影片
更多
2023-09-11
37 浏览
英國同事即將返回家鄉, 臨別時帶佢去一鍋堂大吃一番。揀咗瓊華中心分店, 事關呢度近旺角地鐵站, 而且分店環境闊落, 冷氣夠, 啱哂打邊爐唔會焗。一鍋堂全日供應三個任食套餐價錢, 有15款自選豬骨湯底選擇,我地盡興揀咗最貴果個高級日本、澳洲和牛套餐, 可以吃盡餐廳所供應嘅所有肉類, 款式選擇更多。而湯底就揀咗沙參肉竹鯊魚骨湯。大部份火鍋配料都經由scan QR code落單, 包括所有肉類、海鮮、餃類、蔬菜等…另設有自助區, 放有冷盤小食、丸類、蔬菜籃、混醬區、乳酪雪糕機同埋一個大型雪櫃, 放置了多款飲品, 其中有餐廳自家制健康茶, 適合任食打邊爐清下熱, 又冇咁易飽。我地所選嘅套餐絕對滿足牛魔王, 共有十多款牛類, 其中更有日本黑毛和牛同埋澳洲和牛, 食多幾碟真係好易回本。另有豬、羊、雞, 同埋各式手打丸。經QR code落嘅order好快上檯, 一個個架疊起, 滿足食放題嘅癮。先講湯底---沙參肉竹鯊魚骨湯:湯底份量較少, 建議滾起時飲咗啖湯先, 胡椒味好突出, 辣辣地調出鮮味。然後自行加豬骨湯打邊爐。其實揀任何湯底, 所加嘅湯還是豬骨湯, 所以真正食到湯底嘅味道都係食第一round
一鍋堂全日供應三個任食套餐價錢, 有15款自選豬骨湯底選擇,我地盡興揀咗最貴果個高級日本、澳洲和牛套餐, 可以吃盡餐廳所供應嘅所有肉類, 款式選擇更多。而湯底就揀咗沙參肉竹鯊魚骨湯。
大部份火鍋配料都經由scan QR code落單, 包括所有肉類、海鮮、餃類、蔬菜等…另設有自助區, 放有冷盤小食、丸類、蔬菜籃、混醬區、乳酪雪糕機同埋一個大型雪櫃, 放置了多款飲品, 其中有餐廳自家制健康茶, 適合任食打邊爐清下熱, 又冇咁易飽。
我地所選嘅套餐絕對滿足牛魔王, 共有十多款牛類, 其中更有日本黑毛和牛同埋澳洲和牛, 食多幾碟真係好易回本。另有豬、羊、雞, 同埋各式手打丸。經QR code落嘅order好快上檯, 一個個架疊起, 滿足食放題嘅癮。
先講湯底---沙參肉竹鯊魚骨湯:
湯底份量較少, 建議滾起時飲咗啖湯先, 胡椒味好突出, 辣辣地調出鮮味。然後自行加豬骨湯打邊爐。其實揀任何湯底, 所加嘅湯還是豬骨湯, 所以真正食到湯底嘅味道都係食第一round。
所有肉類都好新鮮, 色澤嫩紅, 日本黑毛: 油花遍均, 肉質軟嫩, 肉香同埋脂香並重, encore咗好幾round。
牛舌: 粉嫩薄切, 焯幾秒食, 口感爽。
香辣牛肉滑: 牛肉肉質好滑, 不過唔覺有辣。
所有肉均為薄切, 方便焯幾秒就食得, 符合食放題可以密密食。
牛柏葉好爽, 鱔片焯幾秒食, 皮仲係好爽, 有魚香味。
有坊間少有嘅特長蟹柳, 蝦肉質爽彈。
瀨尿牛丸多汁彈牙, 不得不讚呢度嘅手打滑同埋丸真係幾彈牙。
粟米清甜多汁, 竹笙盡索湯底精華。
任飲任食120分鐘, 最後果30分鐘前截單。甜品方面除咗有楊枝甘露乳酪, 另有杯裝雪糕。
张贴
