鮨一 (厚福街)

营业中

休息中

朋友生日，揀咗呢間人氣居酒屋同佢慶祝，位於尖沙咀厚福街，店面唔算好大，但坐得都舒服，價錢合理，食物水準平均餐牌都有好多選擇，小食、沙律、刺身、壽司、串燒……我地試咗幾款必食嘅-鮨一沙律呢個以魚生做底，加入蟹籽，蕃茄同沙律菜，入口清新，食落爽脆又有口感-特上錦繡刺身呢個刺身拼盤有八款刺身，上枱嘅賣相已經好吸引，每一款都好新鮮，仲要係厚切，最鍾意帶子大大粒，入口超有口感，又夠鮮甜，另外馬糞海膽又好正，味道濃郁又甘甜，仲有鮑魚好有質感，夠爽口又彈牙-什錦天婦羅有三隻大大隻嘅炸蝦，番薯、青椒、矮瓜同南瓜，全部夠熱又夠脆，好食跟住仲有三串串燒，和牛粒串，煙肉帶子卷串同豚肉露筍卷，三款都唔錯，鍾意煙肉帶子卷，入口有雙重口感，而兩者嘅味道又幾夾到拎蛋糕出嚟嘅時候，現場氣氛超好，其他客人重一齊唱生日歌，個friend 好開心又滿意，唔錯唔錯，呢間可以encore