367
5
0
港铁尖沙咀/尖东站 B1 出口, 步行约5分钟 继续阅读
电话号码
28879820
56635003
开饭介绍
餐厅环境宽敞,两边采用两款截然不同的装修,一边是灯光昏暗的酒吧格局,一边是纯白优雅,更有「鸟笼」座位,适合打卡。主打高级西式料理,亦提供各式鸡尾酒,适合相约朋友畅聚。 继续阅读
营业时间
今日营业
14:00 - 22:00
星期一至五
14:00 - 22:00
星期六至日
12:00 - 22:00
公众假期
12:00 - 22:00
公众假期前夕
14:00 - 22:00
付款方式
Visa Master AlipayHK 支付宝 现金 OpenRice Pay
其他资料
网上订座
Wi-Fi
深夜营业
酒精饮料
自带酒水
切蛋糕费
包厢
电话订座
赏订座积分
加一服务费
当面支付
有关奖赏计划
食记 (378)
疫情以嚟,外出用餐嘅次数唔多,而且大部分都系早午餐时间去咖啡店为主,甚少食下午茶或者晚饭。最近呢间喺诺士佛台嘅餐厅几hit,枕住都见到有人介绍,衬周年纪念日前後同另一半过嚟食个tea餐厅装潢有两种唔同风格,近门口位置嘅枱凳、布局系比较暗黑型格嘅bar。而里面系用完全相风嘅颜色,以白色为主调,加上植物布置,玻璃窗透入阳光,简洁明亮,比较适合打卡影相。呢度位置唔少,其实几张系梳化椅设计,三五知己食tea就啱哂;另外两张系好受欢迎嘅打卡枱,以鸟笼设计。如果想坐指定位置,我谂订位系基本,仲要试吓查询店员添啊;因为呢个区域都真系几多客人,尤其是周末。餐牌选择非常多,沙律、头盘、汤到主食、甜品有齐。主食有例如烧猪腩、意粉、意大利饭、扒类、烤鸡等,单点价钱同一般西餐厅差唔多。而我哋今次为tea set而来,餐厅都供应两款下午茶,一款系有咸甜点,另一款系全咸点,客人因应喜好挑选,做法有弹性,毕竟有啲朋友唔系太喜好甜点。下午茶定价$398/2位 (星期一至五),配咖啡/茶,可以加钱升级特饮,另收加一,人均大约230至250蚊啦,好合理(未到下午茶时间,估唔到都几旺场,所以真系记得记得要订位!值得一赞店员好有礼。)All Savoury Afternoon Tea $398/2Birdy Passion +$38Hot Fruit Tea +$38下午茶好快上枱,全咸点下午茶以层架上,摆盘都靓嘅,所以见到咁嘅阵容,都要相机食先啦 (枱枱都系咁㗎喇,哈)呢个下午茶有8款咸点同埋下午茶必备嘅英式松饼,咸点分别有:素牛肉汉堡、青瓜蛋沙律三文治、巴马火腿芦笋卷、无花果鹅肝酱多士 (当日转咗做薄烧牛肉面包卷)、迷你蟹饼配三文鱼籽、黑松露大啡菇法包、烟三文鱼慕丝饼乾同车厘茄大虾配牛油果酱。至於英式松饼就会跟埋果酱同忌廉芝士,基本上都好丰富。呢度始终系西餐厅、bar,本身都有供应咸食,所以呢个tea都有番咁上下质素,唔会差得去边,可以放心。各款咸点味道都唔错,几钟意青瓜蛋沙律三文治咁样刨薄片,就算好怕青瓜阵味嘅朋友都唔会抗拒另外用巴马火腿夹住芦笋卷都几有新鲜感,健康好味。所以我都几满意呢set下午茶,唔会千篇一律。店员好细心,提醒我哋松饼啱啱焗起,可以衬热食。呢个松饼个头不小,外层微脆,里头亦都唔乾冇粉感,夹埋cream cheese同jam,呢个质素我都收货喇!我哋升级咗特饮,水果茶唔会太甜,ok啦。呢杯热情果特饮好可爱,个杯系雀仔造型,我都系见个个都点,所以点嚟影吓相,嘻嘻。希望疫情尽快完结,大家可以快啲约吓朋友出吓街食饭啦 继续阅读
(以上食记乃用户个人意见 , 并不代表OpenRice之观点。)
等级4 2021-02-07
2495 浏览
