滄浪亭

营业中

休息中

同屋企人去開美孚行博物館，咁啱想食上海菜，記起十幾年前食過間幾好食。去到幾乎準備落場，好在肯做埋我哋一枱。氣氛好chill, 唔憂做。雖然細細間，但座位唔太逼。茶好飲，仲有得refill。嗌咗糖醋排骨，豬扒麵，水餃雲吞雙拼，豆漿。老實講唔係我食開嘅上海味，個麵冇乜彈性、排骨有啲鞋 口、糖醋又好濃味、水餃又唔太鮮。勝在個麵湯好濃郁惹味，豆漿好飲。最開心係伙記會同你吹兩嘴。呢個時代仲可以食到啲有人情味嘅餐廳，買少見少了。