影片
以上资料只供参考，请与餐厅确认详情
有关奖赏计划
近期在IG 一直见到有人介绍呢间海鲜蒸火㶽，又话不限时任食，所以就去帮趁下睇下佢咩料子！我地book左7:00，加埋倾下偈都成10:00先离开（听阿姐讲系一定要book位呀，如果你walk in入黎食，就要限时俾番个位其他有book 位既客，有book位既就确实系不限时）而家香港真系小有！蒸海鲜火㶽系一个套餐黎既，一定每人有龙虾半只，之后拣4款海鲜，再拣要既肉，之后就会系食火㶽任食，配料会系出面拎，有野饮雪糕任食，下面就系我地食既次序，侍应们都好好，全程帮我地蒸，同埋分菜俾我地。1）饮一个炖汤先2）饮炖汤时已蒸定一个蒸笼，里面有沙白，蝴蝶蚌，都唔马虎3）食龙虾4）顺序食我地拣既4款海鲜5）一粒蒸猪肉丸和一粒蒸虾丸6）蒸一碟虫草花滑鸡7）红枣糕8）精华就系系最底，所有海鲜既汤都系下面既南瓜排骨粥度其实食完上面个set都饱得7788，之后就会开始打边炉喇，事先你已拣左要咩肉，会上埋俾你，你就可以食呢几碟肉，和无限配菜！
继续阅读
起初这间食肆完全不起👁的，因有亲戚到港，姑且试试呢间火锅馆，一开始每位即送上炖汤，接著蒸一锅沙白，之后蒸煮🦞每人半只，跟著八款海鲜任选四款，计有: （鲍鱼，大蚝，龙趸件，象拔蚌，元贝，大海🦐，北寄贝和大蛏子），接著蒸鲜🐔，接著梅菜🐷肉丸，红枣糕，海鲜套餐我以为完咗，但随后又有多款汤底让你可继续打边炉，而食到像八个月身孕般，也都是每人约四佰三十左右，如你一早预订没有时间限制，所以你可以一食三小时也冇问题!至于服务态度非常殷切!👍👍🤤😋😋🤤
继续阅读
公司食饭～老细简既～之前听讲都话呢间野好好食架啦～可惜一直未有机会唔紧要啦～^_^今次可以试试佢啦～～呢到海鲜真系蒸得好好食～唔似出面蒸到过哂火～～真系多谢老细带我地食好野
继续阅读
是晚 海鲜是新鲜，蒸出来的味道 可以接受。但份量是 定食没有得添加。可以 加钱 再叫其他 但是妳火锅是做放题。我不太明白点会有人 会追加。(后来明白了)火锅放题 汤底选择咗 芫茜皮蛋 好多芫茜 汤底完全无味 好似冇落盐，自助火锅料 对放题来讲 可以话 是太太太普通了。猪 牛 羊 的质素 都是 比较普通 。 牛丸 鱼蛋 鱼皮饺 都是 便宜冰箱货 反而蔬菜睇落好新鲜 。试了 乌冬完全 出事。最后 都没有什么 选择 食了几盘菜便完了。蒸海鲜 还可以 ，火锅 可以 晤食。建议 店家 出一个 套餐 主力做蒸海鲜 。 现场好多蚊虫 飞来飞去 有嘢咬。 可能因为是做蒸气火锅 而且又系地毡 又有活鱼鱼缸。““记得带蚊怕水””
继续阅读
唔知大家之前有无食过同类蒸气锅，总是觉得同「🥘❤️」好相似，不过佢较优胜嘅地方系多了一个打边炉嘅食法，所以价钱亦相对地提高了一点，可以理解嘅，以佢嘅食材亦觉得比呢个价钱系值得嘅。当日我哋一行6人，因为预早已订位(记得一定要订位呀！)，所以是无限时任食，坐低后首先一位女职员来介绍佢哋今晚有新鲜竹蔗茅根精，亦有其他罐装饮品，之后就问我哋需唔需要先来一个刺身，老实不客气问她是否包埋㗎？她说不是，是需要另外叫，由于我哋是第一次来食，我哋未知佢哋嘅食物份量，所以我哋话不需要了！她亦好好招呼话唔叫都唔紧要，因为佢哋嘅食材好新鲜，所以问我哋要唔要。跟著叫我们选蒸锅的食材及打边炉嘅汤底，其实佢哋本身就已经包了：每人一炖汤，记住唔好食啲汤渣，食咗一阵食唔落之后嘅嘢食，因为个汤劲多汤渣。花甲鲜甜多汁，份量都足够。龙虾新鲜可口。之后就是8拣4嘅食材，佢嘅食材系会变嘅，所以未必每次一样本来是想选鲍鱼(因每枱只可以选4款相同嘅食材)，但由于我哋其中一位一食鲍鱼会胃痛，所以我哋只好选其他，最后我哋选了！扇贝、圣子、蚝、象牙蚌。我哋觉得扇贝、圣子同蚝(大只多汁)都选得好正确，象牙蚌相对就逊色了一点。食到呢个时候就会转打边炉，猪、牛、羊这些都是任叫嘅，虽然是任食牛，但质素都唔差，有牛香呢盘影出来好似卖相麻麻，但我哋之后再叫了一次牛，𠮶个卖相靓仔好多，似即叫即刨，猪就好似无乜味，羊就睇你钟唔钟意食有羊骚味嘅羊，在外围亦有一些火锅食材自选，我哋选了水鱿、金菇、牛拍叶、鹅肠、响铃、粟米，鲜冬菇...在一边打边炉嘅时间佢亦继续蒸其他食物，包括虾丸(弹牙)、猪肉球(好重肉味)及金针虫草花蒸鸡蒸到尾声时会蒸埋甜品红枣糕(啱我口味，唔太甜)就会在蒸锅𠮶边煮粥底，由于是用刚才所有食材所蒸出来的蒸气回流嘅水来煮，成锅粥都十分鲜甜。见佢嘅雪糕写住香港名牌，唔知系咪香港制造，味道都不错，而且亦有多款口味有奶茶、芒果、朱古力、豆腐、云呢拿...食埋雪糕就完满了今晚嘅晚餐，大家都饱到揽住个肚落楼。楼面小姐在我哋临走时叫我哋多啲来食，我其实食到中段时间已经约紧另一班朋友来食，其实我都挣扎咗一段时间，究竟写唔写今次食评好，因为惊食完今次之后佢生意火了自己会好难订位，因眼见佢哋嘅地方唔系太大，招呼都唔错，每个蒸嘅食物都由佢哋职员帮手控制时间，所以食到最合适嘅烹调时间，但我一向系食到好嘢一定要同大家分享，所以我都希望佢哋可以一路keep到呢个水准，提提大家如果星期五、六、日，公众假期及前夕会加收$30一位。题外话佢哋嘅地理位置应该唔系咁易揾，所以如果无去开𠮶头嘅朋友可能都需要啲时间揾一揾。
继续阅读