響 居酒屋 (已搬遷) 新店位置

呢間餐廳係公司附近，星期五跟同事一齊去食，見到咁多人等位以後好好食，叫左個lunch set 燒雞扒烏冬（包前菜、湯、甜品、熱飲）$68，午餐繁忙時段竟然人手極度不足夠，明明叫左烏冬變左飯，當然退貨啦，等左一陣先黎番個烏冬，雞扒又冇另外上，就咁擺係個烏冬上面，浸到腍晒，冇晒d 雞味，烏冬就尚算ok,但味道淡而冇味，清湯咁既味道，前菜同個湯等極都冇，催左幾次先話賣晒，甜品就係個奶凍，好重奶味又細杯，完全唔好食！到我地話埋單時見到人地張檯送黎前菜同湯，又話岩岩先有番，黎錯左個雞飯又計埋落張單度，勁唔老實既餐廳！以後都唔會再幫襯！勁差😤👎👎👎👎👎👎