Wagyu Ya (已結業)

好朋友生日，作為美食搜尋器嘅我當然要肩負起搵食呢個重任，左揀右揀最後決嚟呢間喺網上有唔少人推介嘅新餐廳，主打日式料理同燒肉。餐廳用嘅係電烤爐，而且每個都獨位配置抽油煙機，唔怕食到成身燒烤味。點菜後店員先為我哋送上燒肉用嘅醬料，分別有喜馬拉雅鹽、牛肉汁同洋蔥汁。燒肉方面我哋揀咗大熱嘅肉食者拼盤，有牛舌、西冷、肉眼同三角腩各三片，加上日本粟米同菠蘿，份量都唔少。上菜後店員為我哋簡單介紹燒肉嘅先後次序，首先由油脂較少嘅牛舌開始，然後係西冷同肉眼，最後係油脂最豐富嘅三角腩。牛舌厚度適中，齊合擺喺爐中央，燒到邊位微微焦香，牛香四溢，入口爽脆彈牙而且唔韌。西冷油脂分佈均勻，牛味好香濃，肉味同油香非常平衡，恰到好處。肉眼嘅油脂相對較多，入口肉質亦較幼滑多汁，齒頰留香。三角腩係牛前腿對上嘅腩位，每隻牛只能夠取出好少份量，所以零舍矜貴。三角腩油脂含量好高，呈粉紅色，有少少似大拖，秀色可餐！由於油脂含量高，燒嘅時候要小心啲，好容易搶火，比較適合放喺爐邊慢燒，個人比較喜歡香口嘅口感，所以先放喺爐中央略燒一下，再轉到外圍慢燒。三角腩果然名不虛傳，口感細膩軟嫩，近乎入口即溶，油香醉人，與此同時牛味亦唔輸蝕，質素