第一郡 (已搬遷) 新店位置

其實每逢放假都會爭取機會同男友周圍去食食食 好耐都冇食過越南野啦 所以特登上網睇下有邊度好食 上網好多人都讚呢間小店好味 我地叫左佢推介既蟹糕蕃茄湯檬 第一啖梗係又要試下個湯先架啦 個湯因爲有好大塊既蕃茄而有少少酸酸地咁 好醒胃呀 呢碗野既好鬼足料架 蕃加好大片 扎肉亦好厚 又有菜 又有豬紅 佢既蟹糕仲加左蛋去炒所以完全冇一般蟹糕既腥味 其實仲有豆卜架 不過我特登等遲d食咁佢就可以吸多d湯既精華啦 我成碗食晒仲要飲晒個湯添呀呢個係我男友叫既 坦白講 因為食左成碗檬粉既我仲飽緊 所以只係食左兩啖 個包好脆但又唔會太硬 餡料好豐富 有芫荽腩肉酸蘿蔔絲肉鬆扎肉等等 呢個配搭好新鮮嘻嘻 雖然話係飽但係女仔食甜品係用另一個胃嘅 所以點都要再叫埋呢個斑蘭綠豆糕架啦斑蘭糕夾住既綠豆蓉 唔會太甜亦都唔會搶咗斑蘭本身嘅清香味 煙煙韌韌咁 原來佢哋一齊係可以咁夾嘅 必食！牛油果沙冰 呢杯沙冰同平時嘅沙冰係唔同既 佢冇一粒粒碎冰 反而真係有啲似奶昔 牛油果味香濃 而且好滑 不過就真係好飽肚 所以可以share飲