，適合家庭聚會   - 部分客人喜歡 海景座位  環境較開揚 可帶寵物 但夏天會熱午市點心極度配不上價錢量少 味道一般 有點像預製菜  服务：服務態度參差不齊   - 部分員工 反應慢 無笑容食物水準不穩定   -同一個菜式，今次好食，下次差好遠 環境衛生待改善**     - 部分區域（如洗手間、地毯）有異味 清潔不足 而且明明地方超級大但廁所卻小得只有90斤的我都轉不了身  好神奇   - 冷氣有時 太弱 夏天用餐可能較悶熱適合場合 家庭聚餐、飲茶、海鮮宴但對服務要求高者需有心理準備

同屋企人今次去咗大埔三門仔食晚飯。記憶中三門仔係個有山有水嘅地方，細個嗰陣老竇帶過我來玩，有點懷舊的感覺。聽朋友講呢間皇朝明珠嘢食唔錯，所以今次決定同屋企人嚟試吓順便懷舊一下。第一個餸係招牌明路燒脆皮乳豬，呢個乳豬真係十分好食，佢應該係即刻喺廚房燒出嚟嘅。豬皮十分香脆，脂肪同肉嘅比例又啱啱好。平時去飲宴我都唔會食好多舊，今次忍唔住後食咗三四嚿。之後嘅就係鮑參翅肚羹，呢個更同外面去飲食嗰啲真係冇得比，呢個足料，而且鮑魚味好出。個碗底下面用個蠟燭燃燒來保溫，真係細心。再嚟就係紅燒乳鴿，呢隻乳鴿亦都相當有水準。乳鴿皮薄香脆，肉幼嫩，汁香。再嚟就係法式紅酒燴牛尾，個牛尾炆到好嫩而佢嘅紅酒汁十分之香。服務員話呢個汁係用X O去收出來嘅，所以零舍香甜。跟住就上咗個菜，上湯浸魚飄勝瓜。食完之前比較油膩嘅嘢，食返呢個菜同勝瓜十分清爽，感覺幫助消化。再嚟就係蝦仁櫻花蝦蝦醬炒飯，個飯炒得相當乾身好有水準。蝦仁蝦子同蝦醬嘅配合相當好，而且唔會太鹹。再嚟甜品十勝紅豆桂花糕，又好香嘅紅豆味，大人細路都好鍾意食。食完呢餐真係好滿足，而且餐廳環境相都唔錯，下次有啲慶祝都會再嚟。

今日同屋企人嚟呢度提早食團年飯，就嚟依度飲茶。一嚟到我哋泊架車喺門口嘅停車場，估唔到12點幾已經full晒，果然有好多人。因為訂位時候冇特別列明要坐戶外，所以只可以坐入面，入面環境都好寬敞，唯一缺點係有啲暗，如果光猛啲就會更加好。 我哋都叫咗好多點心同埋炒飯賣炒米，我覺得最值得推介嘅係嗰個櫻花蝦炒飯，炒飯炒到粒粒分明，味道亦都唔會太鹹，亦都唔會太油膩，好得👍🏻👍🏻另外我覺得我個火鴨絲雪菜炆米都好值得推介，佢個炆米係有粉絲加埋米粉，個味掌握得好好😋😋另外個鮑汁鳳爪嘅鳳爪亦做得好好，唔會淨係得鹹同埋好腍，軟硬度適中，個汁亦都好濃，好好味。整體點心都好食，雖然價錢相對貴咗少少，但有呢個景，有呢個服務質素，都覺得好值得。仲有要特別一提嘅就係佢哋嘅茶，會用小蠟燭慶住，而茶葉都算唔錯，值得加分👍🏻

