英式修士吧 (已結業)

今晚同各openrice食友在凱悅有甜品自助餐之約，但唔夠六點已經走得，就約左個同事落呢度飲一飲先。﹝原本約左雪怡妹齊齊去食甜品，誰不知佢亦自己來，所以打個平手，下次再約過！﹞呢度都算是老牌酒吧，在這裡都開了好幾年。其實地方唔算好大，但用了大鏡去反射，加上幾個習角位，好似大左好多。有強勁音樂同裝修都幾好，放工來飲番杯都唔錯。眼看人客都唔算雜，幾斯文下，不過就好煙霧彌漫，聞不得煙味的最好要諗諗至來。有野飲有野食，想抽雪茄亦有散賣的。除左嘉士伯，叫左幾碟小吃，計有雞翼尖、牛柳粒同豬頸肉，樣樣都泡過油咁，幾香口，送啤酒當然不俗。最好的當然是雞翼尖，幾時都係送啤酒佳品。埋單一百六十幾蚊，比較來說，啤酒仲貴過食物。呢度的happy hour幾得意，是星期一及星期三全日，各式酒類皆半價，但星期四就沒有，唔知係唔係因為咁，所以今晚一來就有位。二是幾位靚女啤酒姐姐全程跟得幾貼，有賓至如歸的感覺，但又自然飲多杯。