影片
更多
2023-09-20
16 浏览
呢間喺九如坊嘅杣，行到門口就已經覺得好有氣派！一入門口，比人一種簡潔又亮麗嘅感覺！我哋嗌咗「夕食」嘅Set，由頭到尾都係廚師發辦！一開始係前菜：小盤子上嘅係用咗土佐醋啫喱浸住嘅日本蕃茄，再加上松葉蟹腳、南北大鮑魚同北海道海膽，最後再用紫蘇花點綴。呢個組合帶出食材嘅鮮味，同時調味較酸醒醒胃，而蟹腳、鮑魚同海膽喺之後嘅菜式都會常常出現，呢味就係一個前奏。然後另一款係胡麻豆腐，上面鋪上松葉蟹腳，再配三文魚籽同兩塊燒柿。呢道菜口感一流，胡麻豆腐麻香味重，而大量嘅蟹腳就增加咬勁，同時又用咗魚籽同杮添加咗唔同嘅味道色彩，作為前菜十分稱職，又好好食！去到刺身部分：今日食嘅係被稱為夢幻魚嘅九繪魚！調味方面係用咗醋汁，仲有啲辣椒蘿蔔蓉上面再加芽蔥同紫蘇花呢款魚之前真係未試過，白身魚入面佢味道都算幾濃，帶有一啲油脂香，但又唔會over，加埋少少酸同辣嘅調味，就更令人難忘。跟住係季節の燒物：個人真係十分喜歡呢到嘅燒物，所有燒物都做得好出色！我哋食嘅係磯燒伊勢龍蝦，用蘭王蛋豉油調味。首先隻龍蝦已經係勁大隻，可以疊到一個肉球咁，再加埋勁香嘅蛋味，啖啖肉食入口令人滿足，而龍蝦新鮮得嚟又有啲咬口，可以慢慢咀嚼，燒到
一入門口，比人一種簡潔又亮麗嘅感覺！
我哋嗌咗「夕食」嘅Set，由頭到尾都係廚師發辦！
一開始係前菜：
小盤子上嘅係用咗土佐醋啫喱浸住嘅日本蕃茄，
再加上松葉蟹腳、南北大鮑魚同北海道海膽，
最後再用紫蘇花點綴。
呢個組合帶出食材嘅鮮味，同時調味較酸醒醒胃，
而蟹腳、鮑魚同海膽喺之後嘅菜式都會常常出現，呢味就係一個前奏。
然後另一款係胡麻豆腐，上面鋪上松葉蟹腳，
再配三文魚籽同兩塊燒柿。
呢道菜口感一流，胡麻豆腐麻香味重，
而大量嘅蟹腳就增加咬勁，同時又用咗魚籽同杮添加咗唔同嘅味道色彩，
作為前菜十分稱職，又好好食！
去到刺身部分：
今日食嘅係被稱為夢幻魚嘅九繪魚！
調味方面係用咗醋汁，仲有啲辣椒蘿蔔蓉
上面再加芽蔥同紫蘇花
呢款魚之前真係未試過，白身魚入面佢味道都算幾濃，
帶有一啲油脂香，但又唔會over，加埋少少酸同辣嘅調味，就更令人難忘。
跟住係季節の燒物：
個人真係十分喜歡呢到嘅燒物，所有燒物都做得好出色！
我哋食嘅係磯燒伊勢龍蝦，
用蘭王蛋豉油調味。
首先隻龍蝦已經係勁大隻，可以疊到一個肉球咁，
再加埋勁香嘅蛋味，啖啖肉食入口令人滿足，
而龍蝦新鮮得嚟又有啲咬口，可以慢慢咀嚼，燒到少少脆嘅邊又令龍蝦更具質感，十分推薦！
間場有一味西京麵豉意粉配鮑魚肝醬，
無諗過呢度做嘅熟食又幾出色！
呢款意粉係配咗唐辛子，即係青椒仔，
食落辣辣哋都幾有趣，
而意粉上有兩大片鮑魚，又加上舞茸菇、三文魚籽等等
味道好均衡，又帶有鹹香，
而鮑魚肝醬亦都十分出色，有少少似蝦醬嘅味道，
可以令食材更加鮮香。
去到油物部分：
係松葉蟹海膽大葉春卷
配日本南瓜同青椒仔！
