辰 (已結業)

香港都有唔少日本壽司/Omasake店鋪. 而呢間新開張位於尖沙嘴嘅Omasake店 - 辰Tatsu絕對值得一提! Omasake午市一位不過$388/$588, 價錢係附近高級Omasake店嘅1/3,CP值頗高,而食材一樣keep到新鮮👍🏻菜式包括刺身,壽司同手卷等. 除咗有每日由豐州市場新鮮直達嘅魚材, 仲有多款自家製熟成刺身.前菜係清爽既沖繩水雲配上富山螢光魷魚. 入口鮮甜,魷魚清脆可口.茶碗蒸雞蛋嫩滑, 佐以清酒調味, 有淡淡米酒香味. 當然仲有唔少新鮮海鮮配料!壽司9件. 如傳統Omasake一樣,味道係由清淡到香濃. 包括: 肉質鮮嫩清新既沖繩笛鯛, 油香味濃郁既新鮮銀鱈魚, 同蝦膏鮮香味濃既甜蝦壽司. 款款都令人印象深刻. 當然唔少得師傅精心準備既熟成大拖羅! 脂肪分佈勻稱, 魚油脂甘香入口即溶!而手卷係師傅準備魚蓉手卷，口感味道一流!最後甜品係抹茶蕨餅同蜜餞紅豆. 蕨餅香軟熟點抹茶苦澀回甘. 配上蜜餞紅豆令人滿足!