邁爵斯 (福華街)

营业中

休息中

其實呢間鋪一直覺得唔錯，幾抵食，但今日發生左件事令我唔會再去。今日叫左個雞肉餅卷併沙律，上枱後發現有隻小小強由隻碟走左出來，立刻整死左佢，其實餐廳有小強我理解，比咁既價錢唔會要求太高。我已經唔想比太多其他客知，叫左店員過來，想換另一款(保險D), 4眼花shirt衫店員好似冇件事咁，唔好意思都冇句，仲話換另一款要去櫃面，咁就走左。好，拎碟野去櫃面，話換平d既餐冇得退差額。好，唯有換另一個貴d既餐，仲要我補錢，一D道歉既誠意都冇。我話要返舊餐既梳打水都話唔得，因為貴餐只配紅茶。我真係當堂呆左，所有野我都忍受，一個小小要求姐，都已經冇投訴，仲加左錢換餐，都唔可以要返支梳打水？？唔係下麻，其實我係咪應該一開始就打比食環先係正確呢？