黑門水產すいさん (棉登徑)

入到間餐廳勁有日本風格，而且一邊播着啲日本歌曲，成個氣氛非常之好。餐牌上嘅選擇都好多，而且餐廳亦都有其他當做嘅菜式！寫落去個黑板度，好有feel！首先我哋上咗飲品先，佢嘅梳打飲品味道中上，而且唔會好甜，呢個好值得加分！然後呢一個蟹蓋，真係食到舔舔脷！佢啲蟹膏非常之鮮甜而且配埋啲三文魚子食落去再配埋啲炸蒜，口感100分！如果有碗飯，真係可以就咁撈飯食！之後我哋仲嗌多咗二人前嘅刺身！刺身嘅種類有六款，個人認為佢嘅海膽好鮮甜，而且其他嘅刺身都好厚肉！為食嘅我哋兩個仲嗌左少少小食，包括呢一個發包上面包含蟹膏、蟹肉、三文魚魚子、蟹子、海膽、甜蝦、吞拿魚蓉嘅一款菜式！一口食，完全食唔晒！而佢嘅生蠔兩隻都大大隻，就嚟大過我隻手！佢上面仲有少少蔥花同豉油，除咗食到生蠔嘅鮮甜味之外，亦都有少少鹹鹹地嘅味道。