好味指數：8/10性價比：7/10今次放大假帶埋BB同家人入三門仔一齊去飲中茶，順便帶埋BB去打卡同Chill下，遠離市區，當去咗一日遊。❣️ 招牌明爐燒脆皮乳豬 ：熱辣辣乳豬皮香脆肉嫩❣️ 皇朝三式蒸腸粉：鮮蝦，叉燒，牛肉，一次過有三種享受❣️ 欖菜肉碎炒本地有機時蔬：欖菜香濃，唔會過鹹，非常惹味❣️ 上湯金魚餃配水晶球：非常吸引既擺盤，顏色配搭及手工十分細緻，配上鮮甜雞湯，令我哋好深刻❣️ 皇朝蝦餃皇：蝦餃皮晶凝通透，餡料非常足夠❣️ 黑毛豬北菇燒賣：黑毛豬燒賣，菇味濃厚，肉質鮮嫩❣️ 手袋和牛酥：手袋造型創意十足，酥皮內裏的和牛令人垂涎三尺❣️ 黑蒜帶子餃：帶子十分鮮甜，配上黑蒜，係新穎而好味配搭❣️ 鮑參翅肚羹：羹內的鮑魚彈牙，個人幾滿意❣️ 鮑粒鹹水角: 可愛嘅啤梨形狀既鹹水角，外皮炸得酥脆，鹹香適中，鮑粒餡料令口感層次提升❣️ 鮑魚福建炒飯：炒飯粒粒分明，味道係高水準之作❣️ 楓蜜脆蛋散題外話這裏的經理及侍應非常親切，亦不停為我們加茶，值得加分及表揚。 這裏的茶用了菊花普洱，味道香溢濃郁，香港已經很少酒樓有得飲。

放假跟家人來吃午餐，食物整體很有水準，用料新鮮上乘；座位舒適寬敞，佈置相當雅致；環境及食器十分整潔衞生；員工工作認真積極，非常友善。他們推薦的菊普味道甘醇，加上淡淡的花香，喝完一口接一口。 室外座位很寫意，可以看看山海，往下走更可以遠眺慈山寺觀音像。蝦餃皮薄煙靭，內餡飽滿實正。蝦味濃郁，調味剛好，十分爽脆彈牙，是食過最好味的蝦餃。金魚餃造型像真，鮮蝦內餡和蝦餃一樣。水晶球外皮晶瑩剔透，可以看到入面餡料非常飽滿。配上味道淡淡但層次豐富的上湯，值得一試。帶子超級新鮮，口感柔軟，味道鮮甜獨特，有驚喜。內餡和蝦餃一樣飽滿實正，真材實料，香氣十足。兒時有見過三式糕，三式腸粉真的第一次見，非常適合想試多款口味的食客。腸粉很嫩滑，口感軟糯，內餡肉質鮮嫩。賣相絕對滿分，是打卡的首選。外層酥餅鬆脆，入面的汁煮和牛非常軟腍。小啤梨的造型超級可愛，咬開餡料有輕輕的柚子香，不會油膩。菜心很新鮮，脆度煮得剛好，而欖菜肉碎的味道又不會掩蓋菜心的清甜。炒飯很有鍋氣，粒粒金黃色，炒得非常好。餡料十足，有鮑魚，瑤柱，雞粒，原隻鮮蝦和帶子，整體調味不會搶過食材的鮮味。外皮超脆，肉味甘香，不喜歡肥膩的食客也可以嘗試這道

😆打完風嘅週末 今日終於出太陽🌞 揸車入嚟大埔三門仔探朋友 時隔半年又嚟三門仔食飯🎉 呢度泊車方便 而且可以揀住室內室外地方闊落 啱晒我哋一家大細🔆招牌明爐脆皮乳豬嚟襯我哋都叫乳豬👍🏻自家工廠燒乳豬 次次食都好脆 Keep到水準超多點心選擇 而且精緻又有特色 次次都叫唔同款嚟試吓 🔆上湯金魚餃配水晶球呢條金魚真喺栩栩如生🐟 皮薄而且內涵足料🔆皇朝三式蒸腸粉（鮮蝦、叉燒、牛肉）一份有三種口味😆 🔆手袋和牛酥👜 呢個好得意咁 好啱打卡🤪外面酥脆 裡面喺和牛粒但唔會好油膩 🔆啤梨咸水角😆又一個好可愛又打卡嘅點心 喺啤梨外型嘅咸水角 咸水角外層香脆 角皮口感煙靭 咬開是咸香的肉餡 🔆鮑參翅肚羹叫咗一份分嚟試吓 估唔到呢個羹好足料 有鮑魚、海參、魚翅、冬菇等 大家都話好正🔆四寶滑雞扎🔆皇朝蝦餃王🔆黑毛豬北菇燒賣🔆陳皮山竹牛肉球🔆鮑魚福建炒飯以為只係用鮑魚汁做芡 原來個飯有好多鮑魚片同海鮮配料 鮑魚汁芡撈上配料 好入味🔆雪菜火鴨絲炆鴛鴦米份量勁大 😂食到一半先記得影返張相 加埋XO辣醬令炆米惹味今次嚟室外冇咁熱 好多人坐出面 鳥語花香😆好多人喺度打卡

