太平館餐廳

营业中

休息中

差唔多10點先搵野食，經過太平館，諗起好耐無去過，望吓個餐牌，有宵夜餐食喎，仲有好多款揀，$92有一個小食，一個主菜同一杯嘢飲，價錢又唔算好貴，就決定食佢。上到去裝修依舊一樣，噤多年都無變過，連伙記都無乜變，係太平館食嘢，梗係要食佢出地出名嘅瑞士汁牛河同雞翼啦，先離咗個瑞士汁炒牛河，味道依然同以前一樣，比較甜口，我落單時講左要兜亂，所以個味道好均勻，條條河粉都有瑞士汁，唔好以為宵夜餐會少D料，牛肉都好多，好足料，雖然個份量比正餐少D, 不過食完都夠飽。瑞士汁雞翼，落單時講明要等耐D, 因為係即整，等咗15分鍾，終於有得食，雞翼係中翼同尖，唔算好大隻，不過就好夠味，而且D肉質都好滑，不過兩隻就好似有少少唔夠喉，想食多幾隻。餐茶叫咗熱檸茶，佢地嘅茶好香好有茶味，食完D噤濃味嘅嘢，飲返杯熱檸茶清一清個胃口，真係覺得特別好飲。