影片
更多
2025-05-13
74 浏览
最近發現喺油麻地一間居酒屋試業中，”焚”，咁啱得閒就即刻去試吓！原來呢間新開嘅油麻地居酒屋，唔單止主打串燒同燒物等，仲有做好多所謂”飛機貨”，即係日本直送嘅食材。先嚟啲前菜，包括蘿蔔皮同日本海蜇。兩樣都好Refreshing之餘，酸道亦夠。蜜柑鯛(飛機貨)食蜜瓜嘅愛媛縣名菜，一落機即做，食落淡雅清甜，完全唔需要點豉油食。麻醬菠菜嚟嗰陣仲以為係秋葵(!?)，菠菜夠凍，撈埋麻醬相當開胃。鱈魚乾熱辣辣新鮮可口又夠脆，襯落啤酒度，滋味無窮。慢煮鵝肝唔好睇小呢個凍食菜式，鵝肝好明顯有足夠嘅調味，經過慢煮連同凍蘿蔔一齊食，有別一番嘅日式風味。自家製餃子用上恰當比例嘅椰菜同韭菜自家包成，質素之高，連唔識韭菜嘅我，都覺得好食。伊比利亞豬肋條 其中一樣最好食嘅串燒，呢個來自西班牙定豬肋條，係食橡果，所以會有果香味，而且較濃味。雞胸脆骨骨肉相間嘅雞胸脆骨，有炭燒香調味亦夠。雞肝以汁燒為本嘅內臟菜式，食落嘅內臟味唔算濃，不過質感都幾滑。汁燒腦天就係吞拿魚頭嘅肉，呢度嘅汁燒做得好入味。A4香草和牛有得影有得食，仲要唔貴嘅菜式。店員會喺和牛上邊點火，相當壯觀。食落去好香口，加鹽已經好足夠。煙燻芝士呢度相當特別嘅
原來呢間新開嘅油麻地居酒屋，唔單止主打串燒同燒物等，仲有做好多所謂”飛機貨”，即係日本直送嘅食材。
先嚟啲前菜，包括蘿蔔皮同日本海蜇。兩樣都好Refreshing之餘，酸道亦夠。
蜜柑鯛(飛機貨)
食蜜瓜嘅愛媛縣名菜，一落機即做，食落淡雅清甜，完全唔需要點豉油食。
麻醬菠菜
嚟嗰陣仲以為係秋葵(!?)，菠菜夠凍，撈埋麻醬相當開胃。
鱈魚乾
熱辣辣新鮮可口又夠脆，襯落啤酒度，滋味無窮。
慢煮鵝肝
唔好睇小呢個凍食菜式，鵝肝好明顯有足夠嘅調味，經過慢煮連同凍蘿蔔一齊食，有別一番嘅日式風味。
自家製餃子
用上恰當比例嘅椰菜同韭菜自家包成，質素之高，連唔識韭菜嘅我，都覺得好食。
伊比利亞豬肋條
其中一樣最好食嘅串燒，呢個來自西班牙定豬肋條，係食橡果，所以會有果香味，而且較濃味。
雞胸脆骨
骨肉相間嘅雞胸脆骨，有炭燒香調味亦夠。
雞肝
以汁燒為本嘅內臟菜式，食落嘅內臟味唔算濃，不過質感都幾滑。
汁燒腦天
就係吞拿魚頭嘅肉，呢度嘅汁燒做得好入味。
A4香草和牛
有得影有得食，仲要唔貴嘅菜式。店員會喺和牛上邊點火，相當壯觀。食落去好香口，加鹽已經好足夠。
煙燻芝士
呢度相當特別嘅菜式。芝士係經過店舖煙燻過嘅，其他地方好少有得食嘅菜式。
新鮮墨魚壽司
墨魚係即場切，新鮮無比。壽司用上赤醋飯，本身已經有店內自己研製嘅Wasabi，質素之高，同連鎖店嘅墨魚相差太遠。
新鮮羊架
聽店員講，呢個係舖頭家族自己喺沙頭角飼養嘅羊，食落去似豬肉/牛肉，好鮮嫩，而冇咁似羊肉，亦冇臊味，相當特別。
燒雞翼
唔好睇小呢個燒雞翼，佢嘅鹽分調味足夠，啱啱燒起，一定好食。
串燒牛舌芯
就係最高檔嘅牛舌心啦，部位上，質感最好咬，味道最優良，呢個唔需要多描述了。
雞皮串燒
如同薯片般嘅菜式，基本上冇脂肪，非常香脆。
清酒煮蜆
表面上普通？實際上係今晚最大驚喜之一。蜆肉非常大，湯非常鮮甜。據主廚講，要捕捉到蜆肉吐嘅水，加上真木魚水同清酒煮成。
漬物
墨魚眼睛及下顎軟骨，加上三星漬，醬汁能帶起海鮮嘅鮮味。
蘋果豬肉串
用上日本日向美豬，連同蘋果造成嘅串燒。豬肉香口爽脆好味，但蘋果嘅功用亦都不能忽略！
汁燒羊肝
咩係羊肝？我都係第一次試，食落好似豬肝咁，個醬汁嘅味道相當重要。
黑啤
呢度有黑白生啤同Asahi果酒，我哋黑白酒都有飲。
呢度有日式居酒屋嘅環境，同時有酒吧部分。想要點食點飲，呢度真係一應俱全。
张贴
