岩浪天扶良日本料理 (已搬遷) 新店位置

今日嚟咗男朋友嚟岩浪食OMAKASE, 聽人講呢間好好食，所以特登嚟試下！坐低後先送上枝豆，鹹鹹地幾好食！開始我哋嘅晚餐，第一道菜淮山三文魚、栗子同白毛貝，淮山三文魚口感似蘿蔔，食落好MATCH；栗子甜；白毛貝爽口。冰菜配番茄、無花果同南蜜，味道甜甜地，冰菜生食又幾得意！魴鮄魚壽司，好香魚味～鰣魚壽司，刺身切得厚身，口感豐富～秋刀魚配薑花同炸蔥，秋刀魚輕輕用火槍燒過，真係好香！入口半溶化，配埋薑花唔會搶咗佢嘅風頭！赤貝配酸汁jelly，用酸汁做jelly都係第一次食，同赤貝幾夾但略嫌啫喱太多。野生TORO，好重魚味，筋會比較多～之後係北海道安康魚肝配柚子酸汁，呢個好好食！用蒸嘅方法，脂肪都變成橙色。口感好豐富，油脂都充滿晒成個口～到和食，係燒秋刀魚，燒得好香！主食係蒸魚，較滑，但係呢個比較似中菜嘅味道。天婦羅部分，腐皮釀蝦膠，蝦膠都幾彈牙。海鰻，粉漿夠薄，配上少少蘿蔔鹽好鮮～炸鮑魚，先蒸後炸，夠腍身，亦都好鮮甜！壽司環節，先嚟嘅係燒左口魚邊，睇住師傅整真係好治愈，好香呀，真係入口即溶！毛蟹配白昆布，蟹肉比例都好多～海膽杯配貝柱粒，啖啖都係海膽，大滿足～最後係岩浪手卷，餐廳招牌物，入面有