影片
更多
2017-09-17
1147 浏览
冇冷氣!冇杯!每半個鐘上一道菜，足足四個半鐘先食完！預早要比曬錢，難食冇仇報！冇餐廳營運經驗就麻煩請員工親戚朋友免費試菜幾日，順利營運先正式開業，即使專業高級餐廳都有咁做架！媽咪著重健康，見網上介紹窩廚純素，主張健康素食(食生)，賣相精緻，仲$100任食，即相約十位親戚朋友為媽咪慶祝生日。whatsapp 查詢問價資訊不足，表達不清，只不斷強調要過曬數先留位，好快就full。連食咩都未知，比咩錢丫！問左幾次先知原來$100任食限時一小時，我地十個人一個鐘唔駛諗。最好笑佢一開始就send 曬全日推介同埋d 'lunch 少人d'而唔係問我想食lunch 定dinner😅自己一味講一味做，冇問同考慮顧客需要係最需要改善既地方！最後我訂左$200 位 可以食3個鐘6:30-9:30 有6-7道菜既私房菜。當天4點打黎話有客想訂6-7pm，問我地介唔介意改7點，其實我地本身想book 7點但佢話想9點close，先book 6:30，咁改7點，最終熱住坐等食，食到成11點幾。生日買蛋糕我覺得好正常，最多收切餅費。拎到上去先話我知有蛋有奶我地唔serve，連自備餐具都唔食得！大家記住唔好買蛋糕！
媽咪著重健康，見網上介紹窩廚純素，主張健康素食(食生)，賣相精緻，仲$100任食，即相約十位親戚朋友為媽咪慶祝生日。whatsapp 查詢問價資訊不足，表達不清，只不斷強調要過曬數先留位，好快就full。連食咩都未知，比咩錢丫！問左幾次先知原來$100任食限時一小時，我地十個人一個鐘唔駛諗。最好笑佢一開始就send 曬全日推介同埋d 'lunch 少人d'而唔係問我想食lunch 定dinner😅自己一味講一味做，冇問同考慮顧客需要係最需要改善既地方！
最後我訂左$200 位 可以食3個鐘6:30-9:30 有6-7道菜既私房菜。當天4點打黎話有客想訂6-7pm，問我地介唔介意改7點，其實我地本身想book 7點但佢話想9點close，先book 6:30，咁改7點，最終熱住坐等食，食到成11點幾。
生日買蛋糕我覺得好正常，最多收切餅費。拎到上去先話我知有蛋有奶我地唔serve，連自備餐具都唔食得！大家記住唔好買蛋糕！
7點上到去台台坐滿人，醒目既客人乖乖離開，不知情剛到既客人繼續坐。比曬$訂左台，但餐廳冇留台，亦冇人帶位，人都癲！我做埋樓面，安排親戚朋友坐好，我倆坐sofa 等左5分鐘，2位客人尷尬地行返出嚟同我地交換位。人哋都係客，比着我見到有大枱唔通唔坐坐sofa！訂咗枱就唔該帶位啦！明知大枱俾人book咗！
等齊人成15分鐘水都冇杯，仲要係啲客人同我講先知原來self service，但得返三隻杯仲要其他客人都想要，而佢只係答冇！跟住啲客人唯有見到特飲杯就拎黎用。我問餐廳可唔可以拎啲特飲杯來用，佢話我哋嗰餐有welcome drinks 暗示叫我地唔好拎黎用。等左15分鐘，serve杯藍色暖暖地冇味既疑似碟豆花茶！前提係我哋已經坐咗喺度半個鐘冇冷氣有三把風扇同幾盞射燈射住，仲用凍飲杯serve杯冇味暖嘅嘢！其實比杯凍嘅鮮榨果汁我已經好開心，或者無糖菊花茶都起碼有啲菊花味！健康同素食唔一定無味right?
頭果兩味無花果沙律同橙皮甘筍湯都尚算可以，但跟住都繼續係serve沙律同湯，一係冇味，一係好重香料味！成個set除左welcome drink同甜品，就有2個沙律同3個湯！點解要將啲食材攪爛晒變晒做湯，冇層次又唔balance ，唔知自己食緊咩，菜式冇鋪排...
椰子油raw cake好滑，味道似食緊肥皂！朱古力raw cake 雲石紋白色位太多，白色位完全無味，建議減去白色部份。其實要整似cheese cake既素raw cake用腰果網上大把食譜！
總結及建議：
餐廳連廚房得200尺，半open kitchen50尺都唔知有冇。全間餐廳樓面廚房連洗碗得兩個人， serve成20個客。屋企咁細嘅廚房，有超過10個親戚上嚟你都打邊爐啦！仲夠膽serve10位每位六道菜，淨係洗碗都冇時間啦！仲有另外果10位客人呢？仲要啲食材全部冇準備！每道菜之間等果半個鐘不停聽到切菜聲。法國菜五道菜係有原因既，我情願食三道菜大碟啲唔駛等咁耐！其實你廚房咁細，食材要預先幾個鐘整好晒，淨係做自助餐，除左$100/1hr，可以加$50要多個主菜坐多一個鐘。人手着重招呼客人宣傳理念介紹餸菜，另一位負責上碟同洗碗。有熱誠不代表自己想做咩客人就會鍾意！慢活係客人慢活而唔係你慢慢出餐嘅藉口。要衡量人手同餐廳規模，做唔切就唔好接咁多客。菜式可以簡單啲，例如菠菜塔配濃刁草檸檬葉湯，可以只放菠菜塔，車厘茄開邊伴碟，幾滴濃刁草檸檬葉汁。綠色嘅菠菜、紅色嘅車厘茄配黃色嘅醬汁，色香味俱全！表現食材本身吸引嘅賣相，顧客用餐時嘅感受，好好宣揚理念吧！
张贴
