影片
更多
2020-03-05
62 浏览
好耐無出街，今晚忍唔住要約班friend去尖沙咀行下食好嘢！聽講尖沙咀有間新開嘅日本燒肉店，菜式好好味！主打日本和牛燒肉，日本鹿兒島直送和牛好正吖！最啱鐘意食肉嘅我啦！🤩店鋪唔會好難搵，尖沙咀/尖東站B2出口行四分鐘左右就可以搵到啦！門面好有日本feel！入到去店員好熱情呀！😄第一時間帶我哋入位，我哋揀咗吧檯位，可以睇住師傅整嘢食。入座後店員先上熱茶，茶係玄米綠茶，味道香濃！店員仲好貼心先比我哋消毒搓手液消毒雙手！真係讚讚讚！！👍🏻👍🏻👍🏻 輕牛沙律首先上沙律，擺盤好精緻，牛肉係西冷，肉質厚實牛肉味好香濃，搭配三文魚子，煙韌嘅西冷配合脆卜卜嘅三文魚子，真係好新奇嘅口感！三文魚子喺口入邊爆開，一啲都唔腥，口腔充滿三文魚子同西冷牛肉嘅芳香！搭配清新沙律菜同青瓜，平衡咗油膩感，成個味道層次升華咗！🤗 鵝肝和牛丼呢碗鵝肝和牛丼真係超級正！！和牛好好味！完全唔覺得柴或者太韌嚼唔到，和牛味好濃郁！最驚喜嘅係有鵝肝！鵝肝同和牛嘅搭配真係好match！一啲都唔油膩，搭配秘製甜醬汁以及每一粒都好飽滿軟糯嘅飯，我可以食多幾碗吖！🤤海膽A5和牛三文治呢個真係令我搞到太驚喜啦！烘得好香脆嘅多士，配上仔脆里嫩
店鋪唔會好難搵，尖沙咀/尖東站B2出口行四分鐘左右就可以搵到啦！門面好有日本feel！入到去店員好熱情呀！😄第一時間帶我哋入位，我哋揀咗吧檯位，可以睇住師傅整嘢食。入座後店員先上熱茶，茶係玄米綠茶，味道香濃！店員仲好貼心先比我哋消毒搓手液消毒雙手！真係讚讚讚！！👍🏻👍🏻👍🏻
輕牛沙律
首先上沙律，擺盤好精緻，牛肉係西冷，肉質厚實牛肉味好香濃，搭配三文魚子，煙韌嘅西冷配合脆卜卜嘅三文魚子，真係好新奇嘅口感！三文魚子喺口入邊爆開，一啲都唔腥，口腔充滿三文魚子同西冷牛肉嘅芳香！搭配清新沙律菜同青瓜，平衡咗油膩感，成個味道層次升華咗！🤗
鵝肝和牛丼
呢碗鵝肝和牛丼真係超級正！！和牛好好味！完全唔覺得柴或者太韌嚼唔到，和牛味好濃郁！最驚喜嘅係有鵝肝！鵝肝同和牛嘅搭配真係好match！一啲都唔油膩，搭配秘製甜醬汁以及每一粒都好飽滿軟糯嘅飯，我可以食多幾碗吖！🤤
海膽A5和牛三文治
呢個真係令我搞到太驚喜啦！烘得好香脆嘅多士，配上仔脆里嫩嘅吉列和牛，吉列和牛入邊肉質柔軟粉嫩，多士仲有香濃牛油味。值得一提嘅係，吉列和牛上面有好足料嘅海膽！海膽非常新鮮！仲有金箔！！食落又香脆又嫩滑，仲有海膽嘅鮮味！真係令人難以抗拒！非常值得一試！！😝
Wagyu Ya食肉獸拼盤
重頭戲嚟啦！！！！作為食肉獸嘅我見到呢碟食肉獸拼盤真係會爆發「獸性」！拼盤有四款肉，每款肉有四塊，分別係三款A4牛肉——厚切牛舌、和牛牛肩脊、和牛西冷，一款A5和牛——和牛肉眼。🥩
牛舌油脂豐富，肉質爽嫩多汁。
牛肩脊同樣油脂豐富，入口嫩滑充滿牛味！
西冷肉質煙韌有彈性，肉味勁濃！
肉眼油脂分佈平均，肉質幼滑，而且非常多汁。
燒肉之前老闆娘仲親自送上三款醬汁，分別係岩鹽、醋汁、燒汁，醬汁可以解膩之餘仲可以增添唔同嘅風味，令到每一次嘗試牛肉都可以體驗到驚喜！😋
呢一餐真係超級滿足！唔洗去日本都可以體驗到日本鹿兒島和牛真係太正啦！下次我都會再嚟嘗試唔同菜式！🤗
6 浏览
0 赞好
0 留言
2 浏览
0 赞好
0 留言
6 浏览
0 赞好
0 留言
10 浏览
0 赞好
0 留言
4 浏览
0 赞好
0 留言
4 浏览
0 赞好
0 留言
4 浏览
0 赞好
0 留言
4 浏览
0 赞好
0 留言
6 浏览
0 赞好
0 留言
23 浏览
0 赞好
0 留言
张贴
