Oasis Bar & Grill (已結業)

同好友慶祝生日，第一次嚟呢間餐廳，估唔到有驚喜...除咗環境好舒適，採用鳥籠作主題之外，店員有服務．菜式嘅賣相同味道都好正。「芒果大蝦粟米片沙律」非一般傳統沙律，夾著脆脆嘅粟米片，口感同味道同芒果大蝦好夾「酥炸原隻軟殼蟹蟹肉蟹膏意大利飯」原隻軟殼蟹唔細隻，而且都幾多肉，啖啖蟹膏味，意大利飯軟硬度適中，味道唔錯。「炭烤西班牙栗飼豬鞍配時令蔬菜」厚切豬鞍肉質夠嫩，唔會好乾身，仲有蘆筍同焗薯作配菜，旁邊仲有焦糖蘋果蓉，甜甜地幾好味「經典水牛城雞翼」大大隻．熱辣辣．外皮沾滿醬汁，雞翼肉質夠Juicy「Tiramisu盆栽配特濃咖啡」最有驚喜係呢款盆栽造型嘅Tiramisu, 淋上濃郁嘅咖啡，令底層蛋糕吸盡咖啡面層好Creamy, 入口即溶嘅感覺「The Oasis」雀鳥造型，兩層色澤，融入好香甜嘅荔枝味「Pear Honey」杯好特別，充滿中國風，啖啖清香嘅味道，飲每一啖之前吃一口Pear, 喜歡水果同梨嘅味道必定要試「Peach Ice Tea」唔飲得酒精類嘅朋友揀咗呢杯，無論味道同賣相，確係唔錯嘅選擇。