炊豕店 (加路連山道) (已結業)

食過幾次呢間銅鑼灣店既炊豕店，雖然餐牌既選擇真係唔多， 但係樣樣野都好好食， 都係真材實料。次次都食個蔥油豬扒飯，大大塊厚切豬扒配香濃既蔥油今日有機會試吓咖哩秘製豬扒飯，朋友點左個沖繩豬軟骨飯。 豬軟骨煮得好軟熟，好入味。 除左豬軟骨外， 香香既蔥油味襯配豬軟骨更加滋美 仲有蓮藕，白蘿蔔同菜減少油膩感。 咖喱汁秘製豬扒有咖喱大大碗， 再加好厚既炸豬扒，質感特別，個脆皮有小小甜甜既味道， 非常惹味。 加上軟綿綿熱辣辣既珍珠米， 淋上惹味咖喱， 好快就清光全部食物了。 芽菜加豆卜 開胃冷盤食物全家福食物質素好，又抵食， 所以都幾受街坊歡迎， 成日都要排好奈隊先入到去。一個遺憾既係每次只有45 分鐘堂食時間， 所以比較岩速食， 如果想同朋友暢談心事可能未必適合。