鋿晶館

营业中

休息中

下午飲嘆個茶，食點心。聽朋友介紹師父做過多間米芝蓮酒店同大型連鎖酒樓，跟住再做自家品牌，性價比高！黑松露北菇燒賣皇燒賣內的大蝦及豬肉比例適中，加埋黑松露在燒賣上面變得十分高級。18蚊2粒2個人食岩岩好！月半彎晶瑩鮮蝦餃咬開蝦餃可以見到大大粒蝦，爽口彈牙，真材實料。鮮蝦菜苗餃粒粒十分飽滿，晶凝通透可見到菜苗及大蝦，非常新鮮。鮮蝦腸一碟3條，條條都有大大粒鮮蝦，每一啖都十分滿足。秘製叉燒包叉燒包鬆軟，餡料豐富，有點薑味的秘製醬汁。濟寧蒜香蝦春卷炸得卜卜脆，有蔬菜同蝦做餡料，香脆可口，唔怕膩。所有點心手作即製，新鮮熱辣，中午時分餐廳滿座，都要等一等先食到。