🇭🇰Oasis Bar & Grill ·依家无得夜晚堂食真系好难约朋友见面🥺🥺我平时食tea都系锺意食咸点多啲 难得见到呢间既teaset有得全部要咸点我就约左朋友黎食 估唔到都几有惊喜🤩而且佢呢度既环境坐得好舒服 好适合坐低慢慢吹水😌·all savoury afternoon tea $428 for two·scones因为个staff话佢地个scones系啱啱焗好 所以我地就决定食左佢地先😈佢个scone真系热辣辣 一摆入口已经加分 佢个质感同味道都唔错 几有惊喜 不过唔知系咪因为佢太大旧 食到最尾有啲好似蛋糕咁🤣🤣·bottom layer因为佢所有都系咸点 所以我地都无话特别分食边啲先啦 就咁由底层开始😂😂佢个青瓜蛋沙律三文治几有惊喜 佢本身个蛋沙律整得几好食 而且个青瓜好够薄得黎清清地 唔错🥒之後佢个蟹饼都好真材实料 出面好脆 而且入面真系食到一疏疏蟹肉 我自己几锺意🦀️😍个烟三文鱼饼乾又系好唔错 佢个烟三文鱼咸度好适中 最後个beyond meat burger我自己就麻麻啲 因为我始终觉得呢啲素肉有一阵草味 我自己锺意真既beef patty多啲🤭🤭·top layer因为bottom layer全部都好好食 所以我地对呢层期望好高 但系我自己就觉得呢层啲嘢食调味重手左少少咁 无下层个啲咁出色🤣佢个parma ham实在太咸啦 所以好似覆盖晒芦笋个味咁🤔🤔之後个车厘茄大虾我个朋友话唔错既 个虾几好味 不过都系偏浓味少少🦐🙊之後个鹅肝酱多士反而唔错 口感唔错 而且唔会话太腥😌最後个黑松露大啡菇都唔错 甜甜得咁几好食 不过我自己觉得可以再juicy啲😈😈·peach iced tea $28佢呢个都几好饮 唔会话太甜 好夹个teaset 不过唔知系咪佢个果乾渍过既原因 佢有一个好特别既回甘 同平时饮开既有啲唔同🤣·#rbyeat#rby西餐#rby尖沙咀·📍尖沙咀诺士佛台1号8楼 继续阅读
(以上食记乃用户个人意见 , 并不代表OpenRice之观点。)
等级4 2021-02-04
1589 浏览
有酒吧街之称的诺士佛台一向是蒲精热点,以特色酒吧及餐厅闻名。见今日天气唔错,应友人邀约来到诺士佛台 1 号呢间楼上酒吧餐厅「Oasis Bar & Grill」食晏。餐厅嘅装潢很有心思,分为日与夜,以黑白色调分开两个格调截然不同的用餐区域。一边是灯光昏暗的型格酒吧,而另一端则以城市绿洲为主题,雪白的墙身拼配人造草皮天花,加上四周摆放了不少绿色植物和盆栽,风格清新简约,充满大自然气息,让人流连忘返。餐厅午市以套餐为主,主菜共有 6 款可供选择,另外亦有 Brunch Menu、小食、前菜、扒类等供应。我哋点左两个 3-Course Set Lunch ($138@)。是日餐汤为杂菜汤,汤身热辣辣,内有薯仔、蕃茄、青瓜、红萝卜、西芹、洋葱等,蔬菜没被煮烂,喝得出蔬菜的鲜味,清甜又足料。科布沙律用料亦非常丰富,有鸡蛋、粟米、车厘茄、青瓜及沙律菜等,色彩明亮缤粉,以橄榄油捞拌着吃,清爽又健康。小食选了柚子蜜糖鸡翼 同 白酒煮青口,鸡翼煎香後以韩式柚子蜜调成的酱汁煮至入味,食落酸咪开胃。青口肉质 Creamy,甘香又嫩滑,入口有海鲜味兼白酒香。主菜点了蕃茄大虾扁意粉 同 炭烧肉眼扒,意粉卖相好吸引,离远已经闻到阵阵酸香,红红嘅颜色,非常鲜艳!面头的虾只肉质挺鲜美,紮实弹牙,入口啖啖肉。意粉煮至软硬适中,口感非常爽滑,吸尽大虾的鲜香。炭烧肉眼扒 (+$48)  比预期大块,上桌时香味动人,肉质嫩滑又有牛味,加上脂肪比例均匀,不会吃到满嘴都是油花,配上特调嘅酱汁吃,味道一流。甜品点左提拉米苏配浓咖啡 (+$30),个 Tiramisu 同平时食开嘅有点不同,做得比较挺身,软芝士忌廉入口轻飘飘,丝滑轻盈,不甜不腻。把小杯内的浓咖啡淋上面,蛋糕嘅湿润度刚好,能吃到咖啡嘅甘涩和酒香。跟餐饮品可以拣咖啡或茶,如果想转柚子蜜、新鲜菠萝冰茶或橙汁,就要另 +$18。 继续阅读
