天府人家

营业中

休息中

經常見到網上有人食天府人家既水煮魚，見同公司幾近就黎試下。 午市有川麵套餐、特色一人套餐同家鄉風味優惠。研究左好耐，見食評話午市既水煮魚不如晚市般選用桂花魚，又唔想食鯇魚/生魚，最後一行三人都揀左麵餐。前菜有麻辣雞塊、紅油豬耳片同香菜皮蛋豆腐。麻辣雞塊同紅油豬耳片都幾辣，麻辣雞塊切得好碎冇乜肉。個人覺得紅油豬耳片大大塊又爽口最好食，香菜皮蛋豆腐解下辣都唔錯。重慶金錢肚酸辣粉 ($75)金錢肚白烚放係面，有少少內臟臭味。 味道同葵涌廣場既重慶酸辣粉一樣，比平時食到既麻辣再辣少少，因為我都食得辣，食個時接受到，反而食完下晝開始喉嚨痛足成日。香酥排骨麵  ($75)炸排骨冇另上，所以脆皮已經淋哂，肥肉亦較多，最終食唔哂。紅燒牛肉麵  ($75)賣相最正常，味道不過不失。台台都圍住圓台食麵感覺幾好笑，整體感覺將貨就價，性價比低，冇下次。