更多
2017-02-01
3464 浏览
正门条楼梯非常窄，反而经停车场有lift直达大年初四大中华同米走鸡都未启市，唔知有无关，下午订位时室内位已坐满，要坐停车场。喺店后多层停车场内开咗3张大枱3张细枱。其实坐停车场可能比坐店内更好，因为店内比较窄好弹声好嘈，反而停车场极度阔落，半围墙超级通风舒服，非常有旧式街边大排档feel, 唯一缺点系光管灯灯光比较昏暗。首先要先赞一赞服务很好，员工好笑容同活力，有热诚，高级食府级数。流沙黄金虾，$168，一般黄金色个牛油虎咸蛋黄汁都系流质汁状，但呢度好特别整到似炸蒜碎粒粒嘅状态，食落会清爽啲无咁漏，大虾已去壳，食时好方便。部长建议加埋中间嘅沙律一齐食，一湿一干，一冻一热，一咸一甜，层次丰富。招牌避风塘炒蟹，$600。同席朋友系厨，佢话认得呢𠮶厨以前系喺铜锣湾桥底辣蟹后面街好出名嘅「辣蟹X」度做，所以出品有一定保证。蟹大只，肉厚雪白，新鲜鲜甜。炸蒜炸得惹味干身唔油腻，而且份量极多，送饭送面一流。可自选辣度。而且会送张优惠券送多只蟹for下次帮衬时用。鱼汤煮蚬，汤极度过咸，零鱼汤鲜味，只有芹菜味。小炒王，非常有镬气，微辣，虾干鱼干咸鲜美味，软硬度与其他食材也非常配合。唔叫返支啤油啤一啤真系
大年初四大中华同米走鸡都未启市，唔知有无关，下午订位时室内位已坐满，要坐停车场。
喺店后多层停车场内开咗3张大枱3张细枱。其实坐停车场可能比坐店内更好，因为店内比较窄好弹声好嘈，反而停车场极度阔落，半围墙超级通风舒服，非常有旧式街边大排档feel, 唯一缺点系光管灯灯光比较昏暗。
首先要先赞一赞服务很好，员工好笑容同活力，有热诚，高级食府级数。
流沙黄金虾，$168，一般黄金色个牛油虎咸蛋黄汁都系流质汁状，但呢度好特别整到似炸蒜碎粒粒嘅状态，食落会清爽啲无咁漏，大虾已去壳，食时好方便。部长建议加埋中间嘅沙律一齐食，一湿一干，一冻一热，一咸一甜，层次丰富。
招牌避风塘炒蟹，$600。同席朋友系厨，佢话认得呢𠮶厨以前系喺铜锣湾桥底辣蟹后面街好出名嘅「辣蟹X」度做，所以出品有一定保证。蟹大只，肉厚雪白，新鲜鲜甜。炸蒜炸得惹味干身唔油腻，而且份量极多，送饭送面一流。可自选辣度。而且会送张优惠券送多只蟹for下次帮衬时用。
鱼汤煮蚬，汤极度过咸，零鱼汤鲜味，只有芹菜味。
小炒王，非常有镬气，微辣，虾干鱼干咸鲜美味，软硬度与其他食材也非常配合。唔叫返支啤油啤一啤真系浪费咗佢。
炸九肚鱼，或许火力唔够，基本上系完全炸唔起夹唔起，碟底像油浸一般，不过鱼肉系滑身嘅。特别之处系佢个炸浆有浓郁蒜味。
辣酒煮螺，辣度都几高，螺都算大只，味浓有点四川麻辣feel。
蟹油炒面，不是太feel到蟹油，但系系一个好食嘅炒面，干身惹味，面非常幼身，用嚟伴炸蒜同店家自制咸香辣酱都一流。每人才$270，抵食！
张贴
