The Market

又去到The Market，今次已經係數唔到第幾次食呢間酒店嘅buffet啦 去到當然先食冷盤啦！冷盤好豐富喎，就算係午市都有大大隻長腳蟹同埋龍蝦鉗。刺身有六款選擇，三文魚係最好食，好多魚油 除咗冷盤，熱盤都有唔少選擇，而且仲好有質素。呢個都係The Market大勝其他buffet嘅原因。椰子雪耳雞湯入味香濃。海車雞飯雞滑飯香，連醬汁都係高水準。清湯腩好香，食得出係煲左好耐既湯底。而燒烤部既牛扒同羊架都係一流，比得上中高價西餐廳製作，唔只自助餐質素。果日狀態麻麻，最後只食了一round甜品！