影片
更多
2013-10-01
2993 浏览
上次同個女黎食，十分回味，所以時日同埋老公一齊黎食多次.服務同上次一樣咁好，好貼心，值得一讚！知道我地2個人食唔晒一份，可以比我地叫半份，價錢都係一半.我老公見對筷子係象牙做既，好似有歷練過，所以問下侍應.一問先知呢對筷子原來係45﹣46年，係鎮店之寶！每日落場後，仲會點數睇下整唔整.摸上手就知有質感，有重量，又有經歷，係一雙好筷子！水滾茶靚，我地叫左：蝦餃，陳皮牛肉，金包銀絲腸粉，鮑魚酥，榴蓮酥.唔係講笑，真係差唔多樣樣都滿意！同上次一樣，水準十分高！蝦餃都係好好味，海蝦鮮爽甜，皮靚又飽滿，入面有小小湯汁同荀. 搵唔到理由唔encore!陳皮牛肉好似話用上20﹣30既陳皮（唔記得幾多年)．我係一位牛肉迷，一試就知靚野！陳皮份量剛剛好，配上牛霖肉，好味！金包銀絲腸粉好多食家都推介，但係我真係麻麻地，入面太多野，唔太岩的口味．下次唔會叫.鮑魚酥入面估唔到係用上鮮鮑魚，呢個組合我個人覺得好過上面一大隻乾鮑果D.酥皮十分出色！外酥內鮮，真係堅正！最後就係榴蓮酥.我自問係個榴蓮迷，仲會為左榴蓮王貓山王去馬來西亞.呢個酥一食後，驚為天人！！！係我試過咁多榴蓮酥中最好食既一個！愛榴蓮者必試！！！真
服務同上次一樣咁好，好貼心，值得一讚！
知道我地2個人食唔晒一份，可以比我地叫半份，價錢都係一半.
我老公見對筷子係象牙做既，好似有歷練過，所以問下侍應.一問先知呢對筷子原來係45﹣46年，係鎮店之寶！每日落場後，仲會點數睇下整唔整.
摸上手就知有質感，有重量，又有經歷，係一雙好筷子！
水滾茶靚，我地叫左：蝦餃，陳皮牛肉，金包銀絲腸粉，鮑魚酥，榴蓮酥.
唔係講笑，真係差唔多樣樣都滿意！同上次一樣，水準十分高！
蝦餃都係好好味，海蝦鮮爽甜，皮靚又飽滿，入面有小小湯汁同荀. 搵唔到理由唔encore!
陳皮牛肉好似話用上20﹣30既陳皮（唔記得幾多年)．我係一位牛肉迷，一試就知靚野！
陳皮份量剛剛好，配上牛霖肉，好味！
金包銀絲腸粉好多食家都推介，但係我真係麻麻地，入面太多野，唔太岩的口味．下次唔會叫.
鮑魚酥入面估唔到係用上鮮鮑魚，呢個組合我個人覺得好過上面一大隻乾鮑果D.酥皮十分出色！外酥內鮮，真係堅正！
最後就係榴蓮酥.我自問係個榴蓮迷，仲會為左榴蓮王貓山王去馬來西亞.呢個酥一食後，驚為天人！！！
係我試過咁多榴蓮酥中最好食既一個！愛榴蓮者必試！！！真心推介！！！
呢度既酥皮類食物真係好出色.好回味.
最後，部長送左個甜品比我地，真係開心
連送既甜品都好好食，不太甜，又好香.
時日糖水係南瓜露.
黎2次，2次都十分滿意,
下次一定要試晚飯.
张贴
