喰楽

营业中

休息中

朋友話成日都嚟呢度食壽喜燒，鍾意到有時夜晚會自己嚟食，講到咁誇張，就跟佢嚟食一次。前菜第一啖已經覺得好食，牛筋腩同蘿蔔炆得好腍好入味，調味清清哋食到食材原味。 和牛可樂餅炸得酥脆，沙律菜新鮮，配蟹膏食到有啲感動。同朋友share一肥一瘦AB餐，最深印象係店員跟得好足，時間啱啱好，令每一塊牛都發揮到佢最好嘅味道。 霜降和牛一定係正，牛板腱同沙巴當睇落好肥但唔會成口油就完左，肉同油脂比例岩岩好。野菜拼盤我覺得都加咗唔少分，唔同部位會配唔同蔬菜組合，當中京蔥同冬菇尤其juicy清新，即使日本堂食都可能過火或者少少唔熟，呢度做得好好。赤身和牛上肩同後腿等部位牛味濃郁，肉質會實啲，當然都好味，但如果追求啖啖油香先似食緊和牛嘅話，起碼直接叫兩個B餐個滿足感會大啲，一肥一瘦就冇咁油膩。