鮮味蒸滾鍋

营业中

休息中

朋友四月生日，趁天氣涼涼地，梗係打返個邊爐慶祝生日啦。打邊爐除咗個爐夠安全，最緊要啲食材夠新鮮，今次食鮮味蒸滾鍋就一定夠晒鮮，兼且附送專人服務幫手蒸海鮮，食物質素更加鮮美。位置屬於太子旺角交界嘅塘尾道，唔熟路嘅朋友用Google Maps帶路會好啲。餐廳食評可以用三個字概括：鮮、蒸、滾鮮，指新鮮海鮮，雖然係用人頭計算份量，但係絕對係高質。套餐指定每人送半隻龍蝦，每台一份海貝，外加其他任選海鮮，一樣斷人頭計。所有海鮮食得出係新鮮即劏，冇隔夜，彈牙多汁，特別推介一定要叫生蠔，熟嘅生蠔冇流失鮮味之餘，仲爆汁，所有人一致叫好。蒸，每台都有工作人員幫手處理要蒸嘅食物，時間set得啱啱好，等你可以坐定定食頹廢餐。滾，食完海鮮之後，就可以自選湯底打邊爐。除咗牛羊豬三款玉之外，其他食材例如遠慮、蔬菜、餃子就放喺自助吧，值得一提系，自助吧有提供有牛柏葉、鴨血、鵝腸，千祈唔好錯過。由於我哋係星期六晚食，總數係$368+$30週未 +10% 服務費。呢個價錢可以食到新鮮海鮮加火鍋，10分滿意。