影片
更多
2019-12-05
693 浏览
發現中環啲西餐都幾鍾意搞任食鋸扒，而呢間係食過幾間之中真心最高質嘅一間。逢星期二名為meat me Tuesday，任食豬牛雞羊沙律配菜，仲包一客甜品，一條龍服務都係每人五百幾，以平時鋸塊扒都四五百蚊嘅高級西餐廳嚟講呢個價錢真係好吸引四種肉質素都好高，牛扒當晚係用紐西蘭產，唔係爆肥果種但肉質都好軟嫩，好重牛味唔油膩西班牙乳豬亦非常吸引，脆皮/脂膏/嫩肉，層次感強烈非常惹味至於羊架係當晚至愛，除咗係肉嫩之冠而且陣微微嘅羊羶香存在感強得嚟又點到即止唔會太過火，超高質；最後嘅春雞相比之下就有啲失色，正常發揮，俾啲唔鐘意食紅肉嘅人多一個選擇。配菜方面亦有四款，沙律薯條薯蓉炒菇，前兩者冇乜特別，薯蓉夠滑溜，炒菇不得了，菇味好濃，如果唔係飽得滯應該會再添多次其實除咗鋸扒任食之外仲有沙律吧任食，選擇都唔少有成十款之多，當中仲有啲落足本嘅食材，例如係大啡菇咁，仲有啲醃菜同芝士方便送酒而每人一坐低已經會有杯welcome drink，款式每晚唔同，當晚係蘋果馬天尼，甜甜的易入口。最後甜品係橘子北非小米配檸檬雪葩，用小米嚟做甜品都係第一次試，撈埋落個酸酸嘅雪葩度又好夾
四種肉質素都好高，牛扒當晚係用紐西蘭產，唔係爆肥果種但肉質都好軟嫩，好重牛味唔油膩
西班牙乳豬亦非常吸引，脆皮/脂膏/嫩肉，層次感強烈非常惹味
至於羊架係當晚至愛，除咗係肉嫩之冠而且陣微微嘅羊羶香存在感強得嚟又點到即止唔會太過火，超高質；最後嘅春雞相比之下就有啲失色，正常發揮，俾啲唔鐘意食紅肉嘅人多一個選擇。
配菜方面亦有四款，沙律薯條薯蓉炒菇，前兩者冇乜特別，薯蓉夠滑溜，炒菇不得了，菇味好濃，如果唔係飽得滯應該會再添多次
其實除咗鋸扒任食之外仲有沙律吧任食，選擇都唔少有成十款之多，當中仲有啲落足本嘅食材，例如係大啡菇咁，仲有啲醃菜同芝士方便送酒
而每人一坐低已經會有杯welcome drink，款式每晚唔同，當晚係蘋果馬天尼，甜甜的易入口。
最後甜品係橘子北非小米配檸檬雪葩，用小米嚟做甜品都係第一次試，撈埋落個酸酸嘅雪葩度又好夾
张贴
