影片
更多
2025-04-27
11 浏览
前幾日行過將軍澳中心見開咗間新嘅台式火鍋，都好想入去試下，但當時帶住狗狗就唔方便入去。剛好趁老公OT唔洗煮飯嘅時候，咁就當然帶埋大少去嚟個豐富任食火鍋晚餐啦！餐廳都好大，而且空間感都好足，所以整體上環境都好舒適我地叫左90分鐘任食澳洲200 日穀飼牛火煱餐，一個價錢已經包左牛肉、豬肉、羊肉、海鮮，蔬菜、小食、飲品、雪糕…..等等，最吸引就一定係可以免費任飲指定嘅自家品牌台式特色「一鼎茶」，都真係非常吸引。雖然有汽水、玄米綠茶、果汁、生啤等任飲，但我地就當然係叫返杯「一鼎茶」先，超強烈推介百香果三重奏，入面滿滿白香果籽、果肉同椰果，酸酸甜甜超解口渴。另外香水爆檸都一樣正，茶香味十足而且唔苦澀，好醒胃。湯底方面都有好多選擇，最後我就嚟左個QQ膠原豬王骨鍋，大少就嚟一個鳳梨蕃茄濃骨湯，兩個湯底都好夠味。火鍋配料嘅選擇都係非常之多，除左大部分肉類、海鮮、小食用QR Code 落單之外，丸類、蔬菜菇類、麵類及多款調味料就可以去自助吧拎，都真係好方便。肉類方面，基本上我地都主打依幾款，澳洲純和牛、澳洲200日純穀飼牛、丹麥梅花肉同埋澳洲冠軍草飼羊，所有肉質好新鮮，好有質素，而且每碟份量唔少，來來回
餐廳都好大，而且空間感都好足，所以整體上環境都好舒適
我地叫左90分鐘任食澳洲200 日穀飼牛火煱餐，一個價錢已經包左牛肉、豬肉、羊肉、海鮮，蔬菜、小食、飲品、雪糕…..等等，最吸引就一定係可以免費任飲指定嘅自家品牌台式特色「一鼎茶」，都真係非常吸引。
雖然有汽水、玄米綠茶、果汁、生啤等任飲，但我地就當然係叫返杯「一鼎茶」先，超強烈推介百香果三重奏，入面滿滿白香果籽、果肉同椰果，酸酸甜甜超解口渴。另外香水爆檸都一樣正，茶香味十足而且唔苦澀，好醒胃。
湯底方面都有好多選擇，最後我就嚟左個QQ膠原豬王骨鍋，大少就嚟一個鳳梨蕃茄濃骨湯，兩個湯底都好夠味。
火鍋配料嘅選擇都係非常之多，除左大部分肉類、海鮮、小食用QR Code 落單之外，丸類、蔬菜菇類、麵類及多款調味料就可以去自助吧拎，都真係好方便。
肉類方面，基本上我地都主打依幾款，澳洲純和牛、澳洲200日純穀飼牛、丹麥梅花肉同埋澳洲冠軍草飼羊，所有肉質好新鮮，好有質素，而且每碟份量唔少，來來回回我地都唔知叫左幾多碟，因為太好食啦。
餐廳最貼心嘅就係每碟肉類都標示清楚，而且仲有埋最佳涮肉時間，等我地可以好好控制時間，等肉類鮮味再提升。 海鮮方面就叫左 粒粒蟹籽花枝滑、大蜆、鮮蝦…樣樣都好新鮮，而最吸引我嘅係超級生蠔，粒粒都肥美無腥味， 唔怪之得係每日限量供應，好在當日我地食左六粒，依家諗起都真係回味無窮。
前菜小食都有廿幾款選擇，肉鬆皮蛋豆腐、麻辣魚皮、手作地瓜球、榴槤炸波波、古早鹽酥豆腐……個味道係唔錯呀。
食飽飽就當然到甜品時間，有香滑牛乳味同士多啤梨味嘅軟雪糕可以自己去唧，而且仲有幾配料選擇添。
张贴
