影片
更多
2022-09-02
474 浏览
拍拖紀念日老公話要帶我食好嘢，經過山林道去到一座新商廈，嚟到呢間樓上小店有種神秘感~店舖座位設計都係濶落舒適，装修簡約得嚟有 Cozy感覺！呢度嘅蠔係睇返新鮮返到嘅貨，所以唔會列人 MENU，想知有咩時令推介就認住呢塊版~老公原來一早已經睇中咗呢度嘅2人餐，就咁決定反正唔駛諗~不過每人2隻蠔又好似差 DD 咁，太多又怕食唔晒後邊啲嘢，所以我地每人另外點多隻過下癮就算～日本小室津蠔，相對外型較細，食落肉質爽實，伴隨甜味在後~ 爱爾蘭 Dooriel非常大隻，海水味較重，入口亦都係有爽脆感，比小室津更鮮甜!老公試咗法國Synonyme No.2，讚海水味及礦物味較重，啱晒重口味嘅佢!仲有一款我都唔記得喺邊度嚟，淨係記得一款比一款好味😂！呢度嘅蠔新鮮、肉厚又大隻，而且師傅開蠔開得好靚，超讚！二人餐有沙律菜有湯，主菜三選一我哋揀咗牛扒，另外跟一碗海鮮拉麵～見呢度食物質素唔錯，所以牛扒點咗5成熟，上枱果然剛好！我覺得呢度特別再在牛扒唔會勁重牛油味，而且無需配好多醬汁，基本上就係食牛肉嘅味道，已經好出色！而拉麵我原本以為係普通一大碗俾啲雜菜蟹柳就算，點知上枱個樣好靚喎，仲有隻大蝦，湯底勁香炸蒜味好
店舖座位設計都係濶落舒適，装修簡約得嚟有 Cozy感覺！
呢度嘅蠔係睇返新鮮返到嘅貨，所以唔會列人 MENU，想知有咩時令推介就認住呢塊版~
老公原來一早已經睇中咗呢度嘅2人餐，就咁決定反正唔駛諗~不過每人2隻蠔又好似差 DD 咁，太多又怕食唔晒後邊啲嘢，所以我地每人另外點多隻過下癮就算～日本小室津蠔，相對外型較細，食落肉質爽實，伴隨甜味在後~ 爱爾蘭 Dooriel非常大隻，海水味較重，入口亦都係有爽脆感，比小室津更鮮甜!老公試咗法國Synonyme No.2，讚海水味及礦物味較重，啱晒重口味嘅佢!仲有一款我都唔記得喺邊度嚟，淨係記得一款比一款好味😂！呢度嘅蠔新鮮、肉厚又大隻，而且師傅開蠔開得好靚，超讚！
二人餐有沙律菜有湯，主菜三選一我哋揀咗牛扒，另外跟一碗海鮮拉麵～見呢度食物質素唔錯，所以牛扒點咗5成熟，上枱果然剛好！我覺得呢度特別再在牛扒唔會勁重牛油味，而且無需配好多醬汁，基本上就係食牛肉嘅味道，已經好出色！
而拉麵我原本以為係普通一大碗俾啲雜菜蟹柳就算，點知上枱個樣好靚喎，仲有隻大蝦，湯底勁香炸蒜味好啱我～
總括嚟講呢度食物幾有驚喜，特別係生蠔，下次約埋蠔友來一齊再食過～
张贴
