拾伍 (已結業)

每次去PMQ嘅時候，都經過呢一間好有神秘感嘅餐廳。 所以今次就約朋友一齊嚟試吓，點知發現佢唔止係餐廳咁簡單，佢有三四層樓咁高，中間仲有一層係賣特色嘅衣物，好有世外桃源嘅感覺。我同朋友各自嗌咗一個飯木盒同埋兩杯嘢飲，兩個木盒各自都有一塊好有日本風嘅布包住，而且入面嘅飯都暖笠笠。飯俠入面亦都擺放得好靚，每人大約有兩舊飯團嘅份量，然後你仲可以選擇係雞球或者漢堡扒等等，而且啲醬都配合得好好。雖然出產出得唔算好快，但係勝在佢所有嘢都好靚好乾淨，啲花茶用咗唔同嘅碗碗碟碟去擺放，除咗飲得仲打得卡添！成個環境完全係俾你用黎影相打卡，傾完計之後再去返PMQ行一轉，都係一個唔錯嘅選擇黎嘅！