基地 (已結業)

我決定要為呢間店打我既第一篇openrice食評！因為實在太激氣！首先講講其實店舖環境佈置幾特別，充滿特色霓虹燈，但坐係燈附近其實都幾熱，因為都算貼近座位。食物方面味道屬正常水準，唔會難食，而且都有特色既菜式，例如煙燻油甘魚，適合打卡，不過食落就有微腥，其他都係正常野。！！！服務態度就完全唔合格！！！落完單好耐d野都未黎，問左店員4~5次，店員check都未check就答我地話「出緊嫁啦，等多陣。」......之後我地留意住店員有無跟進，見到佢地根本係無理到無check到，我地問左咁多次完全都無理過我地！！到最後要我地表現不滿先願意真正去check係咪漏單，點知真係漏左單，真係對呢間店非常之失望！！然後野都未食完就俾張單我地，感覺好似想我地快d埋左張單佢趕我地走咁......大佬你已經遲左俾野我地，真係勁無奈！最後想講既就係，我以後一定唔會再幫襯呢間店。