影片
更多
2024-08-12
1165 浏览
喺台北好出名嘅頂級日式燒肉店終於登陸香港，當然要去朝聖啦！雖然位置唔算好近地鐵站，但係晚餐時段依然full booking，要預約先有位置，果然係台灣超人氣過江龍。所以今次我地walk in就只係試左個午市lunch set。下次先喺OpenRice訂枱試埋dinner。餐廳店內以和洋式嘅裝修風格為主調 ，地方環境雖然唔似一般燒肉店咁大，但座位相距唔會太近，亦唔似其他燒肉店咁有濃濃嘅油煙味，食得好chill好舒適。前菜都好高質素午市有燒肉套餐和各式各樣嘅肉同丼飯可供選擇點餐之後我地就去醬料自助吧，揀選啱心水嘅醬料，包括有燒肉淡醬、柚子燒肉醬、路易奇用鹽、香蒜鹽、特製辣椒粉，聽店員講係專程由台灣送到嘅自家製調味料，所以我係五款都試晒嘅，因為真係同出面唔同嘅味，個味係細緻啲。前菜先有一個和牛刺身。呢款和牛刺身入口即融，肉質細嫩而且油脂豐富。就算唔點其他醬料已經好好食。至於燒肉方面我地試左醬漬封門柳同和牛牛小排。職員好細心咁教我地每款牛肉應該要燒幾耐。燒過嘅和牛比起刺身會多出一陣淡淡嘅油香，而且牛小排嘅脂紋幼細，炙燒之後肉汁被迫出且被完美地鎖住係牛肉之中，一口咬落去會肉汁橫飛。燒肉當然唔少得
喺台北好出名嘅頂級日式燒肉店終於登陸香港，當然要去朝聖啦！雖然位置唔算好近地鐵站，但係晚餐時段依然full booking，要預約先有位置，果然係台灣超人氣過江龍。所以今次我地walk in就只係試左個午市lunch set。下次先喺OpenRice訂枱試埋dinner。
餐廳店內以和洋式嘅裝修風格為主調 ，地方環境雖然唔似一般燒肉店咁大，但座位相距唔會太近，亦唔似其他燒肉店咁有濃濃嘅油煙味，食得好chill好舒適。
前菜都好高質素
午市有燒肉套餐和各式各樣嘅肉同丼飯可供選擇
點餐之後我地就去醬料自助吧，揀選啱心水嘅醬料，包括有燒肉淡醬、柚子燒肉醬、路易奇用鹽、香蒜鹽、特製辣椒粉，聽店員講係專程由台灣送到嘅自家製調味料，所以我係五款都試晒嘅，因為真係同出面唔同嘅味，個味係細緻啲。
前菜先有一個和牛刺身。呢款和牛刺身入口即融，肉質細嫩而且油脂豐富。就算唔點其他醬料已經好好食。
至於燒肉方面我地試左醬漬封門柳同和牛牛小排。職員好細心咁教我地每款牛肉應該要燒幾耐。燒過嘅和牛比起刺身會多出一陣淡淡嘅油香，而且牛小排嘅脂紋幼細，炙燒之後肉汁被迫出且被完美地鎖住係牛肉之中，一口咬落去會肉汁橫飛。
燒肉當然唔少得牛舌啦。牛舌厚切肉味極濃，燒過之後亦十分彈牙，配搭少少檸檬汁更加提升到牛舌嘅鮮味。
仲有必須大推嘅招牌真理丼。呢個丼飯有齊和牛他他、海膽、魚子醬同月見蛋黃，加埋黑松露撈埋一齊，非常豐富豪華嘅味道，每啖飯都濃郁到極致。
张贴