皇朝明珠環境非常舒適，裝潢簡約大方，燈光柔和，令到用餐氣氛好輕鬆。坐喺窗邊，仲可以睇到外面嘅風景，讓人感覺放鬆自在，好適合朋友聚餐或者家庭聚會。🥢招牌明爐燒脆皮乳豬一上枱好吸引！皮脆得黎肉質嫩滑，搭配特製醬汁，每一口都充滿咗肉汁，令人回味無窮！🥢上湯金魚餃配水晶球賣相真係好精緻，金魚餃用上湯煮，湯底清甜，皮薄餡靚，食落去好滑順。而水晶球則係用透明嘅餃皮包住，內裡係鮮蝦，同樣口感清新。🥢皇朝蝦餃皇蝦餃嘅餡料真係好豐富，蝦肉彈牙，皮薄而有嚼勁，咬落去感受到蝦肉嘅鮮甜，絕對係點心界嘅經典。🥢手袋和牛酥和牛肉質極之嫩滑，外層酥脆，咬落肉香四溢，昇華層次味道。🥢鮑粒鹹水角鹹水角外皮金黃酥脆，內裡包住鮑魚粒，口感豐富，鹹香味十足。🥢鮮蝦菜苗餃內有鮮蝦、清脆菜苗，味道清新可口，特別適合鍾意清淡嘅朋友。🥢皇朝三式蒸腸粉係我最愛！分別有鮮蝦、叉燒同牛肉，腸粉滑而不黏，餡料豐富，特別係搭配豉油，味道更加出色。🥢時令燉湯 竹笙螺頭羊肚菌燉湯，湯底清甜，羊肚菌嘅香味與竹笙嘅清新味道完美融合，滋補又養生。🥢明珠流沙包必試！流沙包外皮柔軟，內裡嘅流沙香甜可口，一咬沙流四溢，甜而不膩。🥢豉汁蒸排骨排骨鮮嫩，豉汁味道

位於大埔三門仔路嘅皇朝明珠✨環境優雅舒適，對住大海令人有種遠離城市煩囂嘅感覺❤️餐廳內部裝潢典雅而不失華麗，燈光柔和，適合一家大細或者朋友聚餐👍🏻🔹招牌明爐燒脆皮乳豬一上枱就聞到陣陣香氣，皮脆肉嫩，油脂豐富但無油膩感。乳豬皮烤得金黃酥脆，每一口都係享受。🔹上湯金魚餃配水晶球呢道菜既賣相好似藝術品，金魚餃用料新鮮，餡料豐富，湯底清甜，水晶球入口即化，令人回味無窮。🔹皇朝蝦餃皇蝦餃皮薄透光，內餡嘅蝦肉爽口彈牙，鮮味十足，絕對係點心之王。🔹手袋和牛酥酥皮香脆，和牛餡料濃郁，油脂分布均勻，每一口都充滿層次感。🔹鮑粒鹹水角鹹水角外皮炸得酥脆，內裡嘅鮑粒增添咗高貴風味，鹹香適中。🔹鮮蝦菜苗餃餃子皮薄餡多，蝦肉鮮甜，配上爽脆嘅菜苗，清新怡人。🔹皇朝三式蒸腸粉腸粉滑溜，配料豐富，三種口味包括鮮蝦、叉燒、牛肉，各有特色～鮮蝦彈牙，叉燒香甜，牛肉細膩。🔹時令燉湯 竹笙螺頭羊肚菌燉湯香味濃郁，羊肚菌與螺頭搭配得宜，營養豐富，竹笙更添上一份清甜。🔹煎手打百花餅外層煎得金黃，內裡百花餡料細膩，口感豐富。🔹杞子蟲草花浸菜苗湯底清澈，杞子與蟲草花帶來天然甜味，菜苗爽脆可口。🔹古法珍珠雞米飯粒粒分明，雞肉嫩滑，荷葉香氣