十下火鍋

今日去左間好有特色既餐廳打邊爐🙋🏻‍♀霓虹燈下，彷如置身係八十年代既舊屋邨中打邊爐，圓枱擺設同餐具都係走懷舊風格，而且座位之間有充裕空間，坐得都幾舒服👍🏻今次嗌左個二人餐，有四個湯底選擇，係白玉菊花湯底同椰子燉雞湯之間猶豫左好耐，但我最尾揀左後者🍽湯頭用原個新鮮椰子配以雞件。等個湯煲滾起後，店員首先會撈起曬啲配料，入面有海底椰肉，杞子，紅棗，馬蹄，好足料！呢個湯真係岩曬我，椰子味濃郁，清甜不膩。平時飲雞湯都怕會好油膩，但店員會主動幫手隔油，服侍周到👍🏻而且雞肉吸收曬湯既精華，有清新既椰子味，我情不自禁飲左好多碗湯🤤打邊爐黎講，呢個湯底係我食過最有質素既👍🏻店員唔洗十分鐘就送齊全部配料啦！非常推薦手切本地牛肉，牛味超級濃郁，唔洗沾任何醬汁都夠曬味。刀工十分好，牛肉厚薄岩岩好🤤其次我推薦牛白胸膀油，入口爽身，輕輕淥30秒就食得，有豐富骨膠原👏🏻第一次食呢個部位，初初我仲以為係豬黎😂蔬菜拼盤，入面有兩款菜，當中唔少得我最愛既娃娃菜。仲有菇，蘿蔔同粟米，好健康～鴨血份量都相當慷慨。粟米丸，啖啖粟米，入面仲要係流心架。陳皮魚蛋，好彈牙👍🏻三寶滑，賣相精緻，入面粒粒海鮮，真材實料，食落爽口彈牙。響