首先係好欣賞佢用咗昆布豉油汁調味，
因為脆皮十分透薄嘅關係，加上豉油汁就會令佢嘅質地介乎脆同軟稔之間，
食落唔覺得油膩之餘，仲更帶出到食材嘅風味。
而春卷中嘅蟹肉係有極多嘅，青椒仔嘅辣同南瓜嘅綿滑各有千秋，
成碟炸物都做到頂級水準！
跟住係蒸物：
呢款係昆布湯蒸物，入面有金目鯛、茄子、牛蒡同甘筍
個人近排好鍾意食鯛魚，而金目鯛當然就係最好食架啦，
加上蒸過嘅金目鯛口感較為厚實，魚味突出，極度鮮甜，
而其他配菜各司其職，茄子增添風味、牛蒡有口感、甘荀潤色，
呢個蒸物真係色香味俱全！
另一款間場菜式就係漬物：
呢度有木魚花蒜頭、紅酒漬洋蔥芯同Wasabi淮山，
第二碟就有日本大頭菜！
蒜頭醃得好出色，蒜味突出！洋蔥芯就極度爽脆，食落十分過癮。
而淮山有淡淡嘅Wasabi味道，好適合過一過場，
而大頭菜就較為厚實。
跟住就去到最期待嘅手握壽司7貫：
今日用嘅係赤醋米，細細塊，旨在為壽司增添特別嘅風味！
第一貫係白魷魚（玄界灘福岡）：
呢塊應該係我人生食過最正嘅魷魚！
膠質豐富不在話下，而且佢係極有層次，唔會一咬就散，果然係頂級！
第二貫係炙燒伊豆下田（靜岡）金目鯛：
金目鯛本身未必好重味，燒過條邊就更帶出到佢嘅甘甜，
亦帶有少少嘅燒香，令佢嘅風味更加複雜。
第三貫係北海道喜知次：
呢款魚出名極多油脂，果然名不虛傳，
魚肉經過炙燒，令魚油更加豐富，味道更係濃郁。
第四貫係牡丹蝦刺身壽司：
我會選呢款係今日VIP，牡丹蝦真極度大條！
一入口全部都係蝦，咬極都有，而且係頂級鮮甜，真係一試難忘！
第五貫係池魚：
師傅用咗薑蓉調味，可以食到厚厚嘅魚身，
同時會有一種滑溜嘅口感，油脂味都豐富！
第六貫係炙燒赤目魚：
呢款魚係比較多汁，亦食佢嘅香甜味道，
而燒過就令佢更添上少少嘅焦香，一入口即溶，係好特別嘅一款。
第七貫係吞拿魚：
吞拿魚係圈養的，比野生魚味道稍淡，勝在魚味平均可控，
而師傅用咗紫蘇葉碎調味，突出酸甜香氣，十分滋味
最後係一客海苔牡丹蝦白海膽烏魚子
一望上去就見到白海膽真係有超多！有海膽之餘，
最誇張嘅係海膽下係巨量牡丹蝦蓉，面頭加再上烏魚子。
師傅叫我哋要快啲食，於是就一啖放咗入口，
海膽一嘢係口腔入面爆發，成個感覺真係不要太幸福！
又有一客間場嘅江戶前玉子，
係用蝦漿同蛋煮成，口感好綿滑細膩！
最後有一客湯物：
係白麵豉湯，用嘅係唔到魚鮫熬成，
上枱時熱辣辣，用咗啲香蔥吊味，魚香逼人，為整餐落咗個美好又踏實嘅總結。
而甜品就係：
北海道赤肉蜜瓜、日本忌廉芝士奶凍配蘭王燉蛋
呢個甜品淨係擺盤同用料已經無得輸！
赤肉蜜瓜鮮甜多汁，但又唔係死甜，果種甜香真係日本生果先有。
奶凍有好濃重嘅忌廉芝士味，鹹鹹哋，加上入面酸甜嘅美柑，味道就更得意。
而燉蛋係我最鍾意嘅，蛋黃味十分濃！加上面頭嘅焦糖脆皮，令人食指大動！
無諗過呢個Set可以豐富到咁，
真係一餐好完美嘅廚師發辦盛宴！
张贴
