影片
更多
2016-06-05
5113 浏览
大日子梗系要食返餐好架啦，通常同同事食完飯閒聊，好容易就會講去邊度邊度食野甘樣，系同事極力推介之下，我唯有把信心押到這Amina Modern European餐廳吧。呢間餐廳系尖沙咀金馬倫道，但係大廈隔近係冇招牌的，上得黎既要不是係熟客，就應該係一早做過功課。冇華麗既裝修，但有優質既服務，起初都只係半信半疑，但慢慢就覺得裝修只係表面，內涵卻勝於一切。雖然見到生蠔好似好新鮮甘，一排排甘放曬係度，但今日我地點左10道菜晚餐，應該都唔會食得落吧。呢度連水都高級過人，Sparking Water都係採用訂製的，加冰同埋加左兩片青檸，酸酸澀澀，好飲過普通既蘇打水，甘當然飲唔慣既人都係未必鍾意的。餐包配牛油蒜蓉醬及南瓜蓉醬，提子餐包本身味道較濃，配比較淡既牛油蒜蓉醬相對適合；而牛油餐包可配味道較濃既南瓜蓉醬，兩款醬都好幼滑而且唔膩。巴馬火腿配哈蜜瓜基本上係絕配，亦係每間高級餐廳必備既頭盤小食。火腿既鹹香同哈蜜瓜既清甜非常夾，火腿鹹得黎幾有層次，所謂既鹹香殊不簡單，當你望到門口果隻巨型火腿，自然會投以信心一票。當你以為中間果粒係帶子既時候，如果佢係一粒辣椒果凍，但其實冇咩味，但配虎蝦一齊食又幾有口
呢間餐廳系尖沙咀金馬倫道，但係大廈隔近係冇招牌的，上得黎既要不是係熟客，就應該係一早做過功課。冇華麗既裝修，但有優質既服務，起初都只係半信半疑，但慢慢就覺得裝修只係表面，內涵卻勝於一切。
雖然見到生蠔好似好新鮮甘，一排排甘放曬係度，但今日我地點左10道菜晚餐，應該都唔會食得落吧。
呢度連水都高級過人，Sparking Water都係採用訂製的，加冰同埋加左兩片青檸，酸酸澀澀，好飲過普通既蘇打水，甘當然飲唔慣既人都係未必鍾意的。
餐包配牛油蒜蓉醬及南瓜蓉醬，提子餐包本身味道較濃，配比較淡既牛油蒜蓉醬相對適合；而牛油餐包可配味道較濃既南瓜蓉醬，兩款醬都好幼滑而且唔膩。
巴馬火腿配哈蜜瓜基本上係絕配，亦係每間高級餐廳必備既頭盤小食。火腿既鹹香同哈蜜瓜既清甜非常夾，火腿鹹得黎幾有層次，所謂既鹹香殊不簡單，當你望到門口果隻巨型火腿，自然會投以信心一票。
當你以為中間果粒係帶子既時候，如果佢係一粒辣椒果凍，但其實冇咩味，但配虎蝦一齊食又幾有口感，虎蝦本身爽彈，而果凍卻帶黎清甜既質感。
美國穀飼牛肉他他非常優質，牛肉味香但毫無紅腥感覺，相信係要高級既穀飼牛肉先做到呢隻感覺，碟邊既黑醋仲可令牛肉味更鮮更甜。白色既係水牛芝士，夾住一齊食層次仲更加豐富，幾好食啊!
高級野有時真係睇唔明，如果唔係望住餐牌，又點會知呢碟係蕃茄凍湯配法國春雞肉同mousee呢。建議先將材料攪拌一下先食用，有蕃茄既鮮甜，亦品嚐到mousee既甜味，再者如配合埋春雞肉一齊食，只能夠講出高級二字!
千萬唔好以為龍蝦忌廉濃湯只係例湯款式，我敢講，此湯絕對係獨當一面。將大量新鮮龍蝦炒香煮湯先能煲出如此鮮香既龍蝦濃湯，味道有極香濃既龍蝦鮮味，除左味鮮，飲落亦毫無油膩感，再放點黑胡椒碎，鮮味全都釋放出來。
呢個係香煎法國鵝肝配士多啤梨酥同天使麵，鵝肝味道濃厚而滑嫩，有著入口即溶既感覺，而士多啤梨酥脆而香甜，同鵝肝既滑嫩互補不足，好好食。
慢煮西班牙黑毛豬柳配微辣炒法國羊肚菌，唔知羊肚菌係咩? 唔緊要，我都唔識，其實加左啲黑椒調味，就好似升級版既什菌甘，不過更香更有口感。黑毛豬柳肉嫩而富肉汁，與別不同。
番石榴雪芭主要用作清清口中油膩感，迎接我們的主菜，對，主菜還未來。不過番石榴其實都幾特別，好少會食到呢款味道，非常有果香之餘，冰冰凍凍甘，真係唔錯，特別是在這炎夏。
阿拉斯加蟹肉配芝士意大利雲吞, 溫泉蛋伴蛋黃醬，食之前店員建議我先將溫泉蛋刺穿，等蛋汁與蟹肉及芝士雲吞混合再一起食用，享受多種層次既味道。蟹肉既鮮香無被芝士同蛋香遮蓋，反而各有各既鮮香，配合起黎又真係幾香，唔覺唔覺就好快食曬
雖然餐廳既花茶應該係佢地引以為敖之作，款式之多令我決定不了，所以我都係還回基本步，點左杯咖啡。咖啡非常非常香濃，濃郁而不澀，而且毫無半點酸味，咖啡香一流，喝咖啡不該放糖，怕苦的不妨食一口蝴蝶酥。
作為結尾，法國焦糖燉蛋配雲呢拿雪糕來得正好，岩岩飲完咖啡個口有小小苦澀之際，呢啲甜點正好令我甜入心。法國焦糖燉蛋香滑味濃，表面既焦糖香脆，內裡既燉蛋幼滑，而且焦糖令燉蛋多左一份甜美既味道，真係不能缺少。
张贴