(以上食记乃用户个人意见 , 并不代表OpenRice之观点。)
等级4 2021-01-28
1367 浏览
当同一间餐厅我可以去超过2次就代表我真系好锺意果间餐厅。【Oasis Bar & Grill】已经去第三次,因爲晚市无得堂食,所以今次系食lunch。同平时晚餐D野食好唔同,除左lunch set外,仲有brunch。今次就叫左4-course Lunch Set加甜品同All Day Breakfast 。4-course Lunch Set$168 (L): Lunch Set可以自由搭配1/3/4 course,我地两个人share 就叫左4-course,包括沙律、餐汤、小食同主菜。另外加左特饮同甜品。 科布沙律:主要以瓜类同其他蔬菜作搭配,里面仲有少少粟米同石榴籽点缀。无用沙律酱、用橄榄油有种清新清爽既感觉。同平时食开既沙律好唔同。菠菜薯仔汤:每日餐汤都唔同,而我果日去就系呢一款。菠菜味浓、加左薯仔好creamy,而且菠菜汤好特别,又唔会好咸好heavy。小食mozzarella stick:黎呢到几次都未食过佢地好出名既mozzarella stick,今次跟餐有就选择左。有4条超级多,而且新鲜热辣,里面仲要系拉丝既!芝士控一定超爱!主食 炭烧肉眼扒 + $48:肉眼扒肉厚又大份,而且炭烧味超级香。虽然叫5成熟、都好似熟左少少,不过肉都好软。配菜既薯仔都好香!All Day Breakfast: 呢一set有炒蛋、纽约堡肠、烟肉、番茄扒、茄汁豆、薯饼、炭烧菠萝、sourdough。炒蛋超级creamy,而且难得薯饼有两块。其他食物都中规中矩、最特别系有炭烧菠萝同sourdough!其他地方既All Day Breakfast 未食过!菠萝冰茶 + $18:超特别新鲜x风乾菠萝冻茶,茶有菠萝味、又唔系好甜,非常清新解渴!Tiramisu + Espresso + $30: FrozenTiramisu 芝士味重,而且搭配新鲜冲起既Espresso,非常香浓、口感特别,超完美既埋尾! 继续阅读
(以上食记乃用户个人意见 , 并不代表OpenRice之观点。)
等级4 2021-01-27
1045 浏览
位於尖沙咀的Oasis Bar & Grill,是一间以城市绿洲 Day & Night 为主题的西餐厅。店内有两种不同的装修风格,一边是型格的酒吧格局,一边则形造出大自然的舒适清爽感觉。绿洲设有数张摇篮椅,感觉有趣又浪漫,而且深受年轻人仕喜爱,在社交媒体上,常常看到客人的打卡照呢。 这天是星期六,最适合舒舒服服、优优闲闲吃份中午餐。而餐厅最近推出全新设计的假日菜单,正好可以试一试呀。餐单以包类为主,价格由$98至$138不等,不过不含饮料,需要另外单点呀。 全日早餐 $138 大大份全日早餐足够两人分享,包括: 炒滑蛋、纽伦堡肠、烟肉、扒蕃茄、茄汁焗豆、黄金薯饼、炭烧菠萝 和 酸种面包。纽伦堡肠咸香惹味,扒蕃茄汁水丰富,薯饼炸得金黄甘脆,非常好吃呢。滑蛋质感滑嫩,但略为过水,稠一点更好啦! 荷兰铁锅班戟 $98 向来爱吃班戟,荷兰班戟也不例外呀! 用铁锅制成的菜式,传来浓郁蛋香,把蛋黄刺破,流出浓稠蛋液。再淋上酸甜黑醋,令味道层次更丰富呀。 柚子牛油蜜糖鸡翼 $78/4只 被大量柚子酱包裹的鸡翼闪闪发亮,鸡翼炸浆厚薄均匀,即使淋下酱汁,也不减自身的香脆感,质素不错。不过柚子酱有点过甜,减一点糖就更好啦! 继续阅读
(以上食记乃用户个人意见 , 并不代表OpenRice之观